Վաչագան Այվազյան
- Վիքիպեդիայում կան հոդվածներ Այվազյան ազգանունով այլ մարդկանց մասին։
Ծնվել է | նոյեմբերի 20, 1949[1] (74 տարեկան) |
---|---|
Ծննդավայր | Գանձակ, Ադրբեջանական ԽՍՀ, ԽՍՀՄ |
Քաղաքացիություն | Հայաստան |
Կրթություն | Երևանի Մխիթար Հերացու անվան Պետական Բժշկական Համալսարան |
Մասնագիտություն | բժիշկ |
Գիտական աստիճան | բժշկական գիտությունների դոկտոր և պրոֆեսոր |
Աշխատավայր | Վնասվածքաբանության և օրթոպեդիայի գիտական կենտրոն |
Ծնողներ | հայր՝ Պետրոս Այվազյան |
Պարգևներ |
Վաչագան Պետրոսի Այվազյան (նոյեմբերի 20, 1949[1], Գանձակ, Ադրբեջանական ԽՍՀ, ԽՍՀՄ), հայ վնասվածքաբան-օրթոպեդ։ Բժշկագիտության դոկտոր (1987), պրոֆեսոր (2002)։ ՀՀ ԲԳԱ (1997), ՌԴ բժշկատեխնիկական ակադեմիաների (2001) անդամ։
Պետրոս Այվազյանի որդին է, Գ. Այվազյանի եղբայրը։
Կենսագրություն
[խմբագրել | խմբագրել կոդը]Վաչագան Այվազյանը ծնվել է 1949 թվականին Կիրովաբադում (այժմ՝ Գանձակ)։ 1972 թվականին ավարտել է Երևանի բժշկական ինստիտուտը։ 1987 թվականին Ուկրաինայի օրթոպեդիայի գիտահետազոտական ինստիտուտում (Կիև) պաշտպանել է դոկտորական ատենախոսություն` ստանալով բժշկական գիտությունների դոկտորի գիտական աստիճան։ 1989 թվականից Վնասվածքաբանության և օրթոպեդիայի ԳՀԻ բաժանմունքի վարիչ[2], 1990 թվականից՝ տնօրեն, 1992 թվականից, միաժամանակ՝ ԱԱԻ վնասվածքաբանության և օրթոպեդիայի ամբիոնի վարիչ։ 1988 թվականից՝ ՀՀ առողջապահության նախարարության գլխավոր վնասվածքաբան-օրթոպեդ, 1990 թվականից ՀՀ վնասվածքաբանների և օրթոպեդների ընկերակցության նախագահ, 1995 թվականից՝ Վիրաբուժական օրթոպեդիայի և վնասվածքաբանության միջազգային ընկերակցության անդամ[3]։
Աշխատանքները վերաբերում են ոսկրածուծաբորբի (օսթեոմիելիտ) վիրաբուժության, խոշոր հոդերի ներքին պրոթեզավորման և ողնաշարի վիրաբուժության, ոսկրային հյուսվածքի վերականգնող, հատկությունների, ոսկրային պակասի բուժման, ֆունկցիոնալ կայուն ոսկրամիացման հարցերի մշակմանը։ ՀՀ-ում ներդրել է հոդերի ներքին պրոթեզավորման մեթոդը[4]։
Պարգևներ
[խմբագրել | խմբագրել կոդը]- «Անձնական արիության» շքանշան, 1989
- «Մարտական ծառայության» մեդալ, 2001
- ՀՀ ԱՆ ոսկե մեդալ, 2009
- Ակադեմիական պարգևների եվրոպական հանձնաժողովի Պաուլ Էռլիխի անվան մեդալ, 2009
Ծանոթագրություններ
[խմբագրել | խմբագրել կոդը]- ↑ 1,0 1,1 http://am.hayazg.info/index.php?curid=555
- ↑ Admin. «Վաչագան Պետրոսի Այվազյան». www.ysmu.am. Վերցված է 2016 թ․ դեկտեմբերի 1-ին.(չաշխատող հղում)
- ↑ «Վաչագան Այվազյան». www.med-practic.com. Վերցված է 2016 թ․ դեկտեմբերի 1-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
|