Վլադիմիր Ամատունի

Վիքիպեդիայից՝ ազատ հանրագիտարանից
Jump to navigation Jump to search
Վլադիմիր Ամատունի
 
Կրթություն՝ Սանկտ Պետերբուրգի պետական պոլիտեխնիկական համալսարան
Գիտական աստիճան՝ բժշկական գիտությունների թեկնածու
Մասնագիտություն՝ բժիշկ
Ծննդյան օր սեպտեմբերի 5, 1939(1939-09-05)
Ծննդավայր Լենինգրադ, ՌԽՖՍՀ, ԽՍՀՄ
Վախճանի օր փետրվարի 24, 1999(1999-02-24) (59 տարեկանում)
Վախճանի վայր Սանկտ Պետերբուրգ, Ռուսաստան
Գերեզման Սմոլենկայի հայկական գերեզմանոց
Թաղված Սմոլենկայի հայկական գերեզմանոց
Դինաստիա Ամատունիներ
Քաղաքացիություն Flag of the Russian Soviet Federative Socialist Republic.svg ՌԽՖՍՀ, Flag of the Soviet Union.svg ԽՍՀՄ և Flag of Russia.svg Ռուսաստան
Հայր Նապոլեոն Ամատունի
Մայր Ալեքսանդրա Ամատունի

Վլադիմիր Նապոլեոնի Ամատունի (սեպտեմբերի 5, 1939(1939-09-05), Լենինգրադ, ՌԽՖՍՀ, ԽՍՀՄ - փետրվարի 24, 1999(1999-02-24), Սանկտ Պետերբուրգ, Ռուսաստան), հայ բժիշկ, թունաբան, հասարակական գործիչ, բժշկական գիտությունների թեկնածու (1969)[1]։ Ամատունիների ազնվական տոհմից[2]։

Կենսագրություն[խմբագրել | խմբագրել կոդը]

Վլադիմիր Ամատունին ծնվել է 1939 թվականի սեպտեմբերի 5-ին Լենինգրադում[1], էլեկտրատեխնիկական ինստիտուտի ուսանողներ՝ Նապոլեոն և Ալեքսանդրա Ամատունիների ընտանիքում։ 1942 թվականին նրան դուրս են հանել շրջափակման ենթարկված Լենինգրադից[2], իսկ պատերազմից հետո ետ բերել քաղաք[1]։

Կրթություն[խմբագրել | խմբագրել կոդը]

1954 թվականին ընդունվել է Լենինգրադի պոլիտեխնիկական համալսարանի երեկոյան բաժին, միառժամանակ աշխատում է, որպեսզի աջակցի ընտանիքին։ 1959 թվականին դառնում է Առաջին բժշկական համալսարանի ուսանող, համատեղելով ուսումը երկու համալսարաններում։ 1966 թվականին ընդունվել է ԽՍՀՄ Առողջապահության նախարարության Թունաբանության ինստիտուտի ասպիրանտուրա[1][2]։

Աշխատանքային գործունեություն[խմբագրել | խմբագրել կոդը]

1965-1966 թվականներին, ըստ բաշխման՝ աշխատել է Կիրովի մարզի Պելեսի գյուղական հիվանդանոցում, որպես գլխավոր բժիշկ և վիրաբույժ[1]։ 1969 թվականին պաշտպանել է ատենախոսոթյուն՝ բժշկական գիտությունների թեկնածուի գիտական աստիճան ստանալու համար։ 1981-1991 թվականներին աշխատել է Թունաբանության ինստիտուտում, որպես ավագ գիտաշխատող։ 1991-1993 թվականներին, մինչև Լենինգրադ-Պետերբուրքի քաղաքային խորհրդի լուծարումը, աշխատել է խորհրդի նախագահի առաջին տեղակալ Բ․Ա․ Մոիսեևի խորհրդական, այնուհետև՝ քաղաքային խորհրդի աշխատակազմի ղեկավարի տեղակալ։ 1995-1998 թվականներին աշխատել է Սանկտ-Պետերբուրգի Օրենսդիր ժողովում՝ բյուջեի և ֆինանսների համակարգող խմբում, իսկ այնուհետև՝ պատգամավոր Իգոր Արտեմևի օգնական[1][2]։

Հասարակական գործունեություն[խմբագրել | խմբագրել կոդը]

1993 թվականին ստեղծվում է «Սանկտ Պետերբուրգի հայերի միություն»-ը, որը գլխավորում է նշանավոր հասարակական գործիչ Վլադիմիր Ամատունին։ Նա անգնահատելի ներդրում է ունենում համայնքի վերծննդի և ռուս-հայկական հարաբերությունների ամրապնդման գործում։ 1994 թվականին, նրա անմիջական մասնակցությամբ, Սանկտ-Պետերբուրգում կազմակերպվում է Գերոնտոլոգիական բժշկական կենտրոնը[1][2]։

Աշխատություններ[խմբագրել | խմբագրել կոդը]

1994 թվականին կազմել և հրատարակել է «Սմոլենսկի հայկական գերեզմանատուն» հոդվածը՝ «Սանկտ Պետերբուրգի Պատմական գերեզմանոցները» գրքում (1994)՝ հոդվածում ներկայացնելով հուղարկավորությունների պատմությունների ցուցակ և նրանց ուրվագիծը[1]։

Վլադիմիր Ամատունին մահացել է 1999 թվականի փետրվարի 24-ին Սանկտ-Պետերբուրգում[1]։ Հուղարկավորվել է Սանկտ Պետերբուրգի հայկական գերեզմանոցում[2]։

Ծանոթագրություններ[խմբագրել | խմբագրել կոդը]