Վիքիպեդիա:Հոդվածի ստեղծում/Կազմակերպություն/Բովանդակություն
| Հեղինակային իրավունք |
|---|
 |
Քո հոդվածը չպետք է խախտի հեղինակային իրավունքները։
Մի՛ պատճենիր և մի՛ ավելացրու տեքստ այլ կայքերից և աղբյուրներից, եթե դա ձևակերպված մեջբերում չէ[3]։ Հեղինակային իրավունքը խախտող հոդվածները հնարավորինս շուտ կհեռացվեն։[1] Հոդվածները գրի՛ր ինքդ և քո բառերով[2]։ Նորմալ է, որ քո տեքստը կատարյալ չէ, փոքր-ինչ ուշ կարելի է այն ուղղել։ Հեղինակային իրավունքների մասին պետք է հիշել նաև պատկերներ վերբեռնելիս[4]։
Նշանակալիությունը պետք է ցույց տրվի։
Նախորդ քայլին ներկայացվեց, թե ինչ չափանիշների պետք է համապատասխանի առարկան նշանակալի ճանաչվելու համար։ Համոզվի՛ր, որ ընթերցողը, կարդալով քո հոդվածը, կհասկանա, թե ինչու է առարկան նշանակալի։
Քո հոդվածը պետք է չեզոք լինի։
Վիքիպեդիայի հոդվածները պետք է արտացոլեն չեզոք տեսակետ։ Չնայած որ առարկայի քննադատությունը և գնահատականը ընդունելի է, քո հոդվածը պետք է թեման նկարագրի չեզոք կողմից։ Գրի՛ր միայն փաստերի մասին․ ավելի լավ է ներառել արդեն հրապարակված կողմնակի կարծիքները, քան գրել սեփականը։ Հոդվածը պետք է նկարագրի բոլոր էական տեսակետներն արդար և համաչափ։ Առարկային ամբողջովին քննադատող հոդվածները կարող են հեռացվել, իսկ փառաբանող հոդվածները՝ ուրիշների կողմից ամբողջովին խմբագրվել։
Քո հոդվածը համապատախանո՞ւմ է այս պահանջներին
- Ծանոթագրություններ
- ↑ 1,0 1,1 Կան որոշ կայքեր և այլ աղբյուրներ, որտեղից կարելի է տեղեկատվություն պատճենել․ այդ աղբյուրները պետք է լինեն հանրային սեփականության կամ Վիքիմեդիայի հետ համատեղելի թույլատրագրով (այդ դեպքում անհրաժեշտ է պատշաճ հղում կատարել հեղինակին և աղբյուրին)։
- ↑ 2,0 2,1 Եթե դու տիրապետում ես նախկինում հրապարակված նյութին կամ իրավունք ունես այն օգտագործել, թույլտվությունը պետք է ստուգվի։
- ↑ 3,0 3,1 Թույլատրվում է վերցնել փաստեր (փաստացի տեղեկատվություն) հոդվածի առարկայի մասին։
- ↑ Պատկերազարդումը լավ է, բայց եթե այդ պատկերները դու չես ստեղծել, կարող են խնդիրներ առաջանալ հեղինակային իրավունքի հետ։ Դու կարող ես համապատասխան պատկերներ փնտրել Վիքիպահեստում։