Johnny B. Goode

Վիքիպեդիայից՝ ազատ հանրագիտարանից
«Johnny B. Goode»
Չաք Բերիի սինգլը
Թողարկված1958 թվականի մարտի 15
ԺանրՌոքնռոլ
ԵրգահանՉաք Բերի[1][2]

Johnny B. Goode, 1958 թվականին ստեղծված ռոքնռոլ ժանրի երգ, որը գրվել և առաջին անգամ ձայնագրվել է Չաք Բերիի կողմից։ Երգը դարձել է գլխավոր հիթ՝ հասնելով Billboard magazine Hot R&B Sides հիթ-շքերթի երկրորդ հորիզոնականին և Hot 100 հիթ-շքերթի ութերորդ հորիզոնականին։

«Johnny B. Goode»-ը համարվում է ամենահայտնի երգերից մեկը երաժշտության պատմության մեջ[3]։ Համարվում է «ռոքնռոլի փառքի մասին առաջին ռոքնռոլ հիթը»։ Այն ձայնագրվել է բազմաթիվ այլ կատարողների կողմից և ստացել տարբեր մրցանակներ։ Երգը Rolling Stone-ի «բոլոր ժամանակների 500 մեծագույն երգերը» ցանկում զբաղեցրել է յոթերորդ հորիզոնականը[4]։

Պատմություն[խմբագրել | խմբագրել կոդը]

1955 թվականին Բերիի կողմից գրված երգը պատմում է Նոր Օռլեանի շրջանի անգրագետ գյուղացու մասին, որը կիթառ է նվագում այնպես, «ասես զանգեր է հնչեցնում», և որը մի օր կարող է հայտնի դառնալ[5]։ Բերին խոստովանել է, որ երգը մասամբ ինքնակենսագրական է և բնօրինակ բառերը նկարագրում են Ջոնիին՝ որպես «սևամորթ տղայի», բայց նա փոխել է բառերը, որպեսզի այն հեռարձակվի ռադիոյով[6]։ Բացի գյուղացու՝ լավ կիթառահար լինելուց, վերնագիրն ունի ինքնակենսագրական տարրեր, քանի որ Բերին ծնվել է 2520 Goode Avenue-ում (Սենթ Լուիս)[7][8]։ Երգի համար ոգեշնչման աղբյոր է եղել ոնի Ջոնսոնը, որ սովորական դաշնակահար էր Բերիի խմբում, սակայն հետագայում վերածվել է հիմնականում Բերիի մասին պատմող երգի։ Ջոնսոնը նվագել է Բերիի բազմաթիվ այլ ձայնագրությունների համար, սակայն այս երգի համար դաշնամուր նվագել է Լաֆայեթ Լիքը։

Երգի անվանումը բառախաղ է. «Johnny B. Goode»-ը կարծես սովորական անուն և ազգանուն է, սակայն անգլերենում հնչում է որպես «Johnny be good» («Ջոնի, բարի եղիր»)։

Երգը ձայնագրվել է «Վոյաջերի» ոսկե ձայնասկավառակի վրա։

«Johnny B. Goode» երգը կատարվել է «Հետ դեպի ապագա» ֆիլմում և ներկայում երբեմն ասոցացվում է հենց այդ ֆանտաստիկ ֆիլմի հետ։ Սյուժեի համաձայն՝ Չաք Բերին ոչ թե գրել է այդ երգը, այլ ընդամենը լսել է այն իր զարմիկ Մարվինից հեռախոսով։ 1955 թվականին նրա զարմիկը լսել է դա դպրոցական երեկոյի ժամանակ, որտեղ գլխավոր հերոսը՝ Մարտի Մաքֆլայը, որ եկել էր ապագայից, կատարում է այդ հիթը՝ այն իմանալով որպես Չաք Բերիի երգ (խաղարկվում է ժամանակային հանգույցի դասական պարադոքսը)։ Ֆիլմի լուսագրերում ՄաքՖլայը նշված է որպես երգի կատարող Starlighters խմբի հետ։

Անձնակազմ[խմբագրել | խմբագրել կոդը]

  • Չաք Բերի – վոկալ, սոլո կիթառ
  • Լաֆայետ Լիք – դաշնամուր
  • Վիլի Դիքսոն – բաս կիթառ
  • Ֆրեդ Բելոու – թմբուկ

Հիթ-շքերթներ[խմբագրել | խմբագրել կոդը]

Շաբաթական հիթ-շքերթներ[խմբագրել | խմբագրել կոդը]

Հիթ-շքերթ (1958) Հորիզոնական
US Billboard Hot 100[9] 8
US Billboard Hot R&B Sides[10] 2
US Cash Box Top 100[11] 11
Ամերիկայի Միացյալ Նահանգներ Hot Rock Songs (Billboard)[12] 9

Տարեվերջյան հիթ-շքերթներ[խմբագրել | խմբագրել կոդը]

Հիթ-շքերթ (1958) Հորիզոնական
US Billboard Hot 100[13] 73

Ծանոթագրություններ[խմբագրել | խմբագրել կոդը]

  1. ↑ https://www.theguardian.com/music/2007/jun/21/popandrock.vinylword
  2. ↑ ISWC-Net
  3. ↑ «500 Greatest Songs of All Time: 7. Chuck Berry, 'Johnny B. Goode'». 2011 թ․ ապրիլի 7. Արխիվացված է օրիգինալից 2017 թ․ մարտի 12-ին. Վերցված է 2017 թ․ մարտի 22-ին. {{cite magazine}}: Cite magazine requires |magazine= (օգնություն)
  4. ↑ «Rolling Stone's 500 Greatest Songs Of All Time». Rolling Stone. 2010 թ․ ապրիլ. Արխիվացված է օրիգինալից 2017 թ․ մարտի 12-ին. Վերցված է 2015 թ․ սեպտեմբերի 18-ին.
  5. ↑ Taylor, Timothy D. (2000). «Chapter 7 – His Name Was in Lights: Chuck Berry's 'Johnny B. Goode'». In Middleton, Richard (ed.). Reading Pop: Approaches to Textual Analysis in Popular Music. Oxford University Press. էջեր 165–167, 177. ISBN 0-19-816611-7.
  6. ↑ «Johnny B. Goode». Rolling Stone. Արխիվացված է օրիգինալից 2006 թ․ դեկտեմբերի 28-ին. Վերցված է 2010 թ․ փետրվարի 21-ին.
  7. ↑ «Johnny Johnson». Blues Music Now. Արխիվացված է օրիգինալից 2016 թ․ մայիսի 7-ին. Վերցված է 2010 թ․ փետրվարի 21-ին.
  8. ↑ Ratliff, Ben (2005 թ․ ապրիլի 14). «Johnnie Johnson, 80, Dies; Inspired 'Johnny B. Goode'». New York Times. Վերցված է 2010 թ․ փետրվարի 21-ին.
  9. ↑ Joel Whitburn's Top Pop Singles 1955-1990 - 0-89820-089-X
  10. ↑ [[[:Կաղապար:AllMusic]] «Charts & Awards: Chuck Berry – Billboard Singles»]. AllMusic. Rovi. Վերցված է 2011 թ․ փետրվարի 1-ին. {{cite web}}: Check |url= value (օգնություն)
  11. ↑ «Cash Box Top Singles 5/31/58». tropicalglen.com. Արխիվացված է օրիգինալից 2018 թ․ հունիսի 3-ին. Վերցված է 2017 թ․ մարտի 19-ին.
  12. ↑ Chuck Berry Album & Song Chart History Billboard Hot Rock Songs for Chuck Berry. Ստուգվել է January 4, 2017.
  13. ↑ «Top 100 Hits of 1958/Top 100 Songs of 1958». Music Outfitters.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Johnny B. Goode» հոդվածին։
 ⛭ 
  Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Johnny_B._Goode&oldid=9805886» էջից