Magical Mystery Tour

Magical Mystery Tour
The Beatles-ի ստուդիական ալբոմ
Թողարկված	1967 թվականի նոյեմբերի 27 1967 թվականի դեկտեմբերի 8
Ձայնագրված	Abbey Road Studios և Olympic Sound Studios
Ժանր	հոգեբանական ռոք, հոգեբանական պոպ, սիմֆոնիկ ռոք, փորձարարական ռոք, բարոկկո-պոպ
Տևողություն	18:56 (EP-տարբերակ) 36:52 (LP և CD տարբերակ)
Լեզու	անգլերեն
Լեյբլ	Parlophone Records Capitol Records EMI
Պրոդյուսեր	Ջորջ Մարտին

Magical Mystery Tour, The Beatles խմբի իններորդ ալբոմը։ Ձայնագրվել է Abbey Road Studios և Olympic Sound ստուդիաներում 1967 թվականի ապրիլի 25-ից նոյեմբերի 7-ն ընկած ժամանակահատվածում։ Ալբոմը իրոք կյարելի է համարել The Beatles-ի ստեղծագործության գագաթնակետը։

Ալբոմի ձայնագրությունը

Երգերը, որոնք տեղ են գտել ալբոմի բրիտանական տարբերակում, հնչում են «Կախարդական խորհրդավոր ճանապարհորդություն» ֆիլմում։ Երկրորդ մասում երգերը ձայնագրվել են խմբի կողմից 1967 թվականին, և ֆիլմի համար չեն օգտագործբել։ Բացառությամբ «Hello, Goodbye» երգի, որը ներառվել է միայն ֆիլմի վերջում և հնչում էր միայն կրկներգը։

Ստեղծագործությունների ցանկ

Մեծ Բրիտանիայում ալբոմը լույս է տեսել երկուական մինի-ալբոմի տեսքով, որը բաղկացած էր վեց տրեկից։ Իսկ ամերիկյան տարբերակը բաղկացած էր տասնմեկ ստեղծագործությունից և իրենից ներկայացնում էր LP սկավառակ։ Մեծ Բրիտանիայում նման ալբոմ լույս տեսավ միայն 1976 թվականին։ Նույն սկավառակը լույս տեսավ ժամանակակից CD տարբերակով։

Բրիտանական հրատարակչություն

«Magical Mystery Tour»

• Թարգմանություն․ «Կախարդական խորհրդավոր ճանապարհորդություն»
• Հեղինակներ՝ Լեննոն, Մաքքարթնի
• Տևողությունը՝ 2:51
• Ձայնագրվել է՝ 1967 թվականի ապրիլի 25-մայիսի 3
• Վոկալ՝ Փոլ Մաքքարթնի, Ջոն Լեննոն, Ջորջ Հարիսոն

Երգի բառերը արտացոլում են համանուն ֆիլմի բովանդակությունը։ Երբ Բիթլերը նոր էին սկսել ելույթ ունենալ, «խորհրդավոր ճանապարհորդությունները» Մեծ Բրիտանիայում շատ տարածված էին։ Լենոնն ու Մաքարթնին դարձրին այդպիսի ճանապարհորդությունները կախարդական, որպեսզի երգը և ֆիլմը լինեին մի փոքր ավելի սյուրեալիստական, քան իրականությունը։

«Your Mother Should Know»

• Թարգմանություն․ «Մայրդ պետք է իմանա»
• Հեղինակներ՝ Լեննոն, Մաքարթնի
• Տևողությունը՝ 2:29
• Ձայնագրվել է՝ 1967 թվականի օգոստոսի 22
• Վոկալ՝ Փոլ Մաքարթնի

Ըստ Մաքարթնիի, տվյալ երգը նա գրեց «Կախարդական խորհրդավոր ճանապարհորդություն» ֆիլմի համար։ Ֆիլմում երգը հնչում է վերջին էպիզոդում, որտեղ խմբի անդամները սպիտակ սմոկինգներով իջնում են մեծ աստիճանով։

Մաս 2/1

«I Am the Walrus»

• Թարգմանություն․ «Ես ծովացուլ եմ»
• Հեղինակներ՝ Լեննոն, Մաքարթնի
• Տևողությունը՝ 4:32
• Ձայնագրվել է՝ 1967 թվականի սեպտեմբերի 5
• Վոկալ՝ Ջոն Լեննոն

Լեննոնը ստեղծեց մի երգ, որը նա ստացավ իր գրած երեք երգերի միախառնումից։ Երբ նա իմացավ, որ իր դպրոցի մանկավարժներից մեկը ստիպում է աշակերտներին վերլուծել The Beatles-ի քնարական երգերը, նա ավելացրեց անիմաստության տողը։ Ծովացուլ կերպարը վերցված է Լյուիս Քերոլի «Ծովացուլը և Ատաղձագործը» բանաստեղծությունից, որը հատված է «Ալիսան հրաշքների աշխարհում գրքից»։

Մաս 1/2

«The Fool on the Hill»

• Թարգմանություն․ «Հիմարը բլրի վրա»
• Հեղինակներ՝ Լեննոն, Մաքարթնի
• Տևողությունը՝ 2:56
• Ձայնագրվել է՝ 1967 թվականի սեպտեմբերի 25
• Վոկալ՝ Փոլ Մաքարթնի

Ըստ Մաքարթնիի, երգի գլխավոր հերոսը Մախարիշի Մախեշ Յոգի նախատիպն էր։

«Հիմարը բլրի վրա» երգը ես հնարեցի, և գտնում եմ, որ այն Մախարիշիի մասին է, որին հիմար էին անվանում։ Նրա հիմար ծիծաղի համար, ոչ ոք իրեն լուրջ չէր ընդունում։ Մի անգամ ես նստած էի դաշնամուրի մոտ և նվագում էի D6 ակորդը, և հանկարծակի հորինեցի «Հիմարը բլրի վրա» երգը։

«Flying»

• Թարգմանություն․ «Թռիչք»
• Հեղինակներ՝ Լեննոն, Մաքարթնի, Հարիսոն, Սթար
• Տևողությունը՝ 2:17
• Ձայնագրվել է՝ 1967 թվականի սեպտեմբերի 28

Երգը համարվում է խմբի երկրորդ բացառիկ գործիքային ստեղծագործությունը(«12-Bar Original»-ից հետո, 1965 թվական) և երգի հեղինակները միառժամանակ խմբի բոլոր անդամներն են (ինչպես «Harrison/Lennon-McCartney/Starkey» երգը, ըստ Մաքարթնիի խոսքերի)

«Flying»-ը գործիքային ստեղծագործություն է, որը մեզ պետք էր «Կախարդական խորհրդավոր ճանապարհորդություն» ֆիլմի համար։ Մի անգամ գիշերը ստուդիայում ես առաջարկեցի տղաներին մի այսպիսի պարզ բան․ «Մենք կարող ենք մի հասարակ բան անել, պարզապես տասներկու տակտանոց բլյուզ։ Մեզ պետք է մի փոքրիկ թեմա և մի քիչ ֆոն»։ Ես գրեցի մեղեդին։ Երգ ստանալու համար միակ անհրաժեշտ բանը մեղեդին է։ Ի վերջո ստացանք մի երգ, որը վերագրվեց մեզ՝ չորսիս։

Մաս 2/2

«Blue Jay Way»

• Հեղինակ՝ Ջորջ Հարիսոն
• Տևողությունը՝ 3:55
• Ձայնագրվել է՝ 1967 թվականի սեպտեմբերի 6-հոկտեմբերի 6
• Վոկալ՝ Ջորջ Հարիսոն

Երգի անունը Հոլիվուդյան Բլուրներ շրջանի փողոցներից մեկի անվանումն է։ Փողոցը այնքան բարձր է, որ այդտեղից բացվում է տեսարան դեպի Լոս Անջելես և Հոլիվուդ։

Ամերիկական տարբերակ

Մաս1
#	Անվանում	Վոկալ	Տևողություն
1.	«Magical Mystery Tour»	Մաքքարթնի, Լեննոն, Հարիսոն	2:51
2.	«The Fool on the Hill»	Մաքքարթնի	2:56
3.	«Flying» (Մաքքարթնի, Լեննոն, Հարիսոն, Սթար)	(գործիքային ստեղծագործություն)	2:17
4.	«Blue Jay Way» (Հարիսոն)	Հարիսոն	3:55
5.	«Your Mother Should Know»	Մաքքարթնի	2:29
6.	«I Am the Walrus»	Լեննոն	4:32

Մաս 2
#	Անվանում	Վոկալ	Տևողություն
1.	«Hello Goodbye»	Մաքքարթնի	3:27
2.	«Strawberry Fields Forever»	Լեննոն	4:10
3.	«Penny Lane»	Մաքքարթնի	3:03
4.	«Baby, You’re a Rich Man»	Մաքքարթնի, Լեննոն, Հարիսոն	3:03
5.	«All You Need Is Love»	Մաքքարթնի, Լեննոն, Հարիսոն	3:44

Արտաքին հղումներ

• Բիթլերի մեկնաբանությունները յուրաքանչյուր երգի համար (անգլ.)
• Ամեն ինչ ալբոմի մաիսն Արխիվացված 2005-09-15 Wayback Machine (անգլ.)
• The real Blue Jay Way (անգլ.)