Օսա Ռեգներ

Վիքիպեդիայից՝ ազատ հանրագիտարանից
Jump to navigation Jump to search
Օսա Ռեգներ
Åsa Regnér.jpg
 
Կուսակցություն՝ Շվեդիայի սոցիալ-դեմոկրատական կուսակցություն
Կրթություն՝ Ստոկհոլմի համալսարան և Ուփսալայի համալսարան
Գիտական աստիճան՝ Բակալավր և M.Soc.Sc.? (2011)
Մասնագիտություն՝ քաղաքական գործիչ
Ծննդյան օր օգոստոսի 26, 1964(1964-08-26) (55 տարեկան)
Ծննդավայր Ստոկհոլմ, Շվեդիա
Քաղաքացիություն Flag of Sweden.svg Շվեդիա
Ի ծնե անուն շվեդ.՝ Åsa Charlotte Pettersson
Ամուսին Håkan Regnér?

Օսա Ռեգներ (շվեդ.՝ Åsa Regnér, ամբողջական անունը Åsa Charlotte Regnér, ի ծնե Pettersson, օգոստոսի 26, 1964(1964-08-26), Ստոկհոլմ, Շվեդիա), շվեդ պետական և քաղաքական գործիչ։

Կենսագրություն[խմբագրել | խմբագրել կոդը]

Ծնվել է 1964 թվականի օգոստոսի 26-ին Ստոկհոլմում։ Մեծացել է Լինչեպինգում և Մուտալում, մեծահասակ տարիքում վերցրել է մոր օրիորդական ազգանունը:

1984-1985 թվականներին Գերմանիայի Էրլանգեն-Նյուրնբերգի համալսարանում սովորել է քաղաքագիտություն, սոցիոլոգիա և գերմանական գրականություն։ Այնուհետև սովորել է Ստոկհոլմի համալսարանում, որտեղ բակալավրի աստիճան է ստացել: 2011 թվականին ավարտելով Ուփսալայի համալսարանը ստացել է ժողովրդավարության զարգացման մագիստրոսի աստիճան:

Աշխատել է որպես պաշտոնյա Tjänstemännens centralorganisation-ում (TCO) և Շվեդիայի Զբաղվածության նախարարությունում[1]։ Յանս Պերսոնի Սոցիալ-դեմոկրատական կառավարությունում գենդերային հավասարության հարցերով նախարար Յենս Օրբակի պաշտոնավարման ժամանակ Օսա Ռեգները Օրբակի հետ աշխատել է վարչապետի դիվանատանը, հետագայում որպես պաշտոնյա աշխատել է Շվեդիայի արդարադատության նախարարությունում: 2007-2012 թվականներին նա եղել է Շվեդիայի ազգային ասոցիացիայի սեռական լուսավորության (RFSU, Riksförbundet för sexuell upplysning) գլխավոր քարտուղար: Այնուհետև կարճ ժամանակահատվածում աշխատել է Բոլիվիայում ՄԱԿ-ի կին կառույցի տարածաշրջանային տնօրեն (2013-2014 թվականներ):

2014 թվականի հոկտեմբերի 3-ին Ռեգները Լյովենի կառավարությունում նշանակվել է երեխաների, տարեցների և հավասարության նախարար։ 2018 թվականի մարտի 7-ին նա հայտարարել է նախարարական պաշտոնից իր հեռանալու մասին, որպեսզի ՄԱԿ-ի կենտրոնակայանում պաշտոն զբաղեցնի որպես ՄԱԿ-ի կին կազմակերպության գործադիր տնօրենի տեղակալ[2]։ Օսա Ռեգների իրավահաջորդը դարձել է Լենա Հալենգրենը, որը պաշտոնը ստանձնել է 2018 թվականի մարտի 8-ին:

Անձնական կյանք[խմբագրել | խմբագրել կոդը]

1993 թվականից մինչև 1996 թվականը Օսա Ռեգները ամուսնացած էր տնտեսագետ Հոկան Ռեգների հետ (մինչև ամուսնանալը կրում էր Andersson ազգանունը): Այնուհետև եղել է Պերա Սեդելի զործընկերը (Per Cedell, ծնված 1967 թվականին)։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]