Վաղ առավոտյան (ֆիլմ)
 ռուս.՝ Рано утром | |
|---|---|
| Երկիր | .svg){kind=small} ԽՍՀՄ |
| Ժանր | մելոդրամա |
| Թվական | 1965 և մարտի 21, 1966 |
| Լեզու | ռուսերեն |
| Ռեժիսոր | Տատյանա Լիոզնովա |
| Սցենարի հեղինակ | Վերա Պանովա |
| Դերակատարներ | Նիկոլայ Մերզլիկին, Նինա Սազոնովա և Վալերի Նոսիկ |
| Օպերատոր | Պյոտր Կատաև |
| Երաժշտություն | Մարկ Ֆրադկին |
| Պատմվածքի վայր | Դնեպր |
| Կինոընկերություն | Մաքսիմ Գորկու անվան կինոստուդիա |
| Տևողություն | 97 րոպե |
«Վաղ առավոտյան» (ռուս.՝ «Рано утром»»), խորհրդային մելոդրամա, որը նկարահանել է ռեժիսոր Տատյանա Լիոզնովան 1965 թվականին[1][2][3]։
Սյուժե[խմբագրել | խմբագրել կոդը]
Դպրոցն ավարտող Ալյոշայի և նրա փոքրիկ քրոջ՝ Նադյայի հայրը մահանում է, և նրանք մնում են մենակ։ Ալյոշան տեղավորվում է գործարանում և որոշում է ինքնուրույն մեծացնել քրոջը։ Նա հրաժարվում է նրան մանկատուն տալ, իսկ հետո մերժում է նաև մորաքրոջը՝ Ժաննա Վասիլևնային, որն Արխանգելսկից եկել էր Նադյային իր մոտ տանելու համար։ Ալյոշան սկսում է հանդիպել հարևան մուտքից մի աղջկա՝ Լյուսյայի հետ, բայց վերջինս պահանջում է, որ տղան իր ամբողջ ժամանակը հատկացնի իրեն, և նրանց հարաբերությունները խզվում են։ Նադյան ընդունվում է առաջին դասարան։
Ութերորդ դասարանն ավարտելուց հետո Նադյան աշխատանքի է ընդունվում գործարանում։ Նրա եղբայրն արդեն վարպետ է։ Նա դժվարություններ է ունենում մերթ մի տղայի հետ, որն անընդհատ հեռանում է աշխատանքից, մերթ իր բրիգադի աշխատողի հետ, ով անազնիվ կերպով բնակարան է ստացել։ Գործարանում Նադյային հիացնում է նշանավոր գեղեցկուհի Օլյան՝ առանձնանալու և «գեղեցիկ» ապրելու իր ձևով, բայց երբ Օլյան Նադյային հրավիրում է ռեստորան իր ընկերների հետ, նա պատահաբար իմանում է, որ ինքնավստահ Կոստյա Ռուբակինը, ում հետ Օլյան հանդիպում է, գող է, որին ձերբակալում են ռեստորանից հետո։
Ալյոշան և Նադյան Արխանգելսկից իրենց մորաքրոջից նամակ են ստանում և որոշում են գնալ այնտեղ, բայց պարզվում է, որ մորաքրոջ ամուսինը կոպիտ մարդ է, ով երիտասարդների մեջ տեսնում է միայն վատը, և երկու օր էլ այնտեղ չմնալով՝ նրանք հետ են գնում։
Նադյայի համար փորձում է սիրահետել Դիման, բայց նա աղջկան անհետաքրքիր է թվում։ Դիման ընկերոջ միջոցով նրան փոխանցում է «Ռոմեո և Ջուլիետ» ներկայացման անցատոմս։ Հետաքրքրված Նադյան պատրաստվում է ներկայացման, բայց հերթափոխի ավարտից անմիջապես առաջ արտադրամասում իմանում են, որ Դիման վթարի է ենթարկվել մոտոցիկլետով, և անձնակազմը պնդում է, որ Նադյան գնա հիվանդանոց՝ նրան տեսակցությամբ։ Նադյան չի ուզում գնալ՝ չիմանալով, որ հենց նա է իրեն տոմս ուղարկել։ Երբ նա, այնուամենայնիվ, գալիս է հիվանդանոց, իմանում է, որ Դիման մահացել է։ Արցունքներն աչքերին նա կանգնած է թատրոնի մոտ, և մի տղա հարցնում է նրան, թե ինչ է պատահել։
Մի օր տուն վերադառնալով՝ Նադյան գտնում է եղբորը մի աղջկա հետ, որի հետ որոշել է ամուսնանալ։ Որոշ ժամանակ անց, աշխատանքից հետո դուրս գալով միջանցքից, Նադիան տեսնում է այն տղային, որն իրեն մխիթարում էր թատրոնի մոտ։ Նա հասկանում է, որ տղան սպասում է իրեն։
Դերերում[խմբագրել | խմբագրել կոդը]
- Նիկոլայ Մերզլիկին – Ալյոշա
- Օլյա Բոբկովա – Նադյան մանկության տարիներին
- Նաինա Նիկիտինա – Նադյա
- Նինա Սազոնովա – Գալինա Պետրովնա, հարևան
- Վալերի Նոսիկ – Դիմա
- Օլեգ ժակով – Նիկոլայ, տեղամասի ղեկավար
- Զինաիդա Վորկուլ – Օլյայի մայրը
- Ալեքսանդր Պետրով – Ալյոշայի և Նադյայի հայրը
- Ելենա Մաքսիմովա – Ժենյա Գորոխովի մայրը
- Մարգարիտա Լիֆանովա – Ժաննա Վասիլևնա
- Գենադի Կրինկին – Կոստյա, Օլյայի փեսացուն
- Գենադի Կորոլկով – Նադյային ուղեկցող տղան
- Իվան Ռիժով – Դմիտրի Դմիտրիևիչ[4]
- Լյուբով Կորնևա – Լյուսյա
- Էմիլիա Միլթոն – դայակ մանկապարտեզում
- Վլադիմիր Սմիրնով – Օլեգ Ֆոմենցև
- Վիկտոր Շչեգլով – Պետեչկա, Ժաննա Վասիլևնայի ամուսինը
Էդուարդ Հիլը կատարում է «Когда мы выходим в дорогу с тобой» երգը։
Նկարահանող խումբ[խմբագրել | խմբագրել կոդը]
- Սցենարի հեղինակ՝ Վերա Պանովա
- Ռեժիսոր՝ Տատյանա Լիոզնովա[5]
- Օպերատոր՝ Պյոտր Կատաև
- Կոմպոզիտոր՝ Մարկ Ֆրադկին
- Նկարիչներ՝ Ալֆրեդ Տալանցև, Միխայիլ Ֆիշգոյտ
Նատուրալ նկարահանումներն անցկացվել են Դնեպրոպետրովսկում։
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Парамонова К. Поэзия будней // Искусство кино. — 1966. — № 8. — С. 18-20.
|
