Մարմնի երկար, մինչև 260 մմ է, կենդանի զանգվածը՝ մինչև 450 գ։ Հայաստանում հանդիպում է Շիրակի, Ամասիայի և Աշոցքի սարահարթերում, Լոռու մարզի հարավային, Արագածոտնի մարզի արևմտյան և հյուսիս-արևմտյան շրջաններում, ունի մոտ 3000 կմ տարածման մակերես։ Բնի խորությունը մինչև 135 սմ է, ընդհանուր երկարությունը՝ մինչև 245 Մ, ունի բարդ կառուցվածք և 10-ից ավելի խուցեր։ Գործունյա է կլոր տարին, գրեթե ողջ օրվա ընթացքում, շոգ և ցուրտ եղանակին՝ առավոտյան և երեկոյան։ Սնվում է բույսերի ստորգետնյա մասերով, երբեմն բնում պահեստավորում է մինչև 4 կգ կեր։ Բազմանում է տարին 1 անգամ, ունենում մինչև 6 ձագ։ Բարենպաստ պայմաններում խտությունը հասնում է մինչև 25 անհատ/հա։ Վնաս է հասցնում բազմամյա մշակովի խոտաբույսերի դաշտերին։
Այս հոդվածի կամ նրա բաժնի որոշակի հատվածի սկզբնական տարբերակը վերցված էՀայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
