Տիգրան Սարաֆյան
 | |
|---|---|
| Ծնվել է | մոտ 1885-1890 |
| Ծննդավայր | Մարաշ, Մարաշի սանջակ |
| Մահացել է | 1915 |
| Մահվան վայր | Ուրֆա |
| Մահվան պատճառ | Հայոց ցեղասպանություն |
| Ազգություն | հայ |
| Մասնագիտություն | բժիշկ |
Տիգրան Սարաֆյան (մոտավորապես 1885-1890, Մարաշ, Մարաշի սանջակ- 1915, Ուրֆա), հայ բժիշկ։
Կենսագրություն[խմբագրել | խմբագրել կոդը]
Ծնվել է մոտավորապես 1885-1890-ական թվականներին, Մարաշի սանջակի կենտրոն Մարաշ քաղաքում։ Բարձրագույն բժշկական կրթությունը ստացել է Շվեյցարիայում։ Սովորելու ընթացքում ծանոթացել և սիրահարվել է մի շվեյցարուհու։ Ուսումը ավարտելուց հետո վերադարձել է Մարաշ և աշխատել որպես բժիշկ՝ հետագայում դառնալով այդ տարիների Կենտրոնական Թուրքիայի ամենահայտնի բժիշկը։ Մոտավորապես 1913 թվականին շվեյցարուհին եկել է Մարաշ և ամուսնացել բժշկի հետ։
1915 թվականին՝ Մարաշի հայ բնակչության տեղահանության ժամանակ, ընտանիքով աքսորվել է դեպի Ուրֆա։ Գաղթականների քարավանն ուղեկցող գերմանացի կապիտան Շապենը Ուրֆայում առևանգել է բժշկի գեղեցկուհի կնոջը, իսկ բժշկին նրա հրամանով գնդակահարել են։ Հետագայում Շապենը տիկին Սարաֆյանին իր հետ տարել է Հալեպ։
Գրականություն[խմբագրել | խմբագրել կոդը]
- Հոշոտված Հայաստան, Արշալույս (Ավրորա) Մարտիկանյանի հուշերը, Լոս Անջելես, 1995, 212 էջ։
Աղբյուր[խմբագրել | խմբագրել կոդը]
Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։