Տուն Թխկենու փողոցում
Տուն Թխկենու փողոցում անգլ.՝ The House on Maple Street | |
|---|---|
| Հեղինակ | Սթիվեն Քինգ |
| Տեսակ | գրական ստեղծագործություն |
| Ժանր | ֆանտաստիկա |
| Բնօրինակ լեզու | ամերիկյան անգլերեն |
| Ստեղծման տարեթիվ | 1993 |
| Երկիր |  ԱՄՆ |
| Հրատարակված է | Գիշերային մղձավանջներ և ֆանտաստիկ տեսիլքներ |
| Հրատարակման տարեթիվ | սեպտեմբերի 8, 1994 |
«Տուն Թխկենու փողոցում» կամ «Տուն Մեյլ-Սթրիտում» (անգլ.՝ The House on Maple Street), Սթիվեն Քինգի ֆանտաստիկ պատմությունը, հրատարակվել է 1993 թվականին «Գիշերային մղձավանջներ և երևակայական տեսիլքներ» (անգլ.՝ Nightmares & Dreamscapes) հեղինակային ժողովածուում։
Ստեղծման պատմություն[խմբագրել | խմբագրել կոդը]
Քինգը անվանում է պատմվածքը, այն երկուսից մեկը, որոնք գրել է ինքը, լինելով իր տեսած նկարների ազդեցության տակ։ «Տուն Թխկենու փողոցում» ժողովածուն գրելու համար նրան ոգեշնչեց Քրիս վան Օլսբուրգի «սև ու սպիտակ» նկարը[1]։ Այդ նկարը ավելացված է օրիգինալ ժողովածուում, որպես պատմվածքի պատկերազարդում։
Հրատարակություն և թարգմանություն[խմբագրել | խմբագրել կոդը]
1994 թվականին Բ. Լյուբարցևը ժողովածուն թարգմանեց ռուսերեն՝ նրան տալով «Տուն Մեյլ-Սթրիտում» անվանումը։ Այն հրատարակվել է «Խրոնոս» հրատարակչությունում, «Մղձավանջ և երևակայություն» ժողովածուում։ Այդ ժողովածուն, որն ամբողջությամբ թարգմանել է Բ. Լյուբարցևը, չի հանդիսանում է Nightmares & Dreamscapes հեղինակային ժողովածուի ամբողջ թարգմանությունը։ Այդտեղ չէին ներառվել «Խրոնոսում» տպագրված «Բաթսոնի գործը» («Բժիշկ Ուոթսոնի հետաքննությունը» անվանումով) և «Գլուխը ներգև» («Ներգև գլուխը» անվանումով) պատմվածքները, բայց ներառվեց Սթիվեն Քինգի «Առասպել, համոզմունք, հավատ և „Ուզում ես հավատա, չէ մի հավատա“» հոդվածը և նրա պատմությունների մասին ծանոթագրությունները[2]։ Նույն թվականին «Տուն Մեյլ-Սթրիտում»-ը թարգմանվեց Ի. Պոչիտատելինի կողմից և «Միր» հրատարակչությունը հրատարակեց այն[3]։ 2000 թվականին Ն. Վ. Ռեյնը այն թարգմանեց, որպես «Տուն Թխկենու փողոցում»։ Այդ տարբերակով մի քանի անգամ հրատարակվել է ԱՍՏ հրատարակչության կողմից[4]։
Սյուժե[խմբագրել | խմբագրել կոդը]
Ինդիանայի Թիթուսվիլ քաղաքում ապրում է Բրեդբերի ընտանիքը (անգլ.՝ Bradbury). մայրը, առաջին ամուսնությունից մնացած չորս երեխաները (նրանց հայրը մահացել էր) և նրանց խորթ հայրը՝ պատմության ուսուցիչ Լյուիս Էվանսը։ Երեխաները խնդիր ունեին խորթ հոր հետ. նրանք կարծում էին, որ նա շատ դաժան է վարվում իրենց մոր հետ, որը խճճված էր և տառապում է միգրենով։ Մի անգամ երեխաները հայտնաբերում են, որ նրանց տանը պատի տախտակի հետևում գտնվում է մետաղական մակերևույթ, որը ժամանակի ընթացքում մեծանում է։ Շուտով ավագ տղա՝ Թրենտը սկսեց հասկանալ, թե ինչ կարող է դա լինել։ Մի օր նրանց տանը խնջույքի ժամանակ մայրը հյուրերի մոտ կորցնում է գիտակցությունը։ Այդ ժամանակ խորթ հայրը ցույց տվեց իր վատ կողմը, խեղճ կնոջն օգնելու փոխարեն, կատաղել էր, քանի որ կինը և երեխաները (որոնք օգնության էին հասել մորը) «խայտառակել են» նրան։ Երեխաները մտածում էին, որ եթե այդպես շարունակվի խորթ հայրը մահվան կհասցնի իրենց մորը, և որ պետք է նրանից ազատվել։
Հերոսներ[խմբագրել | խմբագրել կոդը]
- Թրենտ Բրեդբերի՝ ավագ եղբայր, տասնչորս տարեկան, խելացի երեխա
- Լորի Բրեդբերի մականունով Կիլկա՝ նրա քույրը, տասնմեկ տարեկան
- Բրայան Բրեդբերի՝ նրանց յոթ տարեկան եղբայրը
- Մելիսա Բրեդբերի՝ հինգամյա կրտսեր քույրը
- Լյուիս Էվանս, որը ցանկանում է, որ իրեն անվանեն պապա Լյու՝ նրանց խորթ հայրը, պատմության դասախոս քոլեջում, տհաճ և օտար կարեկցության մարդ
- Քեթրին Էվանս ՝ նրա կինը, լուռ, խճճված, միգրենայով տառապող կին
Աուդիոգիրք[խմբագրել | խմբագրել կոդը]
2009 թվականի հունիսին Simon & Schuster Audio ընկերությունը թողարկել է The House on Maple Street and Other Stories աուդիոգիրքը, որտեղ ներառվել են Քինգի չորս ստեղծագործությունները։ «Տուն Թխկենու փողոցում»-ի տեքստը կարդում է Քինգի կինը՝ Թաբիթա Քինգը (անգլ.՝ Tabitha King)[5]:
Ծանոթագրություններ[խմբագրել | խմբագրել կոդը]
- ↑ Об истории создания на сайте «Стивен Кинг.ру — Творчество Стивена Кинга»
- ↑ Страничка издания «Кошмары и фантазии» на сайте «Лаборатория фантастики»
- ↑ «Список выходных данных рассказа с сайта «Библиографии»». Արխիվացված է օրիգինալից 2013 թ․ հուլիսի 10-ին. Վերցված է 2017 թ․ հուլիսի 3-ին.
- ↑ Кинг С. Крауч-Энд: [повести и рассказы: пер. с англ.]/Стивен Кинг. — М.: АСТ, 2005. — 317 [3] с. ISBN 5-17-010748-X
- ↑ Страничка аудиокниги на официальном сайте Стивена Кинга
Աղբյուրներ[խմբագրել | խմբագրել կոդը]
- Страничка рассказа на официальном сайте Стивена Кинга
- Рассказ на сайте horrorking.com Արխիվացված 2012-07-17 Wayback Machine
 |
Այս հոդվածը կատեգորիայի կարիք ունի։ Դուք կարող եք օգնել նախագծին՝ կատեգորիա գտնել կամ ստեղծել ու ավելացնել հոդվածին։ |