Վահե Բադալյան

Վիքիպեդիայից՝ ազատ հանրագիտարանից
Jump to navigation Jump to search
Վահե Բադալյան
Դիմանկար
Ծնվել էապրիլի 30, 1970(1970-04-30) (52 տարեկան)
ԾննդավայրԴուշանբե, Տաջիկական ԽՍՀ, ԽՍՀՄ
ՔաղաքացիությունFlag of Armenia.svg Հայաստան
Ազգությունհայ
ԿրթությունԵրևանի Մխիթար Հերացու անվան Պետական Բժշկական Համալսարան
Մասնագիտությունձեռնարկատեր

Վահե Ռոմիկի Բադալյան (ապրիլի 30, 1970(1970-04-30), Դուշանբե, Տաջիկական ԽՍՀ, ԽՍՀՄ), հայ գործարար, բարերար։

Կենսագրություն[խմբագրել | խմբագրել կոդը]

Ծնվել է 1970 թ. Տաջիկստանի մայրաքաղաք Դուշանբեում, կարճ ժամանակ անց 1971 թ., ընտանիքը վերադարձել է Հայաստան։ Սովորել և գերազանցությամբ ավարտել է Թալինի թիվ 1 միջնակարգ դպրոցը, ապա 1987 թ. ընդունվել է Մխիթար Հերացու անվան Երևանի պետական բժշկական ինստիտուտ, որն ավարտել է 1993 թ.:

1988 թվականից ակտիվորեն մասնակցել է Արցախյան շարժմանը։ 1989 թ. մասնակցել է Երասխից վերև՝ Տիգրանակերտ գյուղի պաշտպանությանը, իսկ 1990 թ.` Իջևանի սահմանամերձ հատվածում տեղի ունեցող պաշտպանական գործողություններին։

Հայրը՝ Ռոմիկ Մաթևոսի Բադալյանը, մասնագիտությամբ բժիշկ է։ Համալսարանն ավարտելուց հետո որպես բժիշկ գործուղվել է Տաջիկիստան։ Մայրը՝ Անահիտ Լևոնի Մարգարյանը, հայոց լեզվի և գրականության ուսուցչուհի է։ Վահե Բադալյանն ամուսնացած է, ունի երեք երեխա՝ մեկ դուստր և երկու որդի։

Ձեռնարկատիրական գործունեություն[խմբագրել | խմբագրել կոդը]

Գործարարությամբ սկսել է զբաղվել 1989 թ., հոր ու եղբոր հետ համահիմնադրել է մի շարք ընկերություններ։ Այդ թվում՝`

1992 թ. բացվել է Հայաստանում առաջին առևտրային բենզալցակայանը, որոնց թիվը հետագայում հասել է 4-ի։

1994 թ. ապրիլի 1-ին եղբոր՝ Վիգեն Բադալյանի հետ համահիմնադրել է գրավատների ցանց, որի նախագահն է մինչ այսօր։ Ներկայում գործում է թվով 18 գրավատուն։ 2011 թ. ցանցը վերափոխվում և դառնում է «Ֆասթ կրեդիտ կապիտալ ունիվերսալ վարկային կազմակերպություն» փակ բաժնետիրական ընկերություն։ Կառույցի կազմում գործել է գրավատների, բանկային, վարկային, հաշվապահական ոլորտի ծրագրային ապահովման մշակմամբ զբաղվող բաժին, որը հետագայում վերաճել է «FinConstruct» ընկերության[1]։

2003 թ. մարտի 26-ին համահիմնադրվել է «Բադալյան եղբայրներ» ընկերությունը՝ «Կովկաս» պանդոկով։ 2012 թ. բացվում են «Կովկաս» ռեստորանային համալիրը և հինգաստղանի հյուրանոցը։ 

2003 թ. դեկտեմբերի 17-ին համահիմնադրվել է «Վիվարո բեթինգ» ընկերությունը, որը զբաղվում է բուքմեյքերական գործունեությամբ։

2011 թ. բացվել է «Վիվարո գեյմ» ընկերությունը, որը զբաղվում է ինտերնետ շահումով խաղերի կազմակերպմամբ։

Հասարակական գործունեություն[խմբագրել | խմբագրել կոդը]

Վահե Բադալյանի ընդհանուր գործունեության մեջ մեծ տեղ է հատկացված բարեգործական գործունեությանը։ Մասնավորապես, իր միջոցներով իրականացվում է հանուն հայրենիքի պաշտպանության զոհված ազատամարտիկների և զինծառայողների ընտանիքներին աջակցության ծրագիրը։ Բադալյանները Թալինի, Հաղարծինի և Թեղուտի դպրոցներում հիմնել են համակարգչային դասարաններ։

Արտաքին հղումներ[խմբագրել | խմբագրել կոդը]

http://www.yerkir.am/news/view/98497.html

https://www.a1plus.am/1426049.html

https://www.aravot.am/2015/12/19/641334/

https://www.vivaronews.am/softconstruct-ընկերության-նոր-մասնաշենքի-բացման Archived 2017-09-10 at the Wayback Machine.

Ծանոթագրություններ[խմբագրել | խմբագրել կոդը]

  1. «Ներդրողներ։ www.fastcredit.am»։ www.fastcredit.am։ Արխիվացված է օրիգինալից 2016-10-13-ին։ Վերցված է 2016-10-03