Վահագն Թումասյան
| Վահագն Թումասյան | |
|---|---|
 | |
| Ծնվել է | 1981 |
| Ծննդավայր | Աբովյան, Աբովյանի շրջան, Հայկական ԽՍՀ, ԽՍՀՄ |
| Մահացել է | հոկտեմբերի 12, 2020 |
| Մահվան վայր | Ջաբրայիլ, Հադրութի շրջան, Արցախ |
| Գերեզման | Եռաբլուր |
| Քաղաքացիություն |  Հայաստան |
| Կրթություն | Երևանի պետական համալսարան |
| Մասնագիտություն | Զինվորական |
| Պարգևներ և մրցանակներ |  |
Վահագն Արամի Թումասյան (1981, Աբովյան, Աբովյանի շրջան, Հայկական ԽՍՀ, ԽՍՀՄ - հոկտեմբերի 12, 2020, Ջաբրայիլ, Հադրութի շրջան, Արցախ), պատմաբան, ՀՀ Զինված ուժերի զինծառայող, հետախույզ, փոխգնդապետ[1], զոհվել է 44-օրյա պատերազմի ժամանակ։
Կենսագրություն
[խմբագրել | խմբագրել կոդը]Վահագն Թումասյանը ծնվել է 1981 թվականի օգոստոսի 5-ին Աբովյանում։ Հայրը՝ Արամ Թումասյանը հայրենադարձել է Ստամբուլից, թուրքագետ է։ Վահագնը երիտասարդ տարիքից զբաղվել է սպորտով, եղել է ձյուդոյի Հայաստանի առաջնության երիտասարդների հաղթող։ Աբովյանի թիվ 10 միջնակարգ դպրոցն ավարտելուց հետո ուսումը շարունակել է ԵՊՀ֊ի պատմության ֆակուլտետում, այնուհետև՝ ԵՊՀ պատմության ֆակուլտետի «Հայաստանի հարակից երկրների պատմության» ամբիոնի մագիստրատուրայում։
2007 թվականին ծառայության է անցել ՀՀ Զինված Ուժերում։ Գերազանցության դիպլոմով ավարտել է Ռուսաստանի արտաքին հետախուզության ծառայության ակադեմիայի դասընթացները, ոսկե մեդալով՝ Չինաստանի հատուկ անվտանգության ապահովման դասընթացները։ Մասնակցել է ԵՊՀ արևելագիտության ֆակուլտետի «Ադրբեջանագիտություն» հատուկ դասընթացներին, տիրապետել է ադրբեջաներենին և թուրքերենին։
Եղել է հատուկ նշանակության դիպուկահար, որից հետո՝ հեախույզ։ Հատուկ առաջադրանքի կատարման համար արժանացել է «Գևորգ Վարդանյան» մեդալի։
Ռազմական գործողությունների ընթացքում փրկել է 82 զինվորականի կյանք[2][3]։
Վահագն Թումասյանը զոհվել է 2020 թվականի հոկտեմբերի 12-ին, Հադրութի շրջանում՝ 44-օրյա պատերազմի ժամանակ, Ադրբեջանի Հանրապետության հրթիռակոծության հետևանքով։
Վահագն Թումասյանը հուղարկավորվել է Եռաբլուրում, հետմահու պարգևատրվել է «Մարտական խաչ» առաջին աստիճանի շքանշանով։
Ունի մեկ դուստր՝ Մարիամը։
2021 թվականի հունվարի 28֊ին Երևանի պետական համալսարանի լսարաններից մեկն անվանվել է Վահագն Թումասյանի անունով[4]։
Աբովյան համայնքի ավագանու 2022 թվականի դեկտեմբերի 6-ի N 187-Ա որոշմամբ Աբովյանի մարզահամալիրը անվանակոչվել է Վահագն Թումասյանի անվամբ։
Ծանոթագրություններ
[խմբագրել | խմբագրել կոդը]- ↑ «Գոնե Աստծուց կյանք խնդրեիր...». 82 զինվորի կյանք փրկած փոխգնդապետի անունով լսարան բացվեց
- ↑ LLC, Helix Consulting. ««Ոսկե սերմեր» կրթամրցանակ. Տասնյակ զինվորների կյանքը փրկած հետախույզ Վահագն Թումասյանի հիշատակին». www.panorama.am (անգլերեն). Վերցված է 2022 թ․ մայիսի 13-ին.
- ↑ «Հետախույզ Վահագն Թումասյանը շրջափակումից ազատել ու փրկել է 82 զինվորականի կյանք (Տեսանյութ)». Bavnews․am. 2020 թ․ դեկտեմբերի 2. Վերցված է 2022 թ․ մայիսի 13-ին.
- ↑ «ՎԱՀԱԳՆ ԹՈՒՄԱՍՅԱՆ՝ ՀԱՅՐԵՆԱՍԻՐՈՒԹՅԱՆ ՔԱՅԼՈՂ ԽՈՐՀՐԴԱՆԻՇ. ԵՊՀ-ՈՒՄ ՏԵՂԻ Է ՈՒՆԵՑԵԼ ՎԱՀԱԳՆ ԹՈՒՄԱՍՅԱՆԻ ԱՆՎԱՆԻ ԼՍԱՐԱՆԻ ԲԱՑՈՒՄԸ». www.ysu.am. Վերցված է 2022 թ․ մայիսի 13-ին.
Արտաքին հղումներ
[խմբագրել | խմբագրել կոդը]- Փոխգնդապետ Վահագն Թումասյանին ՀՀ ազգային հերոսի կոչում շնորհելու վերաբերյալ գրությունն ուղարկվել է ՊՆ
- ՈՐԱԿՅԱԼ ԿՐԹՈՒԹՅԱՆ ԱՅՑԵՔԱՐՏԸ