Վաճառական Սոլոդովի ալրաղաց
Տեսակ | տեսարժան վայր |
---|---|
Երկիր | Ռուսաստան |
Տեղագրություն | Դոնի Ռոստով |
Առաջին հիշատակում | 1870 |
Վաճառական Սոլոդովի ալրաղաց (ռուս.՝ Мельница купца Солодова), XIX դարի երրորդ քառորդի արդյունաբերական ճարտարապետության հուշարձան Ռուսաստանի Դոնի Ռոստով քաղաքում, որը չի պահպանվել մինչև մեր օրերը։
Պատմություն[խմբագրել | խմբագրել կոդը]
Ալրաղացը գործել է 1870 թվականից 80 ձիաուժ ունեցող մեկ շոգեմեքենայով և 48-հոգանոց աշխատակազմով։ Այնտեղ պատրաստվում էր ամսական մինչև 300 հազար փութ ալյուր։ Մի քանի տարի անց` 1875 թվականին, ալրաղացը դարձավ Ստեպան Իվանովիչ Իվանովի սեփականությունը։ Սակայն ավելի վաղ հաշվառման գրանցումների բացակայության պատճառով ալրաղացը հիշատակվում է միայն 1885 թվականին, իսկ այդ ժամանակ այն արդեն պատկանում էր մեկ այլ սեփականատիրոջ՝ Սոլոդով ազգանունով[1]։
Ճարտարապետություն[խմբագրել | խմբագրել կոդը]
Ալրաղացը կառուցվել է 1870 թվականին։ Իր տեսակի շինության քաղաքային գծում տեղաբաշխելու եզակի օրինակ է։ Վրանածածկույթով ավարտվող կենտրոնական բարձրացված ծավալով երկհարկանի շենք էր։ Ճակատը ձևավորված էր սվաղային դեկորացման տարրերի օգտագործումով, որը բնորոշ չէր կեղծգոթիկ և Վերածննդի ոճերով կառուցապատված քաղաքի ճարտարապետությանը։ Շենքի ճարտարապետագեղարվեստական ճակատը ձևավորված էր առաջին հարկի նկարագրով. այնտեղ տեղադրված էին պրոֆիլավորված երեսկալներ և բարձր կիսակոր բացվածքներով կամարաղեղներ, ողնուցաձև կամարաղեղներ։ Ճակատին ինքնատիպություն և յուրահատկություն էին հաղորդում երկրորդ հարկի հովհարաձև կամարներով եզրային բացվածքները[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 Админ. «Мельница купца Солодова» (ռուսերեն). voopiik-don.ru. Վերցված է 2017 թ․ հունվարի 18-ին.