Տրամվայի հուշարձան (Սովետսկ)
 | |
|---|---|
 МС-4-12 տրամվայի հուշարձանը Հաղթանակի փողոցում | |
 | |
 | |
| Տեսակ | տրամվայ և Trams of Putilov plant? |
| Երկիր |  Ռուսաստան |
| Բնակավայր | Սովետսկ |
| Ներկա վիճակ | Կանգուն |
 MS-IV in Sovetsk Վիքիպահեստում | |
Տրամվայի հուշարձան (ռուս.՝ Трамвай-памятник), МС-4 սերիայի տրամվայ, որը, որպես հուշարձան, տեղադրված է Սովետսկի Հաղթանակի հետիոտնային փողոցում։ Հիմնադրվել է որպես հիշեցում, որ 1901-1944 թվականներին Տիլզիտում գործել է տրամվայ[1]։
Պատմություն
[խմբագրել | խմբագրել կոդը]Տիլզիտի հայտնի էլեկտրական տրամվայի գիծը բացվել է 1901 թվականի հուլիսի 26-ին և գործել է մինչև 1944 թվականի հոկտեմբեր։ Տրամվայի գծերը և վագոններն արտադրվել էին Ֆրանկֆուրտ քաղաքում գերմանական «Lahmeyer & Co» ընկերությունում։ Երկրորդ համաշխարհային պատերազմից հետո նոր քաղաքային իշխանությունները որոշեցին, որ ավտոբուսի երթևեկությունն ավելի արդյունավետ և հարմար է, քան տրամվայը, և Տիլզիտի տրամվայի համակարգը վերացվեց։ Թե որտեղ են այժմ գտնվում Տիլզիտի տրամվայի պարկի վագոնները, անհայտ է, սակայն Սովետսկում դեռևս կարելի է տեսնել հայտնի տրամվայի «հետքերը»՝ երկաթգծի հետքեր և սյուներ։
2012 թվականի օգոստոսին Տիլզիտի տրամվայի հիշատակին Սովետսկի իշխանությունները քաղաքի կենտրոնական հրապարակում տեղադրեցին տրամվայի վագոն։ Հուշարձանի մոտ տեղադրվել է փողոցային լապտեր՝ ռուսերեն և գերմաներեն լեզուներով փողոցների նշումներով։ Տրամվայի ներսում պարբերաբար կազմակերպվում են լուսանկարների ցուցահանդեսներ, որոնք պատմում են քաղաքի անցյալի և Սովետսկի ժամանակակից կյանքում տեղի ունեցող հիմնական իրադարձությունների մասին։
Նկարագրություն
[խմբագրել | խմբագրել կոդը]Հուշարձանը 1933 թվականին Պուտիլովսկի գործարանում արտադրած МС-4 սերիայի տրամվայ է։ Ուղևորների համար շահագործումից հետո մեքենան փոխանցվել է ճանապարհային սպասարկմանը և աշխատել М-52 և М-26 համարներով։ 2006 թվականին վագոնը գնել է ընկերությունը և վերածել չշարժվող մակետի, ստացել է 2601 համարը և նախատեսվել է օգտագործել որպես սրճարան։ 2007 թվականին աշխատանքները դադարեցվել են, ապա վագոնը գտնվել է Սանկտ Պետերբուրգի էլեկտրատրանսպորտի թանգարանում նախկին №2 տրամվայի պարկի տարածքում։ 2012 թվականին վագոնը տեղափոխվել է Սովետսկ քաղաք, որպեսզի տեղադրվի որպես հուշարձան։
МС-4
[խմբագրել | խմբագրել կոդը]
- Արտադրող՝ Պուտիլովսկի գործարան
- Կառուցված միավորներ՝ № 12 (նախկինում՝ 2601)
- Թողարկման ամսաթիվ՝ 1933 թ.
Բնութագրիչներ
[խմբագրել | խմբագրել կոդը]- Մաքսիմալ արագություն՝ 40 կմ/ժ
- Քաշը՝ 12,56 տ
- Նստատեղ՝ 24
- Ամբողջական տարողություն՝ 107 (8 մարդ/մ²)
- Ցածրաքաշություն՝ 320 մմ%
- Դռների քանակը՝ 2
Չափեր
[խմբագրել | խմբագրել կոդը]- Երկաթուղագիծ՝ 1524 մմ
- Երկարություն՝ 10345 մմ
- Լայնություն՝ 2140 մմ
- Բարձրություն՝ 3260 մմ
- Բազա՝ 9839 մմ
- Քարշակի բազա՝ 2700 մմ
Շարժիչ
[խմբագրել | խմբագրել կոդը]- Հզորություն՝2 х 52.3 կվտ
Ծանոթագրություններ
[խմբագրել | խմբագրել կոդը]- ↑ «В Советске установили памятник тильзитскому трамваю - Новости Общества - Новости Mail.Ru». web.archive.org. 2014 թ․ հուլիսի 28. Արխիվացված է օրիգինալից 2014 թ․ հուլիսի 28-ին. Վերցված է 2024 թ․ փետրվարի 22-ին.
Արտաքին հղումներ
[խմբագրել | խմբագրել կոդը]- Տրամվայի նկարները transphoto.org կայքում
- «Тильзитский трамвай» под Калининградом приехал из Санкт-Петербурга