Տոնային քսուք

Վիքիպեդիայից՝ ազատ հանրագիտարանից
Jump to navigation Jump to search
Տոնային քսուք

Տոնային քսուք, կոսմետիկ միջոց դիմահարդարման համար: Կատարում է հետևյալ ֆունկցիաները՝ հիմք է ծառայում դիմահարդարման համար, լավացնում է մաշկի գույնը, թաքցնում է դեմքի թերությունները (պեպենները, անհարթությունները և այլն), պաշտպանում է մաշկը ջերմաստիճանի փոփոխությունից, քամուց, անձրևից:

Պատմություն[խմբագրել | խմբագրել կոդը]

Տոնային քսուքի նախապատմությունը մի քանի հազարամյակ ունի. Հին Եգիպտոսում, Հռոմում, Հունաստանում կանայք օգտագործում էին կավիճ, սպիտակ կապար և այլն: Առաջին տոնային քսուքը՝ Pan-Cake-ը (բնական երանգով դիմափոշին), ստեղծել է Մաքս Ֆակտորը 1936 թվականին:

Բաղադրություն[խմբագրել | խմբագրել կոդը]

Ժամանակակից տոնային քսուքների հիմքը սիլիկոնային յուղերն ու պիգմենտներն են: Փաստացի այն համատեղում է ցերեկային դեմքի կրեմը և դիմափոշին:

Տոնային քսուքների տեսակներ[խմբագրել | խմբագրել կոդը]

  • Հեղուկ տոնային քսուք. այն ունի լավ խտություն և երկար ժամանակ է պահպանվում: Այն ի վիճակի է նրբորեն քողարկել լայնացած անոթները, պիգմենտային բծերը և նույնիսկ մաշկը դարձնել ավելի հարթ:
  • Խիտ տոնային քսուք. ունի լավ քողարկող հատկություն: Իր մեջ ներառում է մեծ քանակությամբ յուղեր և ավելի հարմար է չոր մաշկի համար:
  • Տոնային քսուք-ստիկ. տարբերվում է մեծ քանակությամբ ներկող մասնիկների առկայությամբ: Լավ քողարկում է նկատելի թերությունները: Խորհուրդ չի տրվում կնճռոտված մաշկի համար:
  • Տոնային քսուք-փոշի. իրենից ներկայացնում է կոմպակտ տոնային քսուքի և դիմափոշու համադրություն: Այն ունի լավ քողարկելու հատկություն, բացի այդ դրա օգտագործումից հետո դիմափոշու կարիք այլևս չկա: Նրանց, ում մաշկը հակված է կնճիռների ձևավորման կամ ունի լայնացած ծակոտիներ, խորհուրդ չի տրվում տոնային քսուք-փոշու օգտագործումը:
  • Խոնավեցնող քսուք երանգով (tinted moisturizer). ունի հեղուկ կազմություն, ամբողջովին չի ծածկում մաշկը, միայն հարթեցնում է երանգը: Հարմար է երիտասարդ մաշկի համար:.
  • Տոնային դիմափոշի. պարունակում է ավելի շատ փոշի և քիչ յուղ: Հարմար է ցանկացած տեսակի մաշկի համար, բացառությամբ շատ չոր:
  • Տոնային քսուք-մուսս. նման է փրփուրի, թույլ քողարկում է մաշկի թերությունները: Հարմար է իդեալական մաքուր և առողջ մաշկի համար:
  • Խտացված տոնային քսուք. խիտ քսուք, օգտագործման ժամանակ պետք է խառնել խոնավեցնող քսուքի հետ:

Տես նաև[խմբագրել | խմբագրել կոդը]

Հղումներ[խմբագրել | խմբագրել կոդը]