Վաղարշակ Գամոյան
| Վաղարշակ Գամոյան | |
|---|---|
| Ծնվել է | 1937 |
| Ծննդավայր | Մեծ Մասրիկ, Բասարգեչարի շրջան, Հայկական ԽՍՀ, ԽՍՀՄ |
| Մահացել է | 1999 |
| Մահվան վայր | Մեծ Մասրիկ, Գեղարքունիքի մարզ, Հայաստան |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան (1966) |
| Մասնագիտություն | երկրաֆիզիկոս |
| Աշխատավայր | Ա. Նազարովի անվան երկրաֆիզիկայի և ինժեներային սեյսմաբանության ինստիտուտ |
Վաղարշակ Բաղդասարի Գամոյան (1937, Մեծ Մասրիկ, Բասարգեչարի շրջան, Հայկական ԽՍՀ, ԽՍՀՄ - 1999, Մեծ Մասրիկ, Գեղարքունիքի մարզ, Հայաստան), հայ երկրաֆիզիկոս։ Երկրաբանական գիտությունների դոկտոր (1990):
Կենսագրություն
[խմբագրել | խմբագրել կոդը]Վաղարշակ Գամոյանը ծնվել է 1937 թվականին Մեծ Մազրա (այժմ՝ Մեծ Մասրիկ՝ Հայաստանի Գեղարքունիքի մարզում) գյուղում։ 1966 թվականին ավարտել է Երևանի պետական համալսարանը։ 1966 թվականից աշխատել է ՀԽՍՀ ԳԱ Երկրաֆիզիկայի և ճարտարագիտության սեյսմոլոգիայի ինստիտուտի հանքային երկրաֆիզիկայի բաժնում։
Աշխատանքները վերաբերում են բնական էլեկտրական դաշտերի և թափառող հոսանքների կիրառմամբ ընդգետնյա փորվածքներում հանքերի որոնման, դրանց գնահատման, ծագումնաբանության հարցերին։ Գամոյանի մշակած մեթոդների շնորհիվ հետախուզվել են Սոթքի և Մեղրաձորի ոսկու, Ալավերդու և Շամլուղի պղնձի, Ախթալայի բազմամետաղային և այլ հանքավայրեր[1]։
Մահացել է 1999 թվականին, Մեծ Մասրիկում։
Երկեր
[խմբագրել | խմբագրել կոդը]- Ընդգետնյա էլեկտրահետախուզությունը Հայաստանի մետաղային հանքավայրերում, Երևան, 1980 (համահեղինակ)։
Ծանոթագրություններ
[խմբագրել | խմբագրել կոդը]- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005, էջ 259։