Տարտուի արվեստի քոլեջ

Վիքիպեդիայից՝ ազատ հանրագիտարանից
Jump to navigation Jump to search
Տարտուի արվեստի քոլեջ
Տեսակvocational university
Հիմնադրված է2000
ԵրկիրFlag of Estonia.svg Էստոնիայի Հանրապետություն
ՏեղագրությունTartu City
Կայքartcol.ee/eng
Կոորդինատներ: 58°22′9.9300000999988″ հս․ լ. 26°43′46.920000100004″ ավ. ե. / 58.369425000027774786° հս․. լ. 26.72970000002777979° ավ. ե. / 58.369425000027774786; 26.72970000002777979

Տարտուի արվեստի քոլեջը (էստ․՝ Tartu Kõrgem Kunstikool, TKK) կիրառական գիտությունների համալսարան է, որն արվեստի կրթություն է ապահովում Էստոնիայի Տարտու քաղաքի և հարակից բնակավայրերի երիտասարդների համար: Այն հիմնադրվել է 2000 թվականի օգոստոսի 1-ին: Համալսարանը գտնվում է Տարտույին կից Կարլովա քաղաքում:

Համալսարանի ռեկտորն է Վալլո Նուուստը:

Պատմություն[խմբագրել | խմբագրել կոդը]

Նախքան բարձր դիրք զբաղեցնելը, Տարտուի այս կրթական հաստատությունը հիմնադրվել է 1919 թվականին: 1919-ից մինչև 1960 թվականը Տարտուի արվեստի քոլեջն ունեցել է բազմաթիվ անվանումներ՝ որպես միջնակարգ և բարձրագույն ուսումնական հաստատություն[1]:

  • 1919-1924 թթ. «Pallas» արվեստի միության արվեստի դպրոց
  • 1933-1940 թթ. «Pallas» բարձրագույն արվեստի դպրոց
  • 1940-1941 թթ. Կոնրադ Մյագիի անվան հանրային բարձրագույն արվեստի դպրոց
  • 1942-1943 Տարտուի Գեղարվեստի բարձրագույն դպրոց
  • 1943–1944 «Pallas» բարձրագույն արվեստի դպրոց
  • 1944 Կոնրադ Մյագի անվան հանրային բարձրագույն արվեստի դպրոց
  • 1944–1951 Էստոնական Խորհրդային Սոցիալիստական Հանրապետության Տարտուի պետական արվեստի ինստիտուտ
  • 1951–1955 Էստոնիայի ԽՍՀ արվեստի ինստիտուտի Տարտուի բաժանմունք
  • 1951–1960 Տարտուի գեղարվեստի դպրոց
  • 1960–2000 Տարտուի արվեստի դպրոց
  • 2000– Տարտուի արվեստի քոլեջ Կոնրադ Մյագի անվան հանրային բարձրագույն արվեստի դպրոց

Վարչակազմ[խմբագրել | խմբագրել կոդը]

  • Ռեկտոր՝ Վալլո Նուուստ, 2005 թվականից ի վեր (ծնված՝ 1962)
  • Պրոռեկտոր ուսումնական գծով՝ Մարլին Վիդուլ, 2012 թվականից (1981)
  • Պրոռեկտոր՝ Մարջա Աելթերմեն, 2011 թվականից (ծնվ.՝ 1987)

Ֆակուլտետներ[խմբագրել | խմբագրել կոդը]

Լուսանկարչության բաժին[խմբագրել | խմբագրել կոդը]

1997 թվականին Տարտուի արվեստի դպրոցը ստեղծեց մի ծրագիր, որն ուսումնասիրում էր լուսանկարչության արվեստը: Ծրագրի նախագծողն ու տնօրենը եղել է Վալլո Կալամեսը:

Լուսանկարչության բաժնի հիմնական նպատակն է ուսանողներին ապահովել միջազգայնորեն ճանաչված մասնագիտացված արվեստի կրթություն, պայմաններ ստեղծել նրանց մասնագիտական զարգացման համար և օգնելու ուսանողներին հասնել իրենց ստեղծագործական նպատակներին: 2000 թվականից ի վեր լուսանկարչության ֆակուլտետը ղեավարում է պրոֆեսոր Պիթեր Լիննափը (ծնվ.՝ 1960):

Պրեզենտացիա լուսանկարչական ֆակուլտետի մասին .https://web.archive.org/web/20130705144926/http://www.artcol.ee/files/tac_2009.pdf

Նկարչության բաժին[խմբագրել | խմբագրել կոդը]

1997 թվականին Տարտուի արվեստի դպրոցում բացվեց «Նկարչության և Որմնանկարչության բաժին» ՝ Հելի Թուկսամի կողմից:

Նկարչական բաժնի հիմնական նպատակն է ապահովել նկարչության բնագավառում և գեղանկարչության մեջ բազմակողմանի մանրամասն կրթություն, հնարավորություն տալով շրջանավարտներին գտնել աշխատանք իրենց մասնագիտության ոլորտներում, կամ շարունակել իրենց ուսումնառությունը բարձրագույն մակարդակում:

2000 թվականից նկարչության բաժինը ղեկավարում է դոկտոր Հելի Թուկսամը (ծնվ.՝ 1956):

Մեդիա և դիզայնի գովազդի բաժին[խմբագրել | խմբագրել կոդը]

1997 թվականին Տարտուի արվեստի դպրոցը բացեց «Համակարգչային գրաֆիկա» բաժինը, որի ղեկավարն էր Արե Թրոլլան: Այս ֆակուլտետի ուսումնական ծրագիրը բաժանված է չորս գլխավոր բաժինների. տպագիր լրատվամիջոց, մեդիա դիզայն, ինտերակտիվ դիզայն և 3D դիզայնի թվային միջավայրում:

2008 թվականից Մեդիա և դիզայնի գովազդի բաժինը ղեկավարում է Յանուս Էնսալուն:

Կահույքագործության բաժին[խմբագրել | խմբագրել կոդը]

Ֆակուլտետի ուսումնական ծրագրի հիմնական նպատակն է կրթել պրոֆեսիոնալ կահույքի դիզայներներ: Ծրագիրն ունի երկու հիմնական ուղղություն. Կահույքի դիզայն և կահույքի վերանորոգում :

2006 թվականից ֆակուլտետը ղեկավարում է դեկան Յաաք Ռուսին:

Ֆակուլտետի կայք. http://www.artcol.ee/moobel/

Կաշվե իրերի դիզայն բաժին[խմբագրել | խմբագրել կոդը]

Ծրագրի նպատակն է ապահովել բարձրորակ մասնագիտական բարձրագույն կրթություն կաշվի դիզայնի ոլորտում: 2000 թվականից ֆակուլտետը ղեկավարում է պրոֆեսոր Ռութ Մանտոան:

Քանդակագործության բաժին[խմբագրել | խմբագրել կոդը]

Այս ֆակուլտետի ուսուցման հիմնական շեշտը դրված է դասական արվեստի կրթության վրա: Բաժանմունքի նպատակն է ուսանողներին ապահովել կրթություն, որը հնարավորություն է տալիս նրանց աշխատել և ստեղծագործել, ձևավորել կենդանի միջավայր:

2011 թվականից Քանդակագործության բաժինը ղեկավարում է Յան Լուիկը (ծնվ. 1953):

Կտորեղենի և գործվածքի բաժին[խմբագրել | խմբագրել կոդը]

Այս բաժնի նպատակն է կրթել մասնագետներ ` տեքստիլային արվեստի և դիզայնի ոլորտում: Տեքստիլ դիզայնից բացի, սովորողները ձեռք են բերում տեքստիլ տեխնիկայի հմտություններ (հյուսել, տեքստիլ տպագրություն, տրիկոտաժ, ասեղնագործություն և այլն), ծանոթանում են օգտագործվող նյութերին, մանրաթելերին, թելերին և դրանց պատմությանը: Իրենց ավարտական աշխատանքներում ուսանողները ցուցադրում են իրենց մասնագիտական նախասիրությունները ` մասնագիտանալով թե տեքստիլ, և՛ թե հագուստի մոդելավորման մեջ:

Ֆակուլտետը հանդիսանում է Եվրոպական տեքստիլ ցանցերի միջազգային մասնագիտական կազմակերպության անդամ և համագործակցում է Էստոնիայի Տեքստիլ նկարիչների ասոցիացիայի , ինչպես նաև Էստոնիայում կամ ամբողջ աշխարհում տեքստիլ և նորաձևության մասնագիտությամբ դասավանդման բարձրագույն ուսումնական հաստատությունների և այդ ոլորտի ձեռնարկատերերի հետ:

2000 թվականից բաժանմունքը ղեկավարում է պրոֆեսոր Աետ Օլլիսարը:

Ուսուցման ծրագիր[խմբագրել | խմբագրել կոդը]

Տարտուի արվեստի քոլեջը (կիրառական գիտությունների համալսարան) մասնագիտական ​​բարձրագույն ուսումնական հաստատություն է: Մասնագիտական ​​բարձրագույն կրթությունը բարձրագույն կրթության առաջին փուլն է, որի նպատակն է ձեռք բերել համապատասխան մասնագիտության մեջ աշխատելու կամ մագիստրոսի աստիճան շարունակելու համար անհրաժեշտ իրավասություն:

Մասնագիտական ​​բարձրագույն կրթություն ստացած անձանձ շնորհվում է դիպլոմ, որը հաստատում է ուսումնական ծրագրի ավարտը:

Տարտուի արվեստի քոլեջում ուսանողները կարող են սովորել պետպատվերով՝ անվճար ուսուցմամբ, կրթաթոշակով կամ վճարովի համակարգով:

Պատկերասրահ Noorus[խմբագրել | խմբագրել կոդը]

Տարտուի արվեստի քոլեջի ցուցասրահը բացվել է 2009 թվականին: Որպես Տարտուի խոշորագույն ցուցահանդեսային տարածք, այն ներկայացնում և ցուցադրում է Տարտուի արվեստի քոլեջի բաժինների, ուսանողների և դասախոսների աշխատանքներն ու գործունեությունը ոչ միայն քաղաքացիներին, այլև զբոսաշրջիկներին: Այստեղ նաև ցուցադրվում են ՏԱՔ-ի գործընկեր դպրոցների և այլ հաստատությունների աշխատանքները:

Գործունեության առաջին տարվա ընթացքում պատկերասրահ է այցելել 14300 մարդ:

Ցուցահանդեսները փոխվում են առնվազն ամիսը մեկ անգամ, իսկ պատկերասրահում հաճախ են անցկացվում սեմինար պարապմունքներ և վորքշոփեր:

Տես նաև[խմբագրել | խմբագրել կոդը]

  • Estonian Academy of Art
  • List of universities in Estonia

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Archived copy»։ Արխիվացված օրիգինալից-ից 2011-01-23-ին։ Վերցված է 2012-05-12