Վլադիմիր Շեկոյան

Վլադիմիր Շեկոյան
Ծնվել է	փետրվարի 9, 1942 (82 տարեկան); Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Մասնագիտություն	մանրէաբան և իմունաբան
Հաստատություն(ներ)	Երևանի Մխիթար Հերացու անվան Պետական Բժշկական Համալսարան
Գործունեության ոլորտ	Իմունոլոգիա
Ալմա մատեր	Երևանի Մխիթար Հերացու անվան Պետական Բժշկական Համալսարան (1964)
Գիտական աստիճան	բժշկական գիտությունների դոկտոր (1978) և պրոֆեսոր (1982)
Պարգևներ	և Հայաստանի գիտության վաստակավոր գործիչ

Վլադիմիր Արմենակի Շեկոյան (փետրվարի 9, 1942(1942-02-09), Երևան, Հայկական ԽՍՀ, ԽՍՀՄ), հայ մարէաբան, իմունաբան։ Բժշկական գիտությունների դոկտոր (1978), պրոֆեսոր (1982): ՀՀ ԲԳԱ անդամ (2003): ՀՀ գիտության վաստակավոր գործիչ (2010):

Կենսագրություն

Վլադիմիր Շեկոյանը ծնվել է 1942 թվականին Երևանում։ 1964 թվականին ավարտել է Երևանի բժշկական ինստիտուտը։ 1966 թվականից աշխատում է նույն ԲՈՒՀ-ում, 1979-1982 թվականներին ընտրվել է ինստիտուտի արհկոմիտեի նախագահ, 1986 թվականից ղեկավարում է Երևանի պետական բժշկական համալսարանի մանրէաբանության, իմունաբանության և վիրուսաբանության ամբիոնը^[1], միաժամանակ, 1983-1991 թվականներին եղել է բուժական ֆակուլտետի դեկան, 2002-2011 թվականներին` ՀՊԲՀ պրոռեկտոր։ 1995 թվականից ՀՀ համաճարակաբանների ընկերակցության խորհրդի փոխնախագահն է, պաշտպանական մասնագիտական և մի շարք գիտական հանդեսների խմբագրական խորհուրդների անդամ է^[2]։

Շեկոյանի գիտական գործունեությունը նվիրված է նյարդային և իմուն համակարգերի փոխազդեցության դերի ուսումնասիրությանը իմունաբանական պրոցեսներում։ Հիմնավորել է ենթատեսաթմբի կարգավորող ազդեցությունը միակորիզ ֆագոցիտային համակարգի բջիջների և նրանց լիզոսոմային ապարատի ֆունկցիոնալ ակտիվության վրա։ Ուսումնասիրել է նյարդաակտիվ ամինաթթուների (ԳԱԿԹ) ու լիմֆոցիտների փոխազդեցության նշանակությունը ֆիզիոլոգիական և ախտաբանական շարժընթացներում, նաև խառը վերքային վարակների ընթացքի առանձնահատկությունների ախտածնային մեխանիզմները^[2]։

Պարգևներ

ՀՀ Մխիթար Հերացու մեդալ, 2000 թ.
ՀՀ գիտության վաստակավոր գործիչ, 2010 թ.

Երկեր

Հեղինակ է շուրջ 140 ուսումնագիտական հրապարակումների, այդ թվում՝ մենագրության, երեք դասագրքի և մի շարք ուսումնական ձեռնարկների։

«Բժշկական մանրէաբանություն, իմունաբանություն և վիրուսաբանություն» (1991, դասագիրք)
Регуляция защитных функций организма, Л., 1982.

Ծանոթագրություններ

↑ «Բժշկական մանրէաբանության ամբիոն». www.ysmu.am (ամհարերեն). Վերցված է 2017 թ․ հունիսի 28-ին.(չաշխատող հղում)
↑ ^2,0 ^2,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[1] «Բժշկական մանրէաբանության ամբիոն». www.ysmu.am (ամհարերեն). Վերցված է 2017 թ․ հունիսի 28-ին.(չաշխատող հղում)

[Ով_ով_է-2] 2,0 ^2,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[1]

[2]