Վիտալի Աբդուլով

Վիքիպեդիայից՝ ազատ հանրագիտարանից
Jump to navigation Jump to search
Վիտալի Աբդուլով
Виталий Абдулов.jpg
Ծնվել էմարտի 15, 1970(1970-03-15) (50 տարեկան)
ԾննդավայրԳլազով, Udmurt Autonomous Soviet Socialist Republic, ՌԽՖՍՀ, ԽՍՀՄ
ԿրթությունՄԳԱԹ-ի դպրոց-ստուդիա և Irkutsk drama school?
ՔաղաքացիությունFlag of Russia.svg Ռուսաստան
Flag of the Soviet Union.svg ԽՍՀՄ
Մասնագիտությունդերասան
vitaliy-abdulov.ru

Վիտալի Զինուրովիչ Աբդուլով (ռուս.՝ Виталий Зинурович Абдулов, մարտի 15, 1970(1970-03-15), Գլազով, Udmurt Autonomous Soviet Socialist Republic, ՌԽՖՍՀ, ԽՍՀՄ), ռուս դերասան:

Կենսագրություն[խմբագրել | խմբագրել կոդը]

Վիտալի Աբդուլովը ծնվել է 1970 թվականին մարտի 15-ին Գլազով քաղաքում[1][2]: Դպրոցում զբաղվել է բասկետբոլով, խաղացել է քաղաքի երիտասարդական հավաքականում:

Դպրոցն ավարտելուց հետո Վիտալի Աբդուլովն ընդունվել է Իրկուտսկի էներգաշինարարության ​​ուսումնարան` «շինարարության տեխնիկ» մասնագիտությամբ:

Բանակում ծառայելուց հետո նա փոխել է բազմաթիվ մասնագիտություններ՝ աշխատելով որպես շինարար-մոնտաժող, սանիտար, սրճարանի ադմինիստրատոր և թիկնապահ:

1995 թվականին Վիտալի Աբդուլովն ընդունվել է Իրկուտսկի թատերական ուսումնարան՝ Վալենտինա Ալեքսանդրովնա Դուլովայի մոտ[1][3]:

2000 թվականի դիպլոմային ​​ելույթներին ներկա են եղել Ռուսաստանի թատերական արվեստի համալսարանի մանկավարժ Օլգա Վասիլևնա Ֆիրսովան: Նրա աշխատանքը տեսնելուց հետո Ֆիրսովան Վիտալիին առաջարկել է իր դերասանական կարիերան շարունակել Մոսկվայում: Վիտալին հայտնվել է մայրաքաղաքում, որտեղ ընդունվել է Մոսկվայի գեղարվեստական ակադեմիական թատրոնի դպրոց-ստուդիա՝ Եվգենի Կամենկովիչի կուրս, որն ավարտել է 2004 թվականին[1]:

Վիտալի Աբդուլովը կինոյում իր կարիերան սկսել է 2001 թվականին՝ Մոսկվայի գեղարվեստական ակադեմիական թատրոնի դպրոց-ստուդիայում սովորելու տարիներին՝ կատարելով թիկնապահների և ոստիկանների էպիզոդիկ դերեր:

2004 թվականը շրջադարձային է եղել դերասանի համար․ նա նկարահանվել է «Շուկշինյան պատմություններ» ֆիլմում: REN-TV ալիքի «Զինվորներ» հեռուստասերիալում նկարահանվել է ավագ զինծառայող Եվսեևի դերում, որի շնորհիվ Վիտալի Աբդուլովն արժանացել է ճանաչման: Այս դերից հետո Վիտալի Աբդուլովն ակտիվորեն նկարահանվել է ֆիլմերում (սուզանավային դիզելիստի դերը «Առաջինն Աստծուց հետո» ֆիլմում, աշխատանքը «Հարեմի տոմս» ֆիլմում, Զագիբայլովի դերը «Տոթ նոյեմբեր» ֆիլմում) և սերիալներում (քաղաքապետի օգնականի դերը «Кадетство», կապիտան Դուրովի դերը «Ժիլինի ուղեկալ» հեռուստասերիալներում):

2004 թվականին Աբդուլովը կատարել է մոսկվացի տաքսու վարորդի էպիզոդիկ դերը «Բորնի գերակշռությունը» հոլիվուդյան ֆիլմում: Նկարահանվել է նաև գովազդում․ առանձնակի ժողովրդականություն է ձեռք բերել մաֆիոզ Թոնիի դերը Tele2 բջջային օպերատորի գովազդների ցանկում[1]:

Վիտալի Աբդուլովն ունի մեկ դուստր՝ Ալիսան:

Ֆիլմագրություն[խմբագրել | խմբագրել կոդը]

  • 2001 – Քաղաքացի պետ – թիկնապահ
  • 2002 – Շուկշինյան պատմություններ («Հռետորական ընդունելություն» պատմվածք) – անտառահատների բրիգադի աշխատող
  • 2003 – Անտիկիլլեր-2
  • 2003 – Ստիլետ – թիկնապահ
  • 2003 – Մյուս կյանք (հեռուստասերիալ) - Այգեպան
  • 2004 – Дальнобойщики 2 – «Բռնցքամարտիկ»
  • 2004 – Մոսկովյան սագա – գեներալ
  • 2004 – МУР есть МУР – Առնոլդ Շուլգին
  • 2004 – Բորնի գերակշռությունը – տաքսու վարորդ
  • 2004 – Զինվորներ – ավագ սերժանտ Եվսեև
  • 2005 – Կամեսկայա 4 – մարդասպան
  • 2005 – Առաջինն աստծուց հետո – սուզանավի դիզելիստ
  • 2005 – Ֆիրմային պատմություն – Գրիշա
  • 2006 – Հարեմի տոմս – Ուդավ
  • 2006 – Տոթ նոյեմբեր – Զագիբայլով
  • 2006 – Կինոփառատոն, կամ Էյզենշտեյնի պորտվեյն – Լյոխա Սիմոնով
  • 2006-2007 – Կադետություն – Ալեքսանդր Միխայլովիչ, քաղաքապետի օգնական
  • 2007 – Պարբերություն 78 – էպիզոդ
  • 2007 – Սարդոստայն – Վերզիլա
  • 2007 – Տուրեցկու վերադարձը – բռնցքամարտիկ
  • 2007 – Путейцы – ամուսին
  • 2007 – Ռուդը և Սեմը - թիկնապահների պետ
  • 2007 – Солдаты. Новый год, твою дивизию!  – ավագ զինծառայող Եվսեև
  • 2008-2010 – Ռանետկի – Վիկտոր Ստեպնով, ֆիզկուլտուրայի ուսուցիչ
  • 2008 – Ժիլինի ուղեկալ – կապիտան Զուրով
  • 2009 – Խաչը շրջանի մեջ – Պլեշակով
  • 2009 – Հեռավորություն – մարզիչ
  • 2010 – Կար-չկար մի կին – էպիզոդ
  • 2010 – Մարգոշա 3 – Պետրոս Ռոդիոնով
  • 2010 – Самый лучший фильм 3-ДЭ – էպիզոդ
  • 2012 – Լուսացույց – Սերգեյ
  • 2013  – Հետք – որսորդը
  • 2014 – Չեմպիոններ – Սվետլանա Ժուրովայի ամուսինը
  • 2014 – Կատարյալ զույգ – Դենիս
  • 2015 – Молодёжка – այցելու
  • 2015 – Ծովային սատանաներ
  • 2017 – Անտառապահ։ Սեփական հողը – Սերգեյ Բարաբաշ

Վիտալւ Աբդուլովը նկարահանվել է Մեգաֆոն, Tele2, MTS բջջային օպերատորների գովազդներում:

Փաստեր[խմբագրել | խմբագրել կոդը]

2019 թվականին փետրվարի 20-ի գիշերը Վիտալի Աբդուլովը Մոսկվայում ծեծի է ենթարկվել, երբ փորձել է շքամուտքից դուրս անել «սոցիալական ցածր պատասխանատվություն» ունեցող կնոջ։ Արդյունքում նա ստացել էր գլխի փափուկ հյուսվածքների վնասվածք[4]:

Ծանութագրություն[խմբագրել | խմբագրել կոդը]

  1. 1,0 1,1 1,2 1,3 Денис Анипченко (2010-04-17)։ «Виталий Абдулов» (ռուսերեն)։ Женский журнал «Соблазнительница»։ Արխիվացված է օրիգինալից 2013-10-06-ին։ Վերցված է 2013-10-05 
  2. Актеры Российского кино 1986-2011. Биофильмографический справочник. / Сост. Вл. Мартынов. — М: «Канон+» РООИ «Реабилитация», 2012. — С. 5. — 632 с. — ISBN 978-5-88373-281-1
  3. София Варган (2009)։ «Виталий Абдулов – не простой «физрук Тони»» (ռուսերեն)։ Киножурнал «Наш фильм»։ Արխիվացված է օրիգինալից 2013-10-06-ին։ Վերցված է 2013-10-05 
  4. Виталия Абдулова избили в Москве

Արտաքին հղումներ[խմբագրել | խմբագրել կոդը]