VEF

VEF
Տեսակ	բիզնես ձեռնարկություն
Հիմնադրված է	1919
Վայր	Ռիգա, Լատվիա
Երկիր	Լատվիա
Արդյունաբերություն	Էլեկտրոնիկա
Մայր ընկերություն	Radiotehnika RRR?
Կայք	vef.lv(լատիշերեն) և vef.lv/ru/glavnaya(ռուս.)
	VEF Վիքիպահեստում

VEF, լատիշերեն հապավված Valsts elektrotehniskā fabrika (պետական էլեկտրատեխնիկական ֆաբրիկա), էլեկտրական և էլեկտրոնային արտադրանք թողարկող խոշոր արդյունաբերական ձեռնարկություն Լատվիայի Հանրապետության մայրաքաղաք Ռիգայում։ Հիմնադրվել է 1919 թվականին։ Նախքան Երկրորդ համաշխարհային պատերազմի սկսվելը թողարկել է ապրանքների լայն տեսականի, ներառյալ աշխարհի ամենափոքր ֆոտոխցիկը՝ Minox Riga-ն^[1]։ Պատերազմից հետո դարձել է հաղորդակցական (կոմունիկացիոն) տեխնոլոգիաների խոշորագույն արտադրողը Խորհրդային Միությունում և Լատվիական ԽՍՀ-ի ամենամեծ արդյունաբերական ձեռնարկությունը^[2]։

Պատմություն

VEF-ը հիմնադրվել է 1919 թվականի ապրիլին՝ որպես փոստ-հեռագրային վարչության վերանորոգման արհեստանոց։ Մինչև Առաջին համաշխարհային պատերազմը արտադրական շինությունները պատկանել են 1887 թվականին հիմնադրված UNION ֆաբրիկային^[2]։ Ընկերությունը VEF է անվանակոչվել 1932 թվականին^[3]։

Հեռախոսներ սկսել է արտադրել 1922 թվականից, ռադիոընդունիչներ՝ 1924-ից^[2], ավտոմատ հեռախոսակայաններ՝ 1928 թվականից։ Ռիգայի և լատվիական այլ քաղաքների հեռախոսային կայաններում աշխատել են հենց այս ձեռնարկության՝ մինչև 1940 թվականը թողարկած սարքավորումները^[3]։ 1930-ական թվականներին այստեղ յուրաքանչյուր ամիս արտադրվել են 500 հեռախոս ու 400 հեռախոսակայան^[2]։ Արդեն իսկ 1930-ական թվականներից ֆաբրիկան թողարկել է շուկայական պահանջարկ ունեցող էլեկտրոնիկայի լայն տեսականի՝ կապի սարքավորումներ, հեռախոսներ, էլեկտրալամպեր, լուսանկարչական սարքեր, արդուկներ, լապտերներ, ռադիոընդունիչներ, ինչպես նաև՝ լուսանկարչական թուղթ, բանվորական սեղաններ, փոքր խմբաքանակներով՝ ավտոմեքենաներ, մոտոցիկլետներ, մինչև անգամ՝ մարզական ու մարտական ինքնաթիռներ^[2]^[4]։

Խորհրդային իշխանության տարիներին մեծ պահանջարկ էին վայելում հատկապես ձեռքի, դյուրակիր VEF-202, «Սպիդոլա» մակնիշների ռադիոընդունիչները, ձայնագրիչները...

1999 թվականին ֆաբրիկան սեփականաշնորհվել է և վերակազմավորվել^[2]։