Վասիլի Լիտվինով

Վիքիպեդիայից՝ ազատ հանրագիտարանից
Jump to navigation Jump to search
Վասիլի Լիտվինով
Ծնվել էհունվարի 1, 1925(1925-01-01)
ԾննդավայրՇեպտուխովկա (Չերտկովսկի շրջան), Չերտկովսկի շրջան, Ռոստովի մարզ, Ռուսաստան
Վախճանվել է2012
Մասնագիտությունգրականագետ, գրաքննադատ և բանաստեղծ
ՔաղաքացիությունFlag of the Soviet Union.svg ԽՍՀՄ
Flag of Russia.svg Ռուսաստան

Վասիլի Մատվեևիչ Լիտվինով (ռուս.՝ Василий Матвеевич Литвинов, հունվարի 1, 1925(1925-01-01), Շեպտուխովկա (Չերտկովսկի շրջան), Չերտկովսկի շրջան, Ռոստովի մարզ, Ռուսաստան - 2012), խորհրդային և ռուս գրականագետ, գրաքննադատ և բանաստեղծ, մենագրության հեղինակ։

Կենսագրություն[խմբագրել | խմբագրել կոդը]

Վասիլի Մատվեևիչ Լիտվինովը ծնվել է 1925 թվականի հունվարի 1-ին Ռուսաստանի Ռոստովի մարզի Շեպտուխովկա գյուղում։ 1951 թվականին ավարտել է Լենինգրադի պետական համալսարանի բանասիրական ֆակուլտետը։ Գրել է հոդվածներ խորհրդային գրողների մասին, պատմվածքներ և նոթեր։ Այսպես, նրա գրչին են պատկանում «Վճար տաղանդի համար. գրականություն մուտք գործողներին նվիրվում է» և «Բնավորությունը ճակատագիր է. գրաքննադատի նոթերը» ստեղծագործությունները։ Հեղինակի ավելի խոշոր գործերից հայտնի են հետևյալները. «Ալ. Ալտաև» (1961), «Ժամանակ և ճակատագրեր» (1962) և «Գրողը սկսվում է...» (1966), «Գրիգորի Մելեխովի ողբերգությունը (Մ. Շոլոխովի «Խաղաղ Դոն»)» գիրքը (1965, 2-րդ հրատարակություն՝ 1966)։

Վլադիմիր Սերգեևիչ Բուշինի «Ես այցելեցի այս աշխարհը։ Ճակատայինի օրագրից» ինքնակենսագրականում հիշատակվում է Լիտվինովի կողմից «20-րդ դարի ռուս գրողներ» բառարանի համար Միխայիլ Շոլոխովի մասին հոդվածը և քննադատվում է ինչպես նրա բովանդակությունը (Ստալինի կողմից Շոլոխովին «ձեռնասուն դարձնելու փորձի» մասին թեզը և ի պատասխան դրա՝ «Խաղաղ Դոնը» գրելը, ինչպես նաև կոմունիզմի քննադատությունը, որը, իբր, հեղինակը դրել է «Հերկած խոպան» վեպի որոշ հերոսների բերանը), այնպես էլ հենց Վ. Մ. Լիտվինովի բազմամյա գրական գործունեությունը[1]։ Այնուամենայնիվ, հարկ է նշել հենց Բուշինի հակասական կերպարը և նրա հայացքների ու աշխարհընկալման առկայությունը, որոնք, հնարավոր է, ազդել են այդ գնահատականների վրա։

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]