Վեներայի ծնունդը

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Վեներայի Ծննունդը
Nascita di Venere
Sandro Botticelli - La nascita di Venere - Google Art Project - edited.jpg
տեսակ գեղանկար
նկարիչ Սանդրո Բոտիչելլի
տարի 1480
բարձրություն 172,5 սանտիմետր
լայնություն 278,5 սանտիմետր
ուղղություն Վերածնունդ
ժանր դիցաբանական գեղանկարչություն և նյու
նյութ տեմպերա և կտավ
գտնվում է Ուֆֆիցի
հավաքածու Uffizi Gallery
հիմնական թեմա Venus Anadyomene
կայք
The Birth of Venus (Botticelli) Վիքիպահեստում


Վեներայի ծնունդը (իտալ.՝ Nascita di Venere), իտալական տոսկանական դպրոցի հայտնի նկարիչ Սանդրո Բոտիչելլիի նկարը: Նկարն իրենից ներկայացնում է տեմպերայով գեղանկարչություն՝ 172,5 × 278,5 սմ չափի կտավի վրա: Նկարը պահվում է Ուֆֆիցի պատկերասրահում՝ Ֆլորենցիա քաղաքում:


Պատմություն[խմբագրել | խմբագրել կոդը]

Վեներա: Մի հատված նկարից

Իտալացի գեղանկարիչ Ջորջո Վազարին իր կենսագրության մեջ հիշատակում է, որ «Վեներայի ծնունդը» և «Վեներայի թագավորությունը» պահվում էին Ֆլորենցիայում գտնվող Կաստելլո պալատում, որը պատկանում էր Կոսիմո Մեդիչիին: Նկարն ուսումնասիրող պատմաբանների մեծ մասը պնդում է, որ նկարը նկարվել է Կոսիմո Մեդիչիի համար, ով 1486 թվականին Կաստելլո պալատի տերն էր: Լորենցո դե Պիերֆրանչեսկո Մեդիչին (Կոսիմո Մեդիչի) Ֆլորենցիայի դուքս Լորենցո Մեդիչիի ազգականն էր: Հետագայում Լորենցոյի պալատում հայտնաբերված գեղանկարչություններից պարզ է դառնում, որ նա իր պալատում ունեցել է «Վեներայի թագավորությունը» նկարը: Սակայն հավաստի տեղեկություններ, որ հենց նա է պատվիրել «Վեներայի ծնունդը» չկան: Վեներայի մոդել համարվում է Պորտովեներեի Լիգուրիական ափին ծնված Սիմոնետտա Վեսպուչին: Հնարավոր է, որ նկարն իր մեջ պարունակում է այդ մասին ակնարկը: Ինչպես նաև պատմաբանների մի մասը պնդում է, որ Բոտիչելլին այդ նկարը նկարել է իր ժամանակակիցներից մեկի համար, իսկ Լորենցոյի պալատում այն ավելի ուշ է հայտնվել:

Սյուժե[խմբագրել | խմբագրել կոդը]

Այս նկարը ներկայացնում է Վեներայի (հունարեն՝ Աֆրոդիտե) ծննդյան միֆը: Մերկ աստվածուհին ափին է մոտենում գեղեցիկ խեցու մեջ կանգնած[1]: Նկարի ձախ մասում պատկերված է Զեփյուռը՝ արևելյան քամին իր ամուսնու հետ, ով իր հետ խեցու վրա բերում է ծաղիկներով պատված թեթև քամի: Իսկ ծովի ափին աստվածուհուն դիմավորում է Քարիտներից մեկը:

Պատկերագրություն[խմբագրել | խմբագրել կոդը]

Վեներայի քանդակը

Նկարում Վեներան պատկերված է հարմոնիայի և գեղեցկության կանոնին համապատասխան՝ նա հենված է մի ոտքի վրա և կոնքի գիծը թեքված է վերևից ներքև: Նկարների հերոսներին պատկերելու այսպիսի դիրքը մշակել է դեռ Պոլիկլետոսը: Սա համարվում է արձանների և նկարների հերոսների հունական դասական տեսք:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Nancy Steen The Charm of Old Roses. — Wellington: A. H. & A. W. Reed, 1966.

Գրականություն[խմբագրել | խմբագրել կոդը]

  • Burke, Peter, Culture and society in Renaissance Italy, London։
  • Ufizzi, Studi e Ricerche 4: La Nascita di Venere e l'Annunziazione del Botticelli ristaurate, Firenze։
  • Rose-Marie & Rainer Hagen, What Great Paintings Say, հ. 1 (Taschen) — 146—151, էջեր 146—151 — 146—151 էջ, ISBN 978-3-8228-4790-9։