Վիգեն Բադալյան
Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
- Վիքիպեդիայում կան հոդվածներ Բադալյան ազգանունով այլ մարդկանց մասին։
Վիգեն Բադալյան | |
---|---|
Ծնվել է | 10 հունվարի 1975 |
Ծննդավայր | Ջերմուկ, Հայկական ԽՍՀ |
Մասնագիտություն | Ձեռնարկատեր |
Գործունեություն | SoftConstruct ընկերության համահիմնադիր |
Կայք | vigenbadalyan.com |
Վիգեն Ռոմիկի Բադալյան (հունվարի 10, 1975, Ջերմուկ, Հայկական ԽՍՀ), հայ գործարար, բարերար։
Կենսագրություն[խմբագրել | խմբագրել կոդը]
Վիգեն Ռոմիկի Բադալյանը (անգլ.՝ Vigen Badalyan, ռուս.՝ Виген Бадалян, արաբ․՝ فيكين باداليان) ծնվել է 1975 թվականի հունվարի 10-ին Ջերմուկ քաղաքում։ Վիգեն Բադալյանը SoftConstruct ընկերության համահիմնադիրն է։ SoftConstruct-ը Հայաստանի Հանարապետությունում բարձր տեխնոլոգիաների ոլորտում գործող ամենամեծ ՏՏ ընկերությունն է[1]՝ միտված նորարարական տեխնոլոգիաների համաշխարհային արդյունաբերությունը աշխուժացնելու և զարգացնելու գործին։ Ընկերությանը ստեղծել է այնպիսի պրոդուկտներ, ինչպիսիք են Ucraft, Fastex Ecosystem, FeedConstruct, Hoory, և այլն։
Գործունեություն[խմբագրել | խմբագրել կոդը]
Ձեռնարկատիրական գործունեությամբ սկսել է զբաղվել 1989 թվականից, հոր ու եղբոր հետ հիմնադրել է մի շարք բրենդներ, որոնք այսօր կազմում են «Բադալյան եղբայրներ» ընկերությունների խումբը՝ գործունեություն ծավալելով բիզնես հետևյալ ուղղություններով՝ տեղեկատվական տեխնոլոգիաների, ֆինանսաբանկային, գյուղատնտեսական, խաղային։
Բիզնես գործունեության սկիզբ 1989-1994թթ.[խմբագրել | խմբագրել կոդը]
1989 թվականին սկսել է զբաղվել ձեռնարկատիրական գործունեությամբ։ 1992 թվականին Բադալյանները կառուցել են առաջին մասնավոր բենզալցակայանը Հայաստանում, ապա ևս 3-ը՝ դառնալով վառելիք ներմուծող խոշոր ընկերություններից մեկը։
Ֆինանսներ[խմբագրել | խմբագրել կոդը]
1994-ին հիմնադրվել է «Ֆասթ Կրեդիտ ՈՒՎԿ» ՓԲ ընկերությունը, որը երկար տարիներ խոշորագույն վարկային կազմակերպություն էր ՀՀ-ում։ 2021 թվականի օգոստոսին ընկերությունը ՀՀ Կենտրոնական բանկի կողմից ստացել է բանկային գործունեություն իրականացնելու նախնական հավանություն։ 2022թ․ ՀՀ Կենտրոնական բանկի կողմից ձեռք է բերել բանկային գործունեության լիցենզիա և հանդես է գալիս «Ֆասթ Բանկ» (Fast Bank) անվանմամբ։
2016թ․ Բադալյան եղբայրները մուտք են գործել Մեծ Բրիտանիայի ֆինանսական շուկա և Անգլիայում հիմնադրել Ֆասթ Կրեդիտ վարկային ընկերությունը, որն իր 7 մասնաճյուղերով տարիներ շարունակ մրցունակ դիրքեր զբաղեցնելով վարկային ոլորտում՝ 2022 թ․ ընթացքում ավարտին է հասցնում Անգլիայում «Էլեկտրոնային փողերի կարգավորման ինստիտուտ» (EMI - electronic money institution) փոխանցումների և այլ գործարքների իրականացման լիցենզիայի ստացման գործընթացը։
2018 թ. Բադալյան եղբայրները հիմնադրել են Fast Shift ընկերությունը, որը մատուցում է վճարահաշվարկային ծառայություններ 24/7 ռեժիմով։ Fast Shift-ն ունի ավելի քան 1000 վճարային տերմինալների ցանց և տրամադրում է ավելի քան 300 վճարման եղանակներ տարբեր ոլորտների համար։
Տեղեկատվական տեխնոլոգիաներ[խմբագրել | խմբագրել կոդը]
2003 թ․ սկսած Բադալյան եղբայրները հիմնադրել են մի շարք ընկերություններ, որոնց հիմնական նպատակը և առաքելությունը եղել է տեղեկատվական տեխնոլոգիաների ոլորտի զարգացումը Հայաստանում և էկոհամակարգերի ստեղծումը։ Այսօր այդ բոլոր ընկերությունները միավորվում են «Սոֆթ Կոնստրակտ» բրենդի ներքո։
2003 թ․ հիմնադրվել է Vbet-ը, որը առաջարկում է հարթակ սպորտային խաղադրույքների, առցանց կազինոյի, պոկերի, Կիբերսպորտի և այլ առցանց խաղերի համար։
2006 թ. ընկերությունը գործարկեց տարածաշրջանում առաջին iGaming կայքը, որը դարձավ սպորտ և խաղեր սիրող տասնյակ հազարավորների վստահելի հարթակը։
«Սոֆթ Կոնստրակտ» բրենդի կազմում գործում են մի շարք ընկերություններ և պրոդուկտներ, որոնցից են՝ «ԲեթԿոնստրակտը», որը խաղային ոլորտի համար ծրագրային ապահովումներ ստեղծող ընկերություն է։
2014-ին հիմնադրված Ucraft ընկերությունը Հայաստանում միակ հարթակն է, որը հնարավորություն է տալիս յուրաքանչյուրին պատրաստել կայքեր օնլայն բիզնեսների և բրենդների համար՝ առանց ծրագրավորման և դիզայնի գիտելիքների։
2019 թ․ հիմնադրվեց Hoory արհեստական բանականությամբ աշխատող եզակի օգնականը, որը կարողանում է արագ և համապատասխան արձագանքներ տալ՝ միաժամանակ բացահայտելով հաճախորդների վարքագծի վերաբերյալ պատկերացումները։ Ընկերությունը առաջ է շարժվում իր նորարարական գաղափարներով և լուծումներով, որտեղ ակտիվորեն կիրառվում են արհեստական ինտելեկտի (AI) և Machine Learning (ML) տեխնոլոգիաները։
Feedconstruct ընկերությունը 2017 թ․ առաձնանալով BetConstruct-ից՝ դարձավ սպորտային տվյալների առաջատար մատակարարներից մեկը Հայաստանում և Հայաստանից դուրս։
2018 թ․ բլոկչեյն տեխնոլոգիայի հիման վրա ստեղծվեց նոր կրիպտոարժույթ` FastToken-ը։ Հիմնադրվեց նաև Web 3.0-ի վրա հիմնված FASTEX էկոհամակարգը, որն առաջարկում է պրոդուկտների բազմազան տեսականի։ Էկոհամակարգը ներառում է՝ Fastex Verse, ftNFT շուկան[2], Fastex Chain, Fastex Pay կրիպտո վճարային համակարգը, Fasttoken և Fastex Exchange կրիպտո և fiat փոխանակման հարթակը։
2020 թ․ դեկտեմբերին Բադալյան եղբայրները հիմնադրեցին Fast Media-ն, որի մեջ են մտնում FastTV-ն և Fast Sports-ը։ FastTV-ն հայկական առաջին սպորտային հեռուստաալիքները հեռարձակող միակ OTT հարթակն է[3]։ Այն թույլ է տալիս դիտել մեր հեռուստաալիքները և հարթակի ամբողջ բովանդակությունը ցանկացած խելացի սարքով կամ գաջեթով։
Գյուղատնտեսության ոլորտ[խմբագրել | խմբագրել կոդը]
«Բադալյան եղբայրներ» խմբի նոր զարգացող բիզնես ուղղություններից է նաև գյուղատնտեսությունը և հատկապես ինտեսիվ այգեգործական տնտեսությունների ստեղծումն և զարգացումը։ Այն հանդես է գալիս ArLeAM բրենդի ներքո։ 2021-2022 թվականների ծառատնկումներից հետո ընկերության տնտեսությունում կհաշվարկվի մեկ միլիոնից ավել ծառ[4][5]։
Այլ ոլորտներ (պատմամշակութային)[խմբագրել | խմբագրել կոդը]
2003 թ․ Երևանում հիմնադրվել է «Կովկաս Պանդոկ» ռեստորանը, այնուհետև 2012 թվականին «Կովկաս» հյուրանոցառեստորանային համալիրը Աշտարակ տանող ճանապարհին կից։ Կովկաս համալիրի հիմնադրմամբ Բադալյան եղբայրները ցանկացել են վերակենդանացնել հայոց և, ընդհանրապես, կովկասյան խոհանոցի ավանդույթները։
Բարեգործական և հասարակական գործունեություն[խմբագրել | խմբագրել կոդը]
Վիգեն Բադալյանը հայտնի է նաև իր բարեգործական գործունեությամբ։
2012 թ․ սկսած Բադալյան եղբայրները զոհված ազատամարտիկների ընտանիքներին դրամական աջակցություն են ցուցաբերում (յուրաքանչյուր ընտանիքին 1 000 000 ՀՀ դրամ)։ Այս նախաձեռնությունը հիմք դարձավ 2017 թ․ կառավարության կողմից «Զինծառայողների ապահովագրության հիմնադրամ»-ի ստեղծմանը։ Բադալյան ընտանիքի կողմից աջակցությունը տրամադրվել է 2012-2019 թվականներին բոլոր զոհված ազատամարտիկներին։
Հետագայում աջակցություն է տրամադրվել նաև «Զինվորի Տուն» վերականգնողական Կենտրոնին։ Բադալյանների ընտանիքը վերականգնողական կենտրոնին է տրամադրել շուրջ 60 մլն ՀՀ դրամ[6]։ Նաև շուրջ 100 զինծառայող մասնագիտական ուսուցում է ստացել, ինչպես նաև աշխատանքով ապահովվել SoftConstruct ընկերությունում[7]։
«Վահագն Բադալյան» բարեգործական հիմնադրամի միջոցներով է կառուցվել նաև Էրեբունի ամրոցի հարակից տարածքում գտնվող առաջին սմարթ այգին[8]։ Հիմնովին վերափոխված մոտ 1 հեկտար տարածքն ամբողջովին կանաչապատվել է։ Հարմարավետ նստարանները, փոքրիկների համար խաղահրապարակը՝ շախմատով և սքեյթբորդի թեք հարթակներով, ինչպես նաև տարաբնույթ միջոցառումների համար կառուցված մեծ բեմը հաճելի մթնոլորտ են ապահովում այգու այցելուների համար, այդ թվում տարածքում գործում է անվճար Wi-Fi:
Բադալյան եղբայրները Թալինի, Հաղարծինի, Թեղուտի և Ջերմուկի դպրոցներում հիմնել են համակարգչային դասարաններ։
Բադալյան եղբայրների բարեգործական գործունեությունը իրականացվում է ոչ միայն «Վահագն Բադալյան» բարեգործական հիմնադրամի միջոցով, այլ նաև շատ հաճախ այն բոլոր ընկերությունների միջոցով, որոնց սեփականատեր են հանդիսանում Վահե և Վիգեն Բադալյանները։ Այդպիսի նախաձեռնություններից է նաև վերջերս «Ֆասթ Բանկ» ՓԲԸ-ի աջակցությամբ և հովանավորությամբ վերանորոգված Արամ Խաչատրյան համերգասրահի սանհանգույցները։
Վիգեն Բադալյանը Հայաստանի Հանրապետությունում Կոլումբիայի պատվո հյուպատոսն է[9]։
Անձնական կյանք[խմբագրել | խմբագրել կոդը]
Վիգեն Բադալյանի հայրը՝ Ռոմիկ Մաթևոսի Բադալյանը, մասնագիտությամբ բժիշկ է։ Համալսարանն ավարտելուց հետո որպես բժիշկ գործուղվել և մեկ տարի շարունակ ապրել է Տաջիկիստանում։ Մայրը՝ Անահիտ Լևոնի Մարգարյանը, հայոց լեզվի և գրականության ուսուցչուհի է։ Վիգեն Բադալյանն ամուսնացած է, ունի հինգ երեխա։
Ծանոթագրություններ[խմբագրել | խմբագրել կոդը]
- ↑ «Հայաստանի TOP 20 ՏՏ հարկատուները 2022թ-ի 1-ին կիսամյակում». Modex. 12 Օգոստոսի, 2022.
- ↑ «SoftConstruct opens first-ever NFT stores in Dubai». ArabianBusiness. 2022 թ․ նոյեմբերի 10.
- ↑ «FAST SPORTS-Ը ՍՏԱՑԱՎ ՀԱՆՐԱՅԻՆ ՄՈՒԼՏԻՊԼԵՔՍՈՒՄ ՍԼՈԹԻ ՕԳՏԱԳՈՐԾՄԱՆ ԼԻՑԵՆԶԻԱ». «Հրապարակ». 2023 թ․ սեպտեմբերի 15.
- ↑ «Արագածոտնում հիմնվել են մրգերի գերինտենսիվ և ինտենսիվ այգիներ (տեսանյութ)». «Առավոտ». 2022 թ․ ապրիլի 4.
- ↑ «Հայաստանում մեկնարկել է բացառիկ չորանոցների արտադրություն». «Արմենպրես». 2021 թ․ դեկտեմբերի 9.
- ↑ «50 մլն դրամ Վահե և Վիգեն Բադալյաններից օգնություն երկու արցախյան ընտանիքներին՝ բնակարան գնելու նպատակով». «Առավոտ». 2023 թ․ հոկտեմբերի 12.
- ↑ «ՊԱՏԵՐԱԶՄԻ ՄԱՍՆԱԿԻՑ 100 ԶԻՆԾԱՌԱՅՈՂ ԱՇԽԱՏԱՆՔՈՎ ԿԱՊԱՀՈՎՎԻ «ՍՈՖԹԿՈՆՍՏՐԱԿՏ» ԸՆԿԵՐՈՒԹՅՈՒՆՈՒՄ». «Հրապարակ օրաթերթ». 2021 թ․ օգոստոսի 20.
- ↑ «Երևանում բացվեց առաջին Սմարթ այգին (տեսանյութ)». «Ա1+». 2018 թ․ նոյեմբերի 9.
- ↑ «ՊԱՏՎՈ ՀՅՈՒՊԱՏՈՍ Վիգեն Բադալյան». Արխիվացված է օրիգինալից 2022 թ․ հուլիսի 21-ին. Վերցված է 2024 թ․ հունվարի 30-ին.