Տրդատ Կազմող
| Տրդատ Կազմող | |
|---|---|
| Ծնվել է | անհայտ |
| Մահացել է | անհայտ |
| Մասնագիտություն | քանդակագործ |
Տրդատ Կազմող (ծննդյան և մահվան թթ․ անհայտ են), քանդակազարդող հայ վարպետ, խաչքարեր կազմող։ Պահպանվել է 1653-ին նրա կերտած խաչքարը, որն այժմ Սևանի վանքի Ս․ Աստվածածին եկեղեցում է։ Խաչքարն ամբողջովին քանդակազարդված է Քրիստոսի խաչելության, դրախտի տեսարաններով, Տիրամոր, Ադամի ու Եվայի, թագակիր անձանց, ավետարանիչների կենդանակերպ և այլաբանական պատկերներով, կենդանական, խաղողի ողկույզների ու բուսական այլ զարդամոտիվներով։ Խաչքարի լայն քիվին Տրդատ Կազմողի երկտող արձանագրությունն է, իր անվան հիշատակմամբ ու կերտման թվականով՝ ՌՃԲ։
Տիգրան Կազմողի այս գործն առանձնանում է բազմազան բովանդակությամբ, կերաքանդակների ու զարդերի նուրբ արվեստով։
Գրականություն[խմբագրել | խմբագրել կոդը]
- Բարխուդարյան Ս․, Միջնադարյան հայ ճարտարապետներ և քարգործ վարպետներ, Ե․, 1963։
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |