Վլադիմիր Ադլերբերգ

Վիքիպեդիայից՝ ազատ հանրագիտարանից
Jump to navigation Jump to search
Վլադիմիր Ադլերբերգ
հունիսի 26, 1872(1872-06-26) - հունիսի 20, 1944(1944-06-20) (71 տարեկանում)
ԾննդավայրԳատչինա, Tsarskoselskiy Uyezd, Սանկտ Պետերբուրգի նահանգ, Ռուսական կայսրություն
Մահվան վայրՓարիզ, Ֆրանսիա
ԳերեզմանՍենտ-Ժենևիև-դե-Բուա
ՔաղաքացիությունՌուսական կայսրություն
Կոչումգնդապետ
Մարտեր/
պատերազմներ
Ռուս-ճապոնական պատերազմ և Առաջին համաշխարհային պատերազմ
ՊարգևներՍուրբ Աննայի 4-րդ աստիճանի շքանշան

Վլադիմիր Ադլերբերգ (ռուս.՝ Граф Влади́мир Васи́льевич А́длерберг, հունիսի 26, 1872(1872-06-26), Գատչինա, Tsarskoselskiy Uyezd, Սանկտ Պետերբուրգի նահանգ, Ռուսական կայսրություն - հունիսի 20, 1944(1944-06-20), Փարիզ, Ֆրանսիա), ռուս գնդապետ, ռուս-ճապոնական պատերազմի հերոս, Պետրոգրադի նահանգապետ Ալեքսանդր Ադլերբերգի եղբայրը։

Կենսագրություն[խմբագրել | խմբագրել կոդը]

Կոլեգիական խորհրդական կոմս Վասիլի Վլադիմիրովիչ Ադլերբերգի (1827-1905) որդին Եկատերինա Գուստավնովնա Կնորրինգի (1837-1909) հետ ամուսնությունից։ Հետևազորի գեներալ, կոմս Վլադիմիր Ֆյոդորովիչ Ադլերբերգի թոռը[1]։

1892 թվականին ավարտել է Պաժերի կորպուսը, ստացել կորնետի աստիճան և ծառայել Նորին մեծության Ուլանյան լեյբ-գվարդիական գնդում։ Կոչումները` պորուչիկ (1896), շտաբս-ռոտմիստր (1901), եսաուլ (1904), փոխգնդապետ (1904), գնդապետ (գերազանցության համար, 1912)։ 1898-1901 թվականներին գտնվել է պահեստազորում։ Այնուհետև ծառայել է ռազմական նախարարությունում հատուկ հանձնարարությունների գծով օբեր-սպա[2]։

Մասնակցել է Ռուս-ճապոնական պատերազմին, ծառայել է գլխավոր հրամանատարության համհարզ Հեռավոր Արևելքում (1904-1905), 1-ին Մանջուրական բանակի հրամանատարի համհարզ (1905), պարգևատրվել է Գեորգիևյան զենքով։

1906 թվականին գործուղվել է Ռազմական նախարարության գրասենյակ, հաջորդ տարվանից հաշվառված է եղել Ռազմական նախարարությունում։ Առաջին համաշխարհային պատերազմում եղել է Կուբանյան զորքերի 3-րդ Կուբանյան գնդի հրամանատարը (1916 թվականից)։ Հեղափոխությունից հետո արտագաղթել է Ֆրանսիա, ապրել Փարիզում, 1920-ական թվականներին երկրորդ կնոջ հետ հիմնել է «Ադլերբերգ» սպիտակեղենի ռուսական տունը։ 1943 թվականից եղել է կայսր Նիկոլայ 2-րդի հիշատակի ջատագովների Միության անդամ։

Մահացել է 1944 թվականին Փարիզում, թաղված է Սենտ-Ժենեվեվ-դե-Բուա գերեզմանոցում։

Ընտանիք[խմբագրել | խմբագրել կոդը]

Եվգենիա Նիկոլաևնա, 1-ին կինը

Առաջին կինը (1899 թվականից)` Եվգենիա Նիկոլաևնա Ադլերբերգի (1873-1916) ազգականուհին, գեներալ Նիկոլայ Ալեքսանդրովիչ Ադլերբերգի դուստրը, Եվգենիա Ալեքսանդրովնա Գալի հետ ամուսնությունից: 1891 թվականից եղել է պալատական ազնվական օրիորդ, առաջին ամուսնությունը կայացել է (1894 թվական) Պյոտր Գավրիլովիչ Գարդենինի հետ, որից ամուսնալուծվել է 1897 թվականին: 1910-ական թվականներին կոմսուհի Ադլերբերգը միայնակ ապրել է Միլանում, որտեղ վարել է «անկանոն կենսակերպ»։ Ամուսնությունը անժառանգ է եղել։
Երկրորդ կինը` Լյուբով Վլադիմիրովնա Եգորովան (1890-1963), դերձակ էր և մոդելյոր։ Էմիգրացիայում ապրել է Ֆրանսիայում, որտեղ աշխատել է դերձակ ֆրանսիական սպիտակեղենի տանը և մշակել մետաքսի նմուշ-օրինակներ։ Եղել է տուբերկուլյոզով հիվանդների օգնության ընկերակցության վարչության անդամ։ «Ադլերբերգ» տան փակվելուց հետո դարձել է միանձնուհի, կարել է պարեգոտներ ռուս վանականների համար։ 1943 թվականից եղել է կայսր Նիկոլայ 2-րդի հիշատակի ջատագովների Միության անդամ։ Թաղված է Սենտ-Ժենեվեվ-դե-Բուա գերեզմանոցում։

Պարգևներ[խմբագրել | խմբագրել կոդը]

  • Սուրբ Աննայի 3-րդ աստիճանի շքանշան սրերով և ժապավենով (1904)
  • Սուրբ Ստանիսլավի 2-րդ աստիճանի շքանշան սրերով (1904)
  • Սուրբ Աննայի 4-րդ աստիճանի շքանշան (1904)
  • Սուրբ Աննայի 2-րդ աստիճանի շքանշան սրերով (1905)
  • Գեորգիևյան զենք (16.02.1907)
  • Սուրբ Վլադիմիրի 4-րդ աստիճանի շքանշան սրերով և ժապավենով (1915)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]