Վիքիպեդիայի քննարկում:Հոդվածների անվանում

Միջազգային կազմակերպությունների և բրենդերի անվանումներ[խմբագրել կոդը]

Այս քննարկումը փոխադրված է Խորհրդարան

Առաջարկություններ[խմբագրել կոդը]

Սամվել ջան, ապրե՜ս, շատ արժեքավոր աշխատանք ես կատարել։ Տեքստը կարդացի, մի քանի առաջարկություն ունեմ․

հոդվածի վերնագիրը պետք է հիմնված լինի հայերեն լեզվով հեղինակավոր աղբյուրների վրա ― միգո՞ւցե հայալեզու հեղինակավոր աղբյուրներ։
անվանումները նաև չպետք է պարունակեն վուլգար տերմիններ ― միգո՞ւցե «գռեհիկ» (Beko-ն առաջարկեց)։ Կարծում եմ՝ ավելի լավ տարբերակ է։
վիքիպեդիան ունի հատուկ կոնվեցիաներ տարբեր թեմաների վերաբերյալ ― Սամվել ջան, միգո՞ւցե կանոնակարգ բառն օգտագործենք, որն ավելի հասկանալի է։
Օգտագործեք եզակի բառեր. Հոդվածների անվանումները պետք է լինեն եզակի, օրինակ` ձի, ոչ ձիեր ― եթե չեմ սխալվում, կենսաբանության (հնարավոր է՝ այլ գիտություններ մեջ էլ կոնկրետ բաներ) մեջ տարանջատվում են մրջյունները-ը՝ որպես միջատների ընտանիք, և մրջյուն-ը՝ որպես տեսակ։ Այս խնդրի հետ կապված լավ կլիներ Դավիթն էլ իր մասնագիտական կարծիքը հայտներ։

Դեռևս այսքանը, Սամվել ջան։ Կցանկանայի քո կարծիքն էլ լսել։ ― Ջէօ 07:24, 23 Սեպտեմբերի 2014 (UTC)[reply]

Կոնվեցիաների առումով ասեմ, որ անգլերեն վիքիպեդիայում ամեն թեմա ունի իր անվանակոչությունների վերաբերյալ ուղեցույց, դրանք կանոնակարգեր չեն, այլ համաձայնություն, որպեսզի հոդվածները ունենան միանման անվանման ձևեր:

Մրջյունների առումով ասեմ, որ հոդվածում կարելի է նշել, որ կարող են լինել դեպքեր որ օգտագործվեն նաև հոգնակի անվանումներ: Կարելի է ստեղծել կենսաբանության և այլ թեմաների "կոնվեցիաներ", որտեղ հստակ կնշվեն որ դեպքերում:

Մնացած դիտողությունների հետ համաձայն եմ--Սամվել (քննարկում) 07:58, 23 Սեպտեմբերի 2014 (UTC)[reply]

Լավ, կոնվեկցիայի վերաբերյալ կարող ենք հետագայում համաձայնության գալ, Սամվել ջան։ Քանի որ համաձայն ես մնացած կետերի հետ, համապատասխան փոփոխությունները կմտցնեմ կանոնակարգի մեջ։ ― Ջէօ 09:02, 23 Սեպտեմբերի 2014 (UTC)[reply]

Շնորհակալություն:--Սամվել (քննարկում) 09:19, 23 Սեպտեմբերի 2014 (UTC)[reply]

Ողջույն: Եթե հարցը վերաբերվում է կարգաբանական անվանումներին, ապա դրանք բոլորը (միայն մի քանի բացառությամբ) հոգնակի են. ոչ թե մրջյուն, այլ՝ մրջյուններ, ոչ թե ձի, այլ՝ ձիեր և այլն: Միայն ցեղի անունն է, որ եզակի է գրվում: --Դավիթ (∅) 09:35, 23 Սեպտեմբերի 2014 (UTC)[reply]

Բանը նրանում է, որ համաձայն կանոնակարգի նախագծի պետք է ընտրել ոչ թե պաշտոնական անվանումը կամ հայերեն լեզվի կանոններով ընդունված տարբերակը այլ պետք է առաջնորդվել նրանով, թե որն է ավելի շատ գործածական, ձի տարբերակը որոնման արդյունքներով մոտ երկու անգամ ավելի շատ է գործածվում, իսկ ձիեր անվանումը կարող է լինել երկրորդական տարբերակ, որից կվերահղվի ձի տարբերակին:--Սամվել (քննարկում) 09:59, 23 Սեպտեմբերի 2014 (UTC)[reply]

Ձեր ասածը կգործեր այն ժամանակ, երբ որ տարբերակները տարբեր արմատներով բառեր լինեին, այստեղ մեկը մյուսի հոգնակի ձևն է, իսկ հոգնակի ձևից եզակին ճանաչելը նույնիսկ փոքրերը գիտեն. դրա համար ընտրվում է նա, որն ավելի գիտական է, որովհետև լիքը կարգաբանական անուններ կան, որոնց հոգնակին կարգաբանական մի միավոր է, եզակին՝ մեկ այլ: Ձի տարբերակը ամենապարզ տարբերակն է, երբ մի փոքր ավելի ավելի խորանաք կարագաբանական անունների մեջ (գնաք դեպի քիչ տարածված անվանումներ), մի պահից սկսելու եք չտարբերել արդեն, թե որ տարբերակն է ավելի տարածված, որը՝ ոչ: Հիմա դուք ձի ասելով հասկանու՞մ եք զեբր-ին: Զեբրը նույնպես մտնում է ձիերի ցեղի մեջ: Ձի ասելով հասկանում եք ընտանի ձի-ն չէ՞, դրա համար հոդվածի անունը դնում եք ընտանի ձի (ինչպես բնորոշ է տեսակին), եթե հոդվածի անունը դնեք միայն ձի ամեն բան խառնելու եք իրար: --Դավիթ (∅) 10:25, 23 Սեպտեմբերի 2014 (UTC)[reply]

Դավիթ ջան կա մի պարզ լուծում, կարելի է գրել ձի (այլ կիրառումներ) որի մեջ կլինի ընտանի ձի, շախմատի ձի և այլն: Եզակի հոգնակիի վերաբերյալ համապատասխան թեմաների վերաբերյալ կարելի է գրել բացառություններ, ես դեմ չեմ ձիեր տարբերակին, բայց բոլոր նմանատիպ հոդվածների անվանումները պետք է լինեն նույնատիպ:--Սամվել (քննարկում) 10:57, 23 Սեպտեմբերի 2014 (UTC)[reply]

Ավելացրի «Արևմտահայերեն անվանումներ» ենթավերնագիրը։ Քանի դեռ արևմտահայերեն հոդվածներ ունենք և ավելանում են, սա կարևոր էունենալ կանոնադրությունում։ Beko (քննարկում) 10:30, 23 Սեպտեմբերի 2014 (UTC)[reply]

Վերնագիրը պետք է ճանաչված լինի տվյալ թեմային քիչ թե շատ մարկանց մեծամասնությանը: - Հոդվածը պետք է հանրաճանաչ վերնագիր ունենա։
Հոդվածների մեծամասնության համար կան պարզ անվանումներ, որոնք համապատասխանում են այս չափանիշներին: Այստեղ որոշելը շատ պարզ է, սակայն որոշ դեպքերում որոշելը այդքան էլ պարզ չէ: Այստեղ անհրաժեշտություն կառաջանա նախապատվությունը տալ չափանիշներից մի քանիսին՝ անտեսելով մյուսները: - առաջարկում եմ հանել այս մասը, քանի որ չի հասկացվում իմաստը
Որոշումը պետք է ընդունվի քննարկողների մեծամասնության կողմից կամ համապատասխան մասնագետների հիմնավորմամբ: - Որոշումը պետք է ընդունվի Հայերեն Վիքիպեդիայում ընդունված հարցումների կանոնակարգին համապատասխան։
Անվանումները հիմնականում տրվում են հոդվածի անունները, ինչպիսիք են անձնավորության անունը, վայրի անունը և հոդվածի թեմայի անունը: - Այս մասը ճիշտն ասած չհասկացա․․․
Վիքիպեդիայի մոդուլը գրված է այնպես, որ ամեն հոդված կարող է ունենալ մեկ անվանում: - Վիքիպեդիայում ընդունված է, որ ամեն հոդված պետք է ունենալ մեկ անվանում։ Շատերը չեն հասկանա, թե մոդուլն ինչ է։
Խուսափե՛ք չակերտներից կարելի է ծայրահեղ դեպքերում օգտագործել («...») այս չակերտները, եթե առանց դրանց հոդվածի անվանումը չի արտացոլի հոդվածի թեման: - Առաջարկում եմ ընդհանրապես արգելել չակերտներով անվանումներ գրելը, քանի որ դա փնտրման ժամանակ հանգեցնում է խնդիրների։
Առանց քննարկման անվանափոխությունը խստիվ արգելված է: Եթե էջի անվանումը կայուն է երկար ժամանակ, ոչ մի կարիք չկա այն փոխելու: - Առանց քննարկման անվանափոխությունը խիստ անցանկալի է, եթե իհարկե վերնագրում վրիպակ, բացահայտ ուղղագրական սխալ կամ կանոնակարգին հակադրվող տարրեր չկան։ Եթե հոդվածի համար առաջարկվող Ձեր տարբերակը կարծում եք, որ միանշանակ չի ընդունվի, ապա պետք է նախ և առաջ քննարկում բացել, այնուհետև վերանվանել հոդվածը։ Եթե էջի անվանումը կայուն է երկար ժամանակ, ոչ մի կարիք չկա այն փոխելու: նախադասությունն առաջարկում եմ հանել, քանի որ ժամանակի ընթացքում հնարավոր է տարբեր կանոններ փոխվեն՝ կապված բառերի ուղղագրության հետ։
Հոգնակիների առումով համաձայն եմ Ջեոյի և Դավիթի հետ։ Բացի կենսաբանական անվանումներից հոգնակիով են գրվում նաև շատ քիմիական այլ հասկացություններ/նյութեր
Կոնվենցիա բառն էլ առաջարկում եմ մտածել և փոխել մեկ այլ տարբերակով։ --Լիլիթ (քննարկում) 10:36, 23 Սեպտեմբերի 2014 (UTC)[reply]

2-րդ կետի մասով, իմաստը հետևյալն է, կան հոդվածների անուններ որոնք կհամապատասխանեն հինգ չափանիշներից յուրաքանչյուրին, կան անվանումներ որոնք չեն համապատասխանի բոլորին, այս հոդվածների անվանումները ընտրելիս կարելի է անտեսել որոշ չափանիշներ: Օրինակ հոդվածի նավանում հանրաճանաչ է, բայց ոչ հակիրճ, կամ հանրաճանաչ է բայց ոչ չեզոք և այլն:
4-րդ կետի իմաստը այն է, որ հոդվածի անվանում կարող է ծառայել անձի անունը եթե թեման մարդու ամսին է և այլն, չնայած կարելի է հանել, անգլերենում չգիտես ինչու գրված էր:
Կոնվեցիան կարելի է թարգմանել համաձայնություն:

Մնացած դիտողությունների մասով համաձայն եմ:--Սամվել (քննարկում) 11:22, 23 Սեպտեմբերի 2014 (UTC)[reply]

Քննարկման շարունակություն[խմբագրել կոդը]

Լիլիթ ջան, ես համաձայն չեմ անվանափոխությունը կապել հրացման հետ, դա նշանակաում մի հատ հոդված անվանափոխելու համար պիտի մի ամիս սպասենք, դրա կարիքը չկա, ուղղակի կարելի է հետևյալը որոշել, անվանափոխությունը կատարում են ադմինները (եթե անվանափոխության էջում հայտ է բացվել) քննարկողների մեծամասնության կարծիքի կամ համապատասխան մասնագիտական մեկնաբանության հիման վրա, իսկ առավելագույն ժամկետը մեկ ամիս է, ինչպես ջնջման դեպքում: Հարկ եղած դեպքում նոր քննարկում կարելի է սկսել:

Համաձայն եմ, 6AND5 ջան։--Լիլիթ (քննարկում) 16:51, 23 Սեպտեմբերի 2014 (UTC)[reply]

Կտրականապես դեմ եմ որ ադմինները կատարեն անվանափոխությունը, դա ադմինի գործի հետ ամենևին կապ չունի, ադմինը կարող է տեղյակ չլինել տվյալ թեմային կամ ունենալ ոչ չեզոք տեսակետ: Անվանափոխումները պետք է կատարի վիքի համայնքը:--Սամվել (քննարկում) 18:31, 23 Սեպտեմբերի 2014 (UTC)[reply]

Ադմինը ընդամենը հաստատում է քննարկման արդյունքը (թեև չեմ բացառում կամայականությունները), իսկ դու «Անվանափոխումները պետք է կատարի վիքի համայնքը», ասելով ավելի կոնկրետ ինչ ես հասկանում կամ ինչպես ես այդ պրոցեսը պատկերացնում?--6AND5 (քննարկում) 19:25, 23 Սեպտեմբերի 2014 (UTC)[reply]

Կներեք եթե սխալ եմ հասկացել բայց վերևում բառացի գրել եք, որ անվանափոխությունը պետք է կատարի ադմինը: Լավ ընդունենք ասել եք քննարկումը պետք է փակի ադմինը, ինչու ադմինը, ինչու ես չեմ կարող? Վիքիհամայնքը ասելով հասկանում եմ յուրաքանչյուր խմբագրող, ադմինը կարող է հսկել թե քննարկումը կատարվել է կանոններին համապատասխան թե ոչ:: Ավելացնեմ նաև Դուք որպես ադմինի թեքնածու իրավունք չունեք վիքիպեդիայի միջավայրում թույլ տաք արտահայտություններ որոնք տողատակում կարող են վիրավորանք պարունակել, խնդրում եմ շարունակել առողջ քննարկումը և փաստերով ապացուցել Ձեր իրավացիությունը:--Սամվել (քննարկում) 20:21, 23 Սեպտեմբերի 2014 (UTC)[reply]

Իսկ որ արտահայտությունն էր վիրավորական տողատակ պարունակում հարգելի Սամվել, վերը նշված ոչ մի արտահայտություն տողատակ չի ունեցել, չգիտեմ դու ինչ ես հասկացել իմ ասածներից, բայց նորից եմ կրկնում ավելի կոնկրետացնելով իրավիճակը եթե կարծիքների բացահայտ մեծամասնություն չկա, ոնց ես պատկերացնում այդ դեպքում հարցի լուծումը?--6AND5 (քննարկում) 20:57, 23 Սեպտեմբերի 2014 (UTC)[reply]

Նման դեպքերի համար պետք է լինեն կանոնակարգեր, բայց մեր քննարկման թեման այլ էր, Դուք բառացի գրել եք, որ ադմինը պետք է փակի քննարկումը, Դուք չեք հստակեցրել որ դեպքերում: Ինչ կապ եք տեսնում մեր քննարման և իմ էջի միջև, ինչու է Ձեր մեկնաբանությունը հղում պարունակում դեպի իմ մասնակցի էջ? --Սամվել (քննարկում) 21:21, 23 Սեպտեմբերի 2014 (UTC)[reply]

Սամվել ջան, մինչև 6AND5-ի պատասխանելը, թույլ տուր ես պատասխանեմ։ Այսպիսի հղման մեջ, ինչպիսին, որ ես դրեցի դեպի օրինակ 6AND5-ի մասնակցային էջ, ոչ մի տողատակ կամ վատ իմաստ չկա և շատ է օգտագործվում մասնակիցների կողմից այն բանից հետո, երբ նման հղումով ծանուցում է գնում տվյալ մասնակցին, որպեսզի վերջինս տեսնի ծավալվող քննարկումը կամ որ իրեն գրել են։ Սա նույնն է, որ մասնակցի էջում դրվում է {{արձագանք|X մասնակից}} կաղապարը։ Քննարկումներում դեպի մասնակցային էջ հղումները շատ են օգնում, մանավանդ այժմ, երբ ինչ-որ մասնակից ինձ է դիմում կամ ինձ պատասխանում է որևէ տեղ ու ես շատ հնարավոր է, որ չտեսնեմ։ Իսկ այսպես, ծանուցումն ստանում եմ ու միանգամից մտնում տվյալ քննարկման մեջ։ Ի դեպ, հղում կարելի է դնել նաև դերանունների վրա։ --Լիլիթ (քննարկում) 04:44, 24 Սեպտեմբերի 2014 (UTC)[reply]

Շնորհակալություն Ձեր արձագանքի համար Լիլիթ ջան,չեմ ուզում սրել իրավիճակը, դրա համար խնդրում եմ շարունակել քննարկման բուն թեման:--Սամվել (քննարկում) 07:58, 24 Սեպտեմբերի 2014 (UTC)[reply]

Լիլիթը մանրամասն ներկայացրեց թե ինչ կապ կա, կամ ավելի շուտ ինչ կապ չկա: Խնդիրը նրանում է, որ հարգելի Սամվել Ձեր հետ խոսալուց, Ալեքսեյի, Երջանիկի կամ Վաչագանի էջերին չպիտի հղում տամ, այլ Ձեր, որ Դուք շուտ իմանաք, ու քանի որ էջում քննարկումը մի քանի մասի է բաժանված հանարավոր է չնկատեիք, դրա համար էլ հղում տվեցի Ձեր էջին, որ հաղորդագրություն ստանաք, բայց եթե Ձեր էջին հաղորդագրություն ուղարկելը վիրավորական է Ձեր համար, ապա ներողություն եմ խնդրում, մյուս անգամ Ձեր մասնակցային էջի անվանումը այլևս չեմ գրի, հույսով եմ բավարարված եք...--6AND5 (քննարկում) 09:08, 24 Սեպտեմբերի 2014 (UTC)[reply]

Ես խնդրեցի չէ շարունակել քննարկման բուն թեման, ինչ վերաբերվում է ինձ հղելուն, իմ անունը դու չէ, իմ անունը Սամվել է, մենք երբեք չենք անցել դու դիմելաձևին, ինձ համար էջին հղելը չի վիրավորական այլ Ձեր գրելաձևը, բացի այդ գոնե գործեք կառուցողական, փորձում եք ավելի շիկացնել իրավիճակը: Խնդրում եմ այսուհետ խոսեք միայն քննարկման թեմայով և Ձեզ թույլ չտաք իմ հանդեպ այսպիսի տոն` իսկ դու ոնց ես պատկերացնում և այլն: --Սամվել (քննարկում) 09:52, 24 Սեպտեմբերի 2014 (UTC)[reply]

Հիմա քննարկման մասնակիցները ինչ կասեն նմանատիպ վերնագրերի՝ ՖԻՖԱ Աշխարհի առաջնություն 2014 կամ այս տարբերակի վերաբերյալ Ֆուտբոլի աշխարհի առաջնություն 1994: Եվ մեկ հարց ինչ որոշվեց փակագծերում արևմտահայերեն գրելու ձևի վերաբերյալ.Վիքիպեդիա:Տերմինների քննարկում#Արևմտահայերեն թե Արեւմտահայերէն--6AND5 (քննարկում) 16:43, 23 Սեպտեմբերի 2014 (UTC)[reply]

Մոռացա ասեի, թեև Դավիթը հաստատեց, ես նույնպես ասեմ, որ մրջյուն կամ ձի տեսակ գոյություն չունի, իսկ թե գուգլով կամ ուրիշ համակարգով ավելի շատ ինչ է բերում է, չի կարող լինել առաջնային, մի մոռացեք նաև օրինակ ռուսերեն ինտերնետ միջավայրում բազմաթիվ կայքեր կան, որ ուղղակի վիքիպեդիայից քոփի փաստ են անում ավտոմատ ծրագրերով և վիճակագրություն են ստեղծում, նմանատիպ իրավիճակ կարող է ստեղծվել նաև հայերեն ինտերնետ միջավայրում--6AND5 (քննարկում) 16:50, 23 Սեպտեմբերի 2014 (UTC)[reply]

Արևմտահայերենի հարցը բարձացվել է, երբ դեռ շատ քիչ այդպիսի հոդված ունեինք։ Այս տարի, երբ գրվեց մոտ 700-750 հոդված գրողները ավտոմատ գրում էին «արեւմտահայերէն», դրանով հարցը կարծես փակվեց։ Beko (քննարկում) 16:58, 23 Սեպտեմբերի 2014 (UTC)[reply]

6AND5 ջան, այնքան էլ լավ չհասկացա․ եթե որևէ X հոդվածի անվան շուրջ կա տարաձայնություն, այդ պարագայում են, չէ՞, միայն ադմինները լիազորվում անվանափոխել տվյալ հոդվածը՝ համաձայն քննարկման, ոչ թե միայն ադմինները կարող են ընդհանրապես անվանափոխություններ կատարել։ Ճիշտ եմ հասակացել, չէ՞։ ― Ջէօ 17:11, 23 Սեպտեմբերի 2014 (UTC)[reply]

Իսկ ինչ կապված է վերոնշյալ հոդվածների անվանումների հետ, անձամբ հակված եմ հոդվածվերնագրում հապավում չօգտագործելուն․ այսինքն՝ Ֆուտբոլի աշխարհի առաջնություն 1994 տարբերակն ավելի եմ նախընտրում։ ― Ջէօ 17:11, 23 Սեպտեմբերի 2014 (UTC)[reply]

Նման հոդվածների համար անվանումները նույնպես պետք է լինեն միանման, հուսամ մի օր մեր վիքիպեդիայում ամեն թեմայի համար կլինի իր կանոնները: Իսկ այս քննարկումը կանցնի կգնա, գուց ոչ ոք այդպես էլ չի հիշի:--Սամվել (քննարկում) 18:32, 23 Սեպտեմբերի 2014 (UTC)[reply]

Այո, Ջէօ ջան, այիսնքն եթե հայտ է բացվել այս էջում՝ Վիքիպեդիա:Անվանափոխման ենթակա հոդվածներ , իսկ եթե քո մտքով անցնում է փոխարինել ու փոխարինում ես և բնականաբար ոչ մեկ չի բողոքում կամ մենակ մտքում է արտահայտում դժգոհությունը

, ապա խնդիր չկա այդ առումով--6AND5 (քննարկում) 19:19, 23 Սեպտեմբերի 2014 (UTC)[reply]

6AND5, շատ եմ խնդրում ադմիններից առանձին մասնակիցների դաս չսաքրել, հատկապես եթե դրա կարիքը չկա և հատկապես դրոշակը չունեցող մասնակիցների «հաշվին»։ Ցանկացած օբյեկտիվ, համաձայնությունը հարգող մասնակից, կարող է տեղափոխել էջը, ըստ քննարկման արդյունքների, եթե դրանք ակնհայտ են։ Եթե ոչ, դա առանձին դեպք է և ադմին լինելը առանձնապես չի օգնում։ --Ալեքսեյ a.k.a. Xelgen (քննարկում) 21:21, 23 Սեպտեմբերի 2014 (UTC)[reply]

ցավոք ժամանակս չի ներում ավելի գործնական «խառնվելու» գործին, բայց ասեմ, չեմ կարծում որ պարտադիր ադմինները պետք է փակեն քվեարկությունները կամ այսպես ասած արդյունք ամփոփեն, եթե վիճելի է ու հարցը դառնում է այսպես ասած օրհասական, ամեն դեպքում գուցե կարելի է նման և նմանատիպ դեպքերի համար ունենալ այսպես ասած մշտական գործող հանձնաժողով օրինակ ասենք 7-9 անդամներով որտեղ կլինեն ոչ միայն ադմիններ այլ նաև հետաքրքրված ու ակտիվ մասնակիցներ, կամ ավելի շատ, ու իրենց քվեարկությամբ որոշել ինչ անել, բայց ոչ թե թողնել ադմինին: Իսկ եթե ասենք վիճելի հարց է, մի ադմին մի կարծիքի է մյուսը` այլ կարծիքի, այդ դեպքում ի՞նչ անել: --ERJANIK քննարկում: 05:35, 24 Սեպտեմբերի 2014 (UTC)[reply]

Մի շարք մանր առաջարկներ[խմբագրել կոդը]

Սամվել ջան, շատ շնորհակալություն։ Քանի դեռ չեմ մոռացել մի քանի մանր առաջարկներ (մի 2 ավելի խոշոր, ավելի ուշ)։

Կարծում եմ բավականին քիչ է խոսվում վերահղումների մասին։ Դրանց կարելի է առանձին էջ նվիրել, բայց մասնակիցները պետք է այս կանոնից էլ հասկանան, որ կա մեկ հիմնական անվանում, բայց մնացած տարբերակների համար ունենք վերահղումների մեխանիզմը ու կարելի է բոլոր գործածելի տարբերակները նշել։ Մեկ տարբերակ ընտրելը, չի նշանակում, այլ տարբերակներից իսպառ հրաժարվել։
Հայերենում կա որոշիչ հոդի խնդիր, պետք է նշել որ, գրում ենք առանց որոշիչ հոդի՝ «Լեռ» և ոչ «Լեռը»
Եզակի/հոգնակի հարցը երբեմն անորոշ է։ «Ոչ մետաղ» թե «Ոչ մետաղներ», «Լեռնային ապար» թե «Լեռնային ապարներ»։ Կան դեպքեր երբ հոգնակին ավելի ճիշտ է, բայց ես դժվարանում եմ այդ դեպքերը ամփոփ ու ամբողջապես սահմանել։
Չակերտների հարցը հայերենում ավելի ցավոտ է, քանի որ ընդունված է հատուկ անունները դնել չակերտների մեջ, բայց այդ դեպքում տեխնիկական խնդիր է առաջանում այբենական դասավորության հետ, և էջերի ցակերում/կատեգորիաներում նման հոդվածները սկսվում են չակերտից, ոչ թե տառից։ Կատեգորիայում կարելի է {{DEFAULTSORT:}}–ով ուղղել, բայց ոչ ցանկերում։ Ես կնախընտրեի որ հիմնակն անվան մեջ չակերտ չլինի, բայց կարելի է չակերտով վերանումներ ստեղծել։
Կարծեմ կաղապար ունեինք, որը թույլ է տալիս էջի անվանումը փոքրատառով սկսել, և գրել օրինակ այՖոն, և ոչ ԱյՖոն։
Մեծատառ/փոքրատառերի հարցը, նույնպես արժի բացել, պարզապես չգիտեմ, այստեղ թե հոդվածների ոճական ուղեցույցում։ Երբեմն անգլերեն ոճով ամեն բառ մեծատառով են սկսում, ինչը հայերենում սխալ է, մի քանի բացառությամբ։ Սա նաև կարևոր է, քանի որ ներքին հղումները զգայուն են մեծատառ/փոքրատառի հանդեպ։
«Երբեք չվերանվանել առանց փոփոխության» փոքր ինչ ավելի կատեգորիկ է հնչում, քան պետք է։ Տառասխալներ, ընդունված տեսքի բերելուց քննարկում պետք չէ, «Համարձակ եղեք»։ Եթե հայտնի է, որ անվան շուրջ կան ահմաաձայնություններ, իհարկե պետք է հարգալից մոտենալ, բայց գործնականում վերջինը ավելի շատ բացառություն են, քան նորմ։
Առավել մանրամասն առանձին վերանվաման ուղեցույցում դնենք։ Բայց 2 բառով արժի նշել, որ վերանվանելուց շատ կարևոր է հիշել, որ ներքին հղումներ ունենք, և հատկապես եթե հոդվածների անունները տեղով փոխում ենք, պետք է փոխել նաև բոլոր ներքին հղումները (մեր մոտ եղել են դեպքեր երբ Սյունիքի մարզ և Սյունիքի թագավորության էջերը տեղով փոխելուց, հղումների մասին մոռացել են, և ՀՀ–ում կար Սյունիքի թագավորություն, իսկ հայ միջնադարի թագավորները ՀՀ Սյունիքի մարզի թագավոր էին դարձել)։
Տարածված խնդիր, անվանումներում գծիկի «–» փոխարեն, մաթեմատիկական մինուսի «-» նշան։
Ամենամանրը «Մերկուրի» մի քիչ վատ օրինակ է, քանի որ հայերենում այդ քիմիական տարրի անունը սնդիկ է։ Ի՞նչ հետաքրքիր օրինակներ ունենք 3 և ավել կիրառությամբ, օր․ Հրազդա՞ն (քաղաք, գետ, մարզադաշտ, կիրճ, համակարգիչ)։ --Ալեքսեյ a.k.a. Xelgen (քննարկում) 21:17, 23 Սեպտեմբերի 2014 (UTC)[reply]

Շնորհակալություն հարգելի Ալեքսեյ Ձեր դիտողությունների համար, անդրադառնամ մի քանիսին մյուսների հետ համաձայն եմ:

2. որոշիչ հոդը կարծում եմ չի կարելի արգելել, քանի որ շատ հոդվածներում այն գործածական է, օրինակ գրական ստեղծագործություններում (Վերջին Մոհիկանը և այլն): Այստեղ կարելի է գրել, որ որոշիչ հոդ չենք օգտագործում բացառությամբ որոշ թեմաների:
Եզակի հոգնակիի վերաբերյալ նույնպես կան բացառություններ որոշ թեմատիկ հոդվածներում, այստեղ նույնպես կարելի է գրել հոգնակի չենք օգտագործում բացառությամբ որոշ թեմաների:
Երևի տեղյալ եք, որ անգլերեն վիքիում կա ամեն թեմային վերաբերվող անվանակոչության կանոններ, մեր վիքիում այս հարցը բաց է մնում, իսկ այստեղ ամեն թեմային անդրադառնալ ըստ իս անիմաստ է, պետք է նշել, որ կարող են լինել բացառություններ, այսքանով առայժմ խնդիրները կփակվեն:
Կանոնը հիմնականում թարգմանել եմ անգլերեն վիքիից, օրինակները նույնպես այնտեղից են, եթե կան ավելի լավ օրինակներ լիովին համամիտ եմ:--Սամվել (քննարկում) 07:47, 24 Սեպտեմբերի 2014 (UTC)[reply]