Վիվա. Բժիշկները և կամավորները՝ Հայաստանին

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Վիվա (այլ կիրառումներ)
Վիվա. Բժիշկները և կամավորները՝ Հայաստանին
Տեսակբարեգործական կազմակերպություն
ԵրկիրFlag of Russia.svg Ռուսաստան
Հիմնադրված2016
Գլխադասային գրասենյակՄոսկվա, Ռուսաստան

Վիվա. Բժիշկները և կամավորները՝ Հայաստանին (ռուս.՝ Вива. Врачи и волонтёры — Армении), Ռուսաստանում հիմնադրված և Հայաստանում, առաջին հերթին՝ Արցախում, գործող բարեգործական հիմնադրամ[1]։ Հիմնադրամի գլխավոր գրասենյակը գտնվում է Մոսկվայում, մասնաճյուղը՝ Երևանում[1]։

Նպատակներ[խմբագրել | խմբագրել կոդը]

Կազմակերպության նպատակներն են[1][2].

  • Հայաստանի, առաջին հերթին՝ Արցախի, հիվանդանոցների տեխնիկական ապահովվածության մակարդակի բարձրացումը.
  • Հայաստանի բնակչության համար Վիվայի բժիշկների կողմից անվճար կոնսուլտացիաների, վիրահատությունների անցկացումը։
  • ֆինանսական օգնություն՝ անապահով ընտանիքների հիվանդ անդամների բուժման համար։
  • Հայերի ոսկրածուծի դոնորական բանկի ստեղծում։

Սկզբունքներ[խմբագրել | խմբագրել կոդը]

Կազմակերպության սկզբունքներից է գործունեության, ֆանդրայզինգի և միջոցների բաշխման մաքրությունը, թափանցիկությունը։ Գործունեությանն առնչվող բոլոր փաստաթղթերը հրապարակվում են կազմակերպության էջերում[1]։

Պատմություն[խմբագրել | խմբագրել կոդը]

Կազմակերպությունը պաշտոնապես հիմնադրվել է 2016 թվականի ապրիլի 7-ին, սակայն փաստացի սկսել է գործել ապրիլի 2-ից՝ Ապրիլյան պատերազմի սկսման հետ։ Քառօրյա պատերազմի օրերին կազմակերպությունը Արցախ ճակատ է ուղարկել հակաայրվածքային միջոցներ, վիրակապել և բազմաթիվ այլ միջոցներ, իսկ օրեր անց կազմակերպել են շտապ օգնության մեքենայի գնման համար գումարի հավաքում։ 2016-2017 թվականների ընթացքում կազմակերպության միջոցներ կահավորվել է Արցախի արյան փոխներարկման միակ կայանը, գնվել է Արցախ են ուղարկվել շտապ օգնության մի քանի մեքենա, Ստեփանակերտի և Մարտակերտի վիրահատության և վերակենդանացման բաժինների սարքավորումներ և այլն։ Ընդհանուր առմամբ 2016 թվականի ընթացքում Արցախ է ուղարկվել ավելի քան 100 հազար ԱՄՆ դոլարի հումանիտար օգնություն։ Հայաստան և Արցախ է ուղարկվել չունեվոր ընտանիքների համար 2 տոննա իրեր։

Կազմակերպության ֆինանսական միջոցներ հավաքելու հիմնական եղանակն է Մոսկվայում աճուրդների կազմակերպումը, սակայն աճուրդի իրերը բերվում են ողջ աշխարհից[1]։

Անձնակազմ[խմբագրել | խմբագրել կոդը]

  • Տատյանա Հովհաննիսյան, ղեկավար։
  • Ջուլիանա Կադրիա, մամլո խոսնակ։

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]