Փախստականների համաշխարհային օր
Փախստականների համաշխարհային օր (ՄԱԿ-ի պաշտոնական լեզուներով՝ անգլ.՝ World Refugee Day, չինարեն՝ 世界难民日, իսպ.՝ Día Mundial de los Refugiados, ֆր.՝ Journée mondiale des réfugiés), ՄԱԿ-ի Գլխավոր Ասամբլեան 2000 թվականի դեկտեմբերի 4-ին ընդունել է որոշում (թիվ 55/76) հունիսի 20-ը Փախստականների համաշխարհային օր ճանաչելու մասին՝ աշխարհում փախստականների մասին իրազեկվածության բարձրացման նպատակով։
Պատմություն[խմբագրել | խմբագրել կոդը]
2000 թվականի դեկտեմբերի 4-ին ՄԱԿ-ի Գլխավոր ասամբլեան 55/76 բանաձևով որոշել է, որ 2001 թվականից հունիսի 20-ը նշվում է որպես Փախստականների համաշխարհային օր։ Այս որոշման մեջ Գլխավոր ասամբլեան նշել է, որ 2001 թվականին նշվել է Փախստականների կարգավիճակի մասին 1951 թվականի Կոնվենցիայի 50-ամյակը[1]։
Աֆրիկյան փախստականների օրը մինչև 2000 թվականը նշվել է մի քանի երկրներում։ ՄԱԿ-ը նշել է, որ Աֆրիկյան միաբանության կազմակերպությունը (ԱՄԿ) համաձայնել է, որ փախստականների միջազգային օրը համընկնի Աֆրիկայի փախստականների օրվա հետ՝ հունիսի 20-ին[1][2]։
Հռոմի կաթոլիկ եկեղեցում Միգրանտների և փախստականների համաշխարհային օրը նշվում է յուրաքանչյուր տարվա հունվարին, որը հիմնադրվել է 1914 թվականին Հռոմի Պապ Պիուս X-ի կողմից։
Միջոցառումներ[խմբագրել | խմբագրել կոդը]
Ամեն տարի հունիսի 20-ին ՄԱԿ-ը, ՄԱԿ-ի Փախստականների հարցերով գերագույն հանձնակատարի գրասենյակը (ՄԱՓԳՀ) և աշխարհի անթիվ քաղաքացիական խմբավորումներ իրականացնում են Փախստականների համաշխարհային օրվա միջոցառումներ, որպեսզի հանրության ուշադրությունը հրավիրեն միլիոնավոր փախստականների և ամբողջ աշխարհում տեղահանված անձանց հիմնախնդիրներին, որոնք ստիպված են եղել պատերազմի, հակամարտության և հալածանքի պատճառով փախչել իրենց տներից։
Ամենամյա հիշատակի միջոցառումը նշվում է ավելի քան 100 երկրներում. այն նշում են պետական պաշտոնյաները, մարդասիրական օգնության աշխատողները, հայտնի մարդիկ, քաղաքացիական անձինք և բռնի տեղահանվածները[3]։
Փախստականների համաշխարհային օրվա թեմաներ[խմբագրել | խմբագրել կոդը]
- 2004 - «Վայր, որը կարելի է տուն կոչել»
- 2005 - «Արիություն»
- 2006 - «Աջակցելով հույսի շողին»
- 2007 - «Նոր տուն, նոր կյանք»
- 2008 - «Յուրաքանչյուր ոք իրավունք ունի հետապնդումից ապաստան հայցելու այլ երկրներում և վայելել այդ ապաստանը»
- 2009 - «Իրական մարդիկ- իրական կարիքներ»
- 2010 - «Տուն»
Ծանոթագրություններ[խմբագրել | խմբագրել կոդը]
- ↑ 1,0 1,1 United Nations General Assembly Session 55 Resolution 76. A/RES/55/76 4 December 2000. Retrieved 2008-09-04.
- ↑ «Հունիսի 20-ը՝ Փախստականների համաշխարհային օր». www.med-practic.com. Վերցված է 2017 թ․ հունիսի 20-ին.
- ↑ Participate in World Refugee Day in the United States Արխիվացված Դեկտեմբեր 30, 2012 Wayback Machine
Արտաքին հղումներ[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Փախստականների համաշխարհային օր կատեգորիայում։ |