Ալիսը հրաշքների աշխարհում (ֆիլմ, 1903)
Անվան այլ կիրառումների համար տե՛ս՝ Ալիսը հրաշքների աշխարհում (այլ կիրառումներ)
 անգլ.՝ Alice in Wonderland | |
|---|---|
.jpg) | |
| Երկիր | .svg){kind=small} Միացյալ Թագավորություն |
| Ժանր | ֆենթեզի ֆիլմ և համր կինո |
| Թվական | 1903 |
| Լեզու | անգլերեն |
| Ռեժիսոր | Սեսիլ Հեպուորտ և Պերսի Սթոու |
| Պրոդյուսեր | Սեսիլ Հեպուորտ |
| Սցենարի հեղինակ | Սեսիլ Հեպուորտ |
| Դերակատարներ | Մեյ Կլարկ, Սեսիլ Հեպուորտ և Բլեր |
| Օպերատոր | Սեսիլ Հեպուորտ |
| Կինոընկերություն | Walton Studios |
| Տևողություն | 8 րոպե |
 Alice in Wonderland (1903 film) Վիքիպահեստում | |
«Ալիսը հրաշքների աշխարհում» (անգլ.՝ Alice in Wonderland), անգլիացի կինոռեժիսոր Սեսիլ Հեպուորտի համր սև ու սպիտակ ֆիլմ։ Լուիս Քերոլի «Ալիսը Հրաշքների աշխարհում» գրքի առաջին էկրանավորումն է[1]։ Պրեմիերան կայացել է 1903 թվականի հոկտեմբերի 17-ին[2]։
Ֆիլմի տևողությունը 12 րոպե էր, որը ռեկորդային էր մինչ այդ նկարահանված անգլիական ֆիլմերի համեմատությամբ։ Ֆիլմից հասել է ընդամենը մեկ՝ ոչ ամբողջական օրինակ, որը հայտնաբերվել է 1963 թվականին և հանդիսատեսին հասանելի է դարձել միայն 2009 թվականին, երբ Բրիտանական կինոարխիվը վերականգնեց և թվայնացրեց պահպանված 8 րոպեն։ Սեսիլ Հեպուորտը մոնտաժային հատուկ լուծումներ է հորինել, որոնցով պատկերել է Ալիսի փոքրանալու և մեծանալու տեսարանները։ Ֆիլմը մեծ հաջողություններ է ունեցել նաև վարձույթում։
Գեղարվեստական առանձնահատկություններ
[խմբագրել | խմբագրել կոդը]Ֆիլմը մեծ հետաքրքրություն առաջացրեց հեռուստադիտողների մոտ։ Ֆիլմում առկա էին 20-րդ դարի կինեմատոգրաֆիայի համար բավականին բարձր մակարդակի հատուկ էֆեկտներ։ Օրինակ՝ Ալիսը փոքրանում և մեծանում է՝ գտնվելով տիկնիկային տանը։
Մինչև մեր օրերը հրաշքով պահպանվել է այս ֆիլմի միայն մեկ օրինակ մոտ 8 րոպե տևողությամբ։ Ցավոք սրտի, սա ևս լրիվ չէ. ֆիլմի որոշ մասեր կորած են։ Ֆիլմի բնօրինակը տևում է մոտ 10-12 րոպե, որը բավականին երկար էր այդ ժամանակների բրիտանական կինոֆիլմի համար։ Կարելի է ասել, որ ֆիլմն իրենից ներկայացնում էր կինեմատոգրաֆիայի սկզբնավորման դարաշրջանի գլուխգործոց ոչ միայն տևողության, այլև այդ ժամանակների համար բացառիկ պրոդյուսերության համար։
Դերերում
[խմբագրել | խմբագրել կոդը]- Մեյ Կլարկ - Ալիս
- Սեսիլ Հեպուորտ - գորտ
- Միսիս Հեպուորտ - Սպիտակ ճագար և Թագուհի
- Նորման Ուիթեն - Գլխարկագործ և Ձուկ
- Սթենլի Ֆեյթֆուլ - խաղաքարտ
- Ժոֆրե Ֆեյթֆուլ - խաղաքարտ
- Մեծ թվով երեխաներ խաղաքարտերի դերում
Ծանոթագրություններ
[խմբագրել | խմբագրել կոդը]- ↑ Mills, Ted (2016 թ․ մարտի 31). «The First Film Adaptation of Alice in Wonderland (1903)». Open Culture. Վերցված է 2017 թ․ մայիսի 19-ին.
- ↑ «Alice in Wonderland (1903)». British Film Institute Screenonline.
 | Վիքիպահեստն ունի նյութեր, որոնք վերաբերում են «Ալիսը հրաշքների աշխարհում (ֆիլմ, 1903)» հոդվածին։ |
| ||||||
