Տավուշի մարզի դատախազություն
| Տեսակ | կազմակերպություն |
|---|---|
| Երկիր |  Հայաստան |
| Վերադաս մարմին | ՀՀ դատախազություն |
| Շտաբակայան | Իջևան, Տավուշի մարզ |
| Կայք | prosecutor.am |
Տավուշի մարզի դատախազություն, Հայաստանի Հանրապետության դատախազության տարածաշրջանային կառուցվածքային մաս կազմող կառույց, որի իրավասության ներքո է Հայաստանի Հանրապետության Տավուշի մարզը։ Այժմ Տավուշի մարզի դատախազն է արդարադատության առաջին դասի խորհրդական Վիկտոր Գրիգորյանը (2017-ից)[1][2]։
Տավուշի մարզի դատախազության կենտրոնական գրասենյակը տեղակայված է մարզկենտրոն Իջևան քաղաքում՝ ՀՀ, քաղաք Իջևան, 377260, Իջևանյան 1 հասցեով[3]։
Իրավասություն
[խմբագրել | խմբագրել կոդը]Համաձայն ՀՀ «Դատախազության մասին» օրենքի 16-րդ հոդվածի, Տավուշի մարզի դատախազությունը, ինչպես նաև Հայաստանի Հանրապետության դատախազության այլ կառուցվածքային միավորները, ապահովում է Սահմանադրության 103-րդ հոդվածով նախատեսված լիազորությունների իրականացումը մարզում այնքանով, որքանով դրանց իրականացումը չի վերապահված զինվորական դատախազությանը[3]։ Այդպիսով, համաձայն ՀՀ Սահմանադրության 103-րդ հոդվածի, մարզի դատախազությունն օրենքով նախատեսված դեպքերում և կարգով[4]՝
- հարուցում է քրեական հետապնդում,
- հսկողություն է իրականացնում հետաքննության և նախաքննության օրինականության նկատմամբ,
- դատարանում պաշտպանում է մեղադրանքը,
- պետական շահերի պաշտպանության հայց է հարուցում դատարան.,
- բողոքարկում է դատարանների վճիռները, դատավճիռները և որոշումները,
- հսկողություն է իրականացնում պատիժների և հարկադրանքի այլ միջոցների կիրառման օրինականության նկատմամբ։
Կառուցվածք
[խմբագրել | խմբագրել կոդը]Համաձայն ՀՀ «Դատախազության մասին» օրենքի 16-րդ հոդվածի, Տավուշի մարզի դատախազությունը կազմված է մարզի դատախազից, նրա տեղակալներից, մարզի դատախազության ավագ դատախազներից և դատախազներից[3].
- Վիկտոր Գրիգորյանը, Տավուշի մարզի դատախազ[2]։