Lexus LX

Վիքիպեդիայից՝ ազատ հանրագիտարանից
Jump to navigation Jump to search
Lexus LX
Lexus LX P4250848.jpg
Ընդհանուր տվյալներ
Տեսակավտոմեքենայի մոդել
ԱրտադրողՏոյոտա
ԴասԳործնական սպորտային ավտոմեքենա
Lexus LX Վիքիպահեստում

Lexus LX, Լեքսուս ընկերության ամենագնաց, արտադրվում է 1996 թվականից։ Ներկայիս սերունդը ստեղծվել է Toyota Land Cruiser 200-ի հիմքի վրա։ Ներկա պահին թողարկվում է ամենագնացի երրորդ սերունդը։ Ավտոմեքենան պաշտոնապես չի վաճառվում Ճապոնիայում, ապրանքաշրջանառության հիմնական շուկաները գտնվում են Հյուսիսային Ամերիկայում, Մերձավոր Արևելքում, Չինաստանում, Ինդոնեզիայում, Ֆիլիպիններում, Ռուսաստանում, Ավստրալիայում և Նոր Զելանդիայում։

Առաջին սերունդ[խմբագրել | խմբագրել կոդը]

1955 թվականի նոյեմբերին վաճառքի հանվեց LX 450-ը։ ԱՄՆ-ում այն սկսեց արտադրվել 1996 թվականի հունվարից, իսկ Կանադայում՝ 1997 թվականից։ Կազմված էր 4,5 լիտր տարողությամբ շարժիչից, որն ուներ 4 փական և հաջորդականությամբ տեղադրված 6 մխոցային գլան՝ 160 կՎտ (215 ձիաուժ) հզորությամբ, վայրկյանում՝ 373 Նմ․ պտույտով։ Նույնացված էր Toyota Land Cruiser 80 ավտոմեքենայի հետ։

Երկրորդ սերունդ[խմբագրել | խմբագրել կոդը]

1998-2002[խմբագրել | խմբագրել կոդը]

1998-2002 Lexus LX (Ավստրալիա)

1990-ական թվականների կեսերին ավարտվեց երկրորդ սերնդի վերամշակումը։ 1997 թվականի դեկտեմբերին երկրորդ սերունդը ներկայացվեց Լոս Անջելեսի ավտոսրահում և վաճառքի հանվեց 1998 թվականին։ Կազմված է 4,7 լիտրանոց V8 շարժիչից՝ 200կՎտ (268 ձիաուժ) հզորությամբ։

2002-2005[խմբագրել | խմբագրել կոդը]

2005–2007 LX 470 (Ավստրալիա)

2002 թվականին հավելյալ հնարավորությունների շրջանակում ավելացվեց անվտանգության համակարգի ինֆրակարմիր տեսախցիկ՝ գիշերային տեսողության համար։

2002-2003 թվականներին թարմացումներ եղան LX-ի ներքին և արտաքին տեսքի մեջ՝ նոր անիվներ, փոխանցումատուփ, հզորության մեծացում (234 ձիաուժից 238 ձիաուժ): Թարմացված շարժիչը այժմ համապատասխանում էր CARB ULEV-II արտանետվածքի չափանիշներին։ Ավելացվել էին նաև առջևի անվտանգության բարձիկներ և կողային բարձիկներ։

2004 թվականին ավելացվել է Bluetooth համակարգ։

2005-2007[խմբագրել | խմբագրել կոդը]

2005 թվականին իրականացվեց երկրորդ վերաձևավորումը։ Ավելացան ռադիատորի նոր քրոմային վանդակաճաղը, ետևի լուսային լապտերները, թարմացած շարժիչը, տեղադրվեց VVT-i համակարգը, որի հիման վրա մեծացավ հզորությունը՝ 238 ձիաուժից դառնալով 278 ձիաուժ։ 2007 թվականին թողարկվեց սահմանափակ տարբերակը՝ 400 ավտոմեքենայով, Limited Edition։ Արտաքինից այն կարելի է ճանաչել իր «Black Onyx» գույնով, 18 դյույմանոց անիվներով՝ ծածկված «Liquid Graphite»-ով, քրոմապատված բռնակներով և պատուհանների տակ դրված պահոցներով, քրոմապատ խլացուցիչով և առջևի դռների վրա գրված «Limited Edition» գրությամբ։

Երրորդ սերունդ[խմբագրել | խմբագրել կոդը]

2010-2011 թվականների LX 570

2007-2010[խմբագրել | խմբագրել կոդը]

Ավտոմեքենայի նոր սերունդը ցուցադրվել է 2007 թվականի ապրիլին Նյու Յորքի ավտոսրահում։ LX 570-ը զգալիորեն տարբերվում է իր նախորդից։ Քիչ հետո՝ 2007 թվականի սեպտեմբերին, ցուցադրվեց նրա անալոգը՝ Toyota Land Cruiser 200-ը։ Ամենագնացը դարձել էր 102մմ-ով երկար և 25մմ-ով լայն։ Անիվային հիմքը մնացել էր նույնը։ Ինչպես Toyota Tundra-ի դեպքում, այստեղ ևս կցովի սարքը կառուցված էր շրջանակով։

2010-2012[խմբագրել | խմբագրել կոդը]

2010 թվականին Lexus LX-ը ստացավ փոքր թարմացում՝ նոր բախարգել (ռուս.՝ бампер): Նաև եղավ թարմացում սպորտային տարբերակի համար։

2012-2015[խմբագրել | խմբագրել կոդը]

Lexus LX 570-ը 2015 թվականից հետո

2012 թվականին Lexus LX-ը ենթարկվեց աննշան վերաձևավորման։ Ավտոմեքենան ստացավ ռադիատորի նոր վանդակաճաղ, բախարգել, լուսարձակներ և հետևի լապտերներ։

2015-ներկա ժամանակներ[խմբագրել | խմբագրել կոդը]

2015 թվականին կատարվեց էական վերաձևավորում: Ավտոմեքենան ստացավ նոր ինտերիեր և փոփոխություններ տանիքի հատվածում[1]: Վերաձևավորված տարբերակը ցուցադրվել է 2015 թվականի օգոստոսին US Pebble Beach Concours d'Elegance-ում[2][3]:

Շարժիչներ[խմբագրել | խմբագրել կոդը]

LX 570-ը բոլոր տեսակներից տարբերվում է իր 5.7 լիտրանոց V8 և 367 ձիաուժ հզորությամբ շարժիչով: 2015 թվականի վերաձևավորումից հետո Ռուսաստանում, Ուկրաինիայում և Նոր Զելանդիայում ավտոմեքենան ներկայացվում է 4.5 լիտր տարողությամբ V8 (272 ձիաուժ հզորությամբ), 5.7լ բենզին և 4.5լ դիզել շարժիչներով:

Ծանոթագրություններ[խմբագրել | խմբագրել կոդը]

  1. Campbell Matt (2015-08-14)։ «2016 Lexus LX570 revealed»։ Australia: CarAdvice։ Վերցված է 2015-08-18 
  2. Halvorson Bengt (2015-08-14)։ «Refreshed 2016 Lexus LX 570 SUV Bows at Pebble Beach»։ The Car Connection (US)։ Վերցված է 2015-08-19 
  3. Thomas David (2015-08-14)։ «2016 Lexus LX 570 Gets New Look, Interior, Tech (35 Photos)»։ US: cars.com։ Վերցված է 2015-08-18 

Արտաքին հղումներ[խմբագրել | խմբագրել կոդը]