18+ (թատրոն)

Վիքիպեդիայից՝ ազատ հանրագիտարանից
Jump to navigation Jump to search
Picto infobox masks.png
18+ թատրոն
18+ (театр)
2013 18 Plus Makaronka.jpg
ԵրկիրՌուսաստան Ռուսաստան
Գտնվելու վայրըԴոնի Ռոստով, Լինիյա 18, տուն 8
Հիմնադրման ամսաթիվ2013
Գեղարվեստական ղեկավարՅուրի Մուրավիցկի
Գլխավոր ռեժիսորԳերման Գրեկով
Կայք16thline.ru/makaronka/teatr_18/

18+ թատրոն (ռուս.՝ 18+ (театр)), ոչ պետական թատրոն, բացվել է Դոնի Ռոստովում, 2013 թվականի հունվարին:

Թատրոնի պատմություն[խմբագրել | խմբագրել կոդը]

Մակարոնի նախկին ֆաբրիկայի շենքում 18+ թատրոնի ստեղծման մասին առաջին անգամ հայտարարվել է 2012 թվականի օգոստոսին: Թատրոնի բացումը, որի նախաձեռնողները 16thLINE պատկերասրահն ու Minicult համերգային-թատերական կենտրոնն էին, ծրագրվում էր բացվել 2012 թվականի նոյեմբերին[1]: Միանգամից պարզ էր, որ 18+ թատրոնն ուշադրություն է դարձնելու ժամանակակից դրամատուրգիային, որի հետ չէին համարձակվում աշխատել ավանդական թատրոնները[2]: 18+ թատրոնի գեղարվեստական ղեկավարը Յուրի Մուրավիցկին էր[3]: 18+ թատրոնի բացումը պլանավորված էր 2013 թվականի հունվարի 31-ին, "MAKARONKA" մշակութային կենտրոնի հետ համատեղ[4][5]: Այդ ժամանակ նաև հայտարարվել է Սերգեյ Մեդվեդևի «Секретный проект „Жуки 64“» կատակերգության բեմադրությունը: Նախկին մակարոնի ֆաբրիկայի վերանորոգված տարածքում տեղակայվել էր 80 տեղանոց հանդիսասրահ և ցուցահանդեսային տարածքներ: Ընդհանուր ցուցասրահը զբաղեցնում է ավելի քան 1000 քմ[6]: Թատրոնն ի սկզբանե չէր պլանավորում սեփական թատերախումբ ունենալ, քանի որ յուրաքանչյուր նախագծի համար պետք է հավաքագրվեր համապատասխան դերասանական խումբ: 18+ թատրոնի գեղարվեստական ղեկավար Յուրի Մուրավիցկին է, 2015 թվականից թատրոնի գլխավոր ռեժիսորն է Գերման Գրեկովը: Թատրոնը բացվել է Դոնի Ռոստովում, մակարոնի նախկին գործարանի տարածքում, 2013 թվականի հունվարի 31-ին: Բացման ժամանակ ներկայացվել է թատրոնի առաջին ներկայացումը, «Հայրիկ» վավերագրական մյուզիքլը Յուրի Մուրավիցկու բեմադրությամբ ըստ Լյուբով Մուլմենկոյի պիեսի: Ինչպես նաև ներկայացվել է "СИТО" արթ-խմբի ցուցահանդեսը: Ըստ Եվգենի Սամոյլովի, սեփական բեմադրությունները թատրոնում ցուցադրվելուն են այնքան ժամանակ, մինչև հանդիսատես կհավաքեն: 2013 թվականի փետրվարին, թատրոնի բացման առաջին ամսում, այստեղ կազմակերպվել են մոսկովյան Театр.doc-ի ելույթները[7]: 2013 թվականի ապրիլին 18+ թատրոնն իր բեմում ընդունել է սանկտ-պետերբուրգյան "АСБ" արվեստանոցին` Ալեքսեյ Յանկովսկու «Աղջիկն ու լուցկին» և «Չար ներկայացումը» բեմադրություններով: 2013 թվականի սեպտեմբերին մասնակցել է «Թատրոն+հասարակություն» ծրագրին, որի շրջանակներում 9-16 տարեկան դպրոցականները Յուրի Մուրավիցկու և Օլգա Կալաշնիկովայի ղեկավարությամբ գրել են 7 պիես 18+ թատրոնի համար: 2013 թվականի հոկտեմբերին 18+ թատրոնի տարածքում անց է կացվել «Ուղիղ խոսք» ժամանակակից դրամատուրգիայի ու ռեժիսուրայի փառատոնը, որի շրջանակներում ռոստովցիները հնարավորություն են ունեցել դիտելու «Սրճարանի տերը» (Театр Post, Սանկտ-Պետերբուրգ), «Պավլիկն իմ աստվածն է» (Ժոզեֆ Բոյսի անվան թատրոն, Մոսկվա), «Վառիր իմ կրակը» (Театр.doc, Մոսկվա) ներկայացումները և «Նպատակ» և «Մեր մեջ» վավերագրական ֆիլմերը: 2014 թվականին 18+ թատրոնի «Հայրիկ» ներկայացումը մասնակցել է «Ոսկե դիմակ» փառատոնի «Նոր պիես» արտամրցութային ծրագրին (Մոսկվա): 2015 թվականի նոյեմբերին 18+ թատրոնի «Շոկոշոպինգ» ներկայացումը դարձել է փոքր ձևաչափով կամերային թատրոնների և ներկայացումների "АртОкраина" 6-րդ միջազգային փառատոնի մասնակից (Սանկտ-Պետերբուրգ): 2016 թվականին «Շոկոշոպինգ» ներկայացումը հրավիրվել է 46-րդ Սլովենական դրամատուրգիայի շաբաթին որպես մասնակից, որն անց է կացվել 2016 թվականի ապրիլի 8-ին Կրան քաղաքում (Սլովենիա):

Խաղացանկ[խմբագրել | խմբագրել կոդը]

  • 2013 — «Հայրիկ» (ռեժ. Յու. Մուրավիցկի, դրամատուրգ` Լ. Մումենկո)[8][9][10]
  • 2013 — «Ասես ողջ լինեն» (ռոժ.` Օ. Կալաշնիկովա, դրամ.` Մ. Զելինսկայա)
  • 2013 — «Իմ սեքսուալության համար կատուն է մեղավոր» (ռեժ.` Օ. Նեվմերժիցկայա, դրամ.` Ա. Դոնատովա)
  • 2013 — «Աղջիկներ» (ռեժ.` Օ. Կալախնիկովա, դրամ.` Վ. Լևանովա, առաջնախաղ)[11][12]
  • 2013 — «Դոդոշ» (ռեժ. Ռուսլան Մալիկով, դրամ.` Ս. Մեդվեդև)[13][14][15]
  • 2013 — «Յուլիայի և Նատաշայի անհավանական արկածները» (ռեժ. և դրամ.` Յու. Մուրավիցկի, Գ. Գրեկով)[16]
  • 2014 — «Ամեն ինչ դեռ առջևում է» (ռեժ.` Օ. Կալաշնիկովա)[17]
  • 2014 — «Քասթինգ» (ռեժ. Գ. Գրեկով, դրամ.` Գ. Գրեկով և Յու. Մուրավիցկի)

Մեջբերումներ[խմբագրել | խմբագրել կոդը]

  • «Մենք ցանկանում ենք թատրոնի ու ժամանակակից արվեստի համադրությամբ ստեղծել միջմշակութային նախագծեր: Նախ և առաջ, մենք կհիմնվենք 16th Line պատկերասրահի, ինպես նաև` Օլգա Կալաշնիկովայի Minicult տարածության վրա, որը մի քանի ներակայացումներ ունի: Գոյություն ունի նաև «Ռոստովյան ընթերցումներ» փառատոն, որի ընթերցումներին մասնակցում են դերասաններ, այդ թվում և` Երիտասարդական թատրոնից, և մենք կաշխատենք նրանց հետ: Այնպես որ, քաղաքում արդեն որոշակի համատեքստ գոյություն ունի: Կան որոշակի ցրված ներկայացումներ, որոնք կենտրոն, հրապարակ չունեն, հիմա դրանք ի հայտ կգան: Ռոստովում կան երեք դրամատուրգներ` Աննա Դոնաթովան, Մաշա Զելինսկայան և Սերգեյ Մեդվեդևը: Ծրագրում ենք ներկայացնել նրանց տեքստեր»[18], Յուրի Մուրավիցկի, 2012:
  • «Մոսկվացի Մուրավիցկին իհարկե մտել է Ռոստովի պատմության մեջ, և ոչ միայն այն պատճառով, որ քաղաքը համակրելի է: Նրա համար կարևոր է նաև, որ թատրոնը ոչ պետական է և պետք չէ որևէ մեկին հաշիվ տալ գեղարվեստական մասի համար: Ավելի ճիշտ, կա Սամոյլովը, ով ներդրողն է, սակայն նա կենդանի մարդ է, այստեղից էլ` գործում է պատասխանատվության այլ ձևաչափ և այլ պահանջներ: Դրանք կարելի է քննարկել, օրենքով ամրագրված չեն: Եվ երկրորդը. «18+»-ը ստարտափ է, այլ ոչ թե պատրաստի կաղապար», Լյուբով Մուլմենկո, 2013:

Ծանոթագրություններ[խմբագրել | խմբագրել կոդը]

  1. Шепелева Е. В Ростове откроют экспериментальный театр // Город N. — 2012. — 28 авг.
  2. Шепелева Е. В Ростове откроют экспериментальный театр // Город N. — 2012. — 28 авг.
  3. Шепелева Е. В Ростове откроют экспериментальный театр // Город N. — 2012. — 28 авг.
  4. Шепелева Е. Макаронное искусство // Город N. — 2013. — 16 янв.
  5. Новый экспериментальный театр откроет постановка о донской столице.
  6. Иванов В. Новая жизнь старой фабрики.
  7. Иванов В. Новая жизнь старой фабрики.
  8. Лепская М. Как к этому относиться?! // rnd.urpur.ru. — 2013. — 5 февр.
  9. Мульменко Л. Папа, привет // www.colta.ru. — 2013. — 8 февр.
  10. Котелевская В. Сцена для папы // Эксперт Юг. — 2013. — 25 февр.
  11. Пилипенко Г. Ростов-папа, смерть-мама // www.rostovnews.net. — 2012. — 9 окт.
  12. Пилипенко Г. Ростов-папа увидит смерть-маму // www.rostovnews.net. — 2012. — 17 мая.
  13. Лебедева А. Театр — это пространство, где осмысливают реальность // Кто главный. — 2013. — № 4.
  14. Бровкина М. На Дону выяснили, что делать, если жена — жаба // Российская газета. — 2013. — 27 мая.
  15. Соколова Я. Спектакль «Жаба» — попытка приблизиться к формату европейских театров // Крестьянин. — 2013. — 30 апр.
  16. Калиниченко К. Как девицы души продавали // Городской репортёр. — 2013. — 19 ноября.
  17. Сафронова В. Постановка истории болезни // Русская планета. — 2014. — 10 окт.
  18. Банасюкевич А. Экспериментальный театр Юрия Муравицкого откроется в Ростове-на-Дону

Արտաքին հղումներ[խմբագրել | խմբագրել կոդը]