Տիրայր Շավարշյան
Տիրայր Արշավիրի Շավարշյան (ապրիլի 6, 1917 թվական, Իգդիր, նոյեմբերի 19, 2011 թվական) հայ մանկավարժ, ՀԽՍՀ վաստակավոր ինժեներ, ԵրՊԻ-ի պրոֆեսոր, Ճարտարապետության և շինարարության Հայաստանի ազգային համալսարանի պատվավոր պրոֆեսոր։
| Տիրայր Շավարշյան Արշավիրի | |
|---|---|
 | |
| Ծնվել է | ապրիլի 6 |
| Ծննդավայր | Իգդիր |
| Մահացել է | նոյեմբերի 19 |
| Ազգություն | հայ |
| Կրոն | քրիստոնեություն |
| Աշխատավայր | Հայաստանի ազգային պոլիտեխնիկական համալսարան |
Կրթություն[խմբագրել | խմբագրել կոդը]
Ավարտել է Երևանի Կ. Մարքսի անվան պոլիտեխնիկական ինստիտուտը (ԵրՊԻ)։
Գործունեություն[խմբագրել | խմբագրել կոդը]
1937 թ. Տ. Շավարշյանի ղեկավարությամբ ստեղծվեց ԵրՊԻ-ի առաջին լարային քառյակը։ Եղել է ԵրՊԻ-ի սիմֆոնիկ նվագախմբի մենակատար։
Մասնակցել է Հայրենական մեծ պատերազմին։ Ծառայել է Կարմիր (Խորհրդային) բանակում 08.1941-08.1946 թթ.: Կռվել է 89-րդ հետևակային Թամանյան դիվիզիայի 390-րդ հետևակային գնդում։ Կովկասի նախալեռներից հասել է Բեռլին և մասնակցել Բեռլինի գրավմանը։ Նա հայտնի գեներալ Նվեր Սաֆարյանի համհարզն էր։ Դասակի հրամանատարի պաշտոնից դարձել է գումարտակի շտաբի պետ։ Ստացել է կոնտուզիա։ Պատերազմն ավարտել է լեյտենանտի կոչումով։ Ստացել է պարգևներ՝ 5 շքանշան և 21 մեդալ[1]։
Աշխատել է ԵրՊԻ-ում՝ որպես ուսումնական բաժնի վարիչ, պրոռեկտոր, դեկանի տեղակալ, գեոդեզիայի ամբիոնի վարիչի ժամանակավոր պաշտոնակատար։
1937 թվականին Շավարշյան Տիրայրի նախաձեռնությամբ ստեղծվել է համալսարանական առաջին լարային քառյակը։ Քառյակը ներառում էր.
1. Շավարշյան Տիրայր՝ ջութակ, ճարտարապետաշինարարական ֆակուլտետի ուսանող։
2. Հակոբյան Էմիլ՝ առաջին ջութակ, քիմիա-տեխնիկական ֆակուլտետի ուսանող։
3. Թումանյան Ստեփան՝ կոնտրաբաս, քիմիա-տեխնիկական ֆակուլտետի ուսանող։ Եղել է ՀԿԿ Լենինյան շրջկոմի առաջին քարտուղար, ՀԿԿ Երևանի քաղկոմի արդյունաբերության և տրանսպորտի բաժնի վարիչ։
4. Մինասյան Գոհարիկ (Գալյա)՝ ալտահար, քիմիա-տեխնիկական ֆակուլտետի ուսանող։
5. Սակիլարի Բորիս՝ առաջին ջութակ, քիմիայի ֆակուլտետի ուսանող, ով փոխարինել է Էմիլ Հակոբյանին։
Քառյակը կատարել է Կոմիտասի, Չայկովսկու, Ռոմանոս Մելիքյանի, Շտրաուսի, Սպենդիարյանի ստեղծագործությունները, մասնակցել բազմաթիվ համերգների ու մրցույթների։ Բազմիցս պարգևատրվել է։ Գործել է մինչև Հայրենական մեծ պատերազմի սկիզբը։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Տիրայր Շավարշյանի հուշահամալիր [1]