«Modern Talking» (թարգմանաբար՝ «ժամանակակից խոսակցություն»), գերմանական սինթփոփ ժանրում ստեղծագործող նախկին երաժշտական դուետ, որի անդամներն են եղել Դիթեր Բոլենը և Թոմաս Անդերսը: Խումբը եղել է իր ժամանակների առավել հայտնի և հաջողված երաժշտական համույթներից՝ գործունեության տարիներին թողարկելով բազմաթիվ համաշխարհային կարգի հիթային կատարումներ, մասնավորապես՝ «You're My Heart, You're My Soul», «You Can Win If You Want», «Cheri, Cheri Lady», «Brother Louie», «Atlantis Is Calling (S.O.S. for Love)» և այլն։
Խումբը գործել է 1984 թվականից մինչև 1987 թվականները, որից հետո ենթարկվել լուծարման, այնուհետև տարիներ անց կրկին միավորվել 1998 թվականին, և վերջնականապես դադարեցրել գործունեությունը 2003 թվականին։ 1998-2003 թվականներին խումբը փոխել էր երաժշտական ժանրը՝ եվրոփոփից եվրոդանս։
Գերմանիա
