Տուրիսի ամրոց
 Castillo de Turís | |
|---|---|
 Նկարագրություն | |
| Տեսակ | դղյակ |
| Վարչական միավոր | Turís?[1][2] |
| Երկիր | Իսպանիա |
| Կառուցված | 11-րդ դար |
| Ճարտարապետական ոճ | միջնադարյան ճարտարապետություն |
| Ընթացիկ վիճակ | կիսավեր |
| Վերահսկվում է | R-I-51-0010762 |
 | |
 | |
 Castle of Turís Վիքիպահեստում | |
Տորիսի ամրոց (իսպ.՝ Castillo de Turís), ամրոց Իսպանիայի Վալենսիայի տարածաշրջանում։ Սահմանափակ մեծությամբ, փոքր ռազմական կառույց է։ Արաբական ծագմամբ երկարավուն կառույցը ձգվում է հյուսիսից հարավ ուղղությամբ և մոտակա բնակավայրի անունից էլ ստացել է իր անվանումը[3]։ 2002 թվականի ապրիլի 24-ին ամրոցն ընդգրկվել է Իսպանիայի մշակութային ժառանգությունների ցանկում R-I-51-0010762 գրանցման համարի ներքո[4]։
Ճարտարապետություն[խմբագրել | խմբագրել կոդը]
Ամրոցը ունեցել է լրացուցիչ, ավելի լայն պարիսպ, որի նպատակն էր պաշտպանել ամրոցի մոտ գտնվող հասարակ ֆերմայի բնակելի շինությունը։ Այս առաջին պարսպի պահպանման վայրում պահպանվել են պարսպի և աշտարակների մնացորդներ, տեղադրված հյուսիս-արևելք։
Պատմություն[խմբագրել | խմբագրել կոդը]
11-րդ դարում կառուցվել է ամրոցի առաջին պարսպաշարը։ Նա զբաղեցնում էր ընդամենը 500 մ2 տարածք։ Կազմված է եղել օրատորիայից և պաշտպանիչ աշտարակից, որոնք իրար միացած են եղել կրկնակի պարսպով։
Օրատորիայում գտնվել է դամբարանը, որտեղ թաղվել է «սուրբ մարդը (մարգարեն)»։ Տեղացի բնիկները այցելել են այնտեղ Մեքքայի ուխտագնացության ժամանակ։ Պարսպի այդ հատվածը, կառուցվել է այնպես հարթ, որ միջնապատում կուտակվում է անձրջաջրերը, իսկ արտաքին պատի կողմում ուխտավորների համար պատրաստված է «փական», որ երբ պետ լինի թողնեն ջուրը հոսի։
11-րդ դարի սկզբներում կառուցվել է նաև պաշտպանիչ աշտարակ, որը ծառայել է որպես Մագրո գետի հովտով անցող ճանապարհը պաշտպանող փոքր «ջոկատի» կացարան։ Ամեն մի շինություն ունեցել է իր հատուկ մուտքը, նույնիսկ պաշտպանիչ աշտարակը։
11-րդ դարի երկրորդ կեսին, երբ Վալենսիայի տարածաշրջանը սկսեց ավելի զարգանալ, անհրաժեշտ էր ավելի լավ պաշտպանություն։ Կառուցվեց նոր դռնով պարիսպ, որը փոխարինեց հին դռանը։ Նոր դռան դիմաց գտնվում է 150 մ2 ծավալով ներքին բակը[5]։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Wiki Loves Monuments monuments database — 2017.
- ↑ https://ceice.gva.es/va/web/patrimonio-cultural-y-museos/inventario-general
- ↑ E. Díes Cusí y J.L. Jiménez Salvador. Paneles informativos instalados en el lugar por el Ayuntamiento de Turís, la Diputación de Valencia y la Universidad de Valencia.
- ↑ «Dirección General de Patrimonio Cultural». www.cult.gva.es. Վերցված է 2016 թ․ սեպտեմբերի 13-ին.
- ↑ «El Castellet (Turís, Valencia). Intervención arqueológica dentro del proyecto de consolidación y puesta en valor del castillo». Վերցված է 2016 թ․ սեպտեմբերի 13-ին.
 | Վիքիպահեստն ունի նյութեր, որոնք վերաբերում են «Տուրիսի ամրոց» հոդվածին։ |
