Վալեր (Էստֆոլդ)

Վալեր նորվ.՝ Hvaler
Դրոշ Զինանշան Վալեր կոմունայի զինանշան
Երկիր	Նորվեգիա
Կարգավիճակ	Կոմունա
Մտնում է	Էստֆոլդ ֆյուլքե
Վարչկենտրոն	Շերհալդեն
Հիմնական լեզու	Բուկմոլ
Բնակչություն (2007)	3961 (341 տեղ)
Խտություն	41
Տարածք	89.54  (393 տեղ)
Հիմնադրված է	1838 թ.
Սահմանակցում է	Ֆրեդրիկստադ, Սարպսբորգ և Strömstad Municipality?
Ժամային գոտի	UTC+1
ISO 3166-2 կոդ	0111
hvaler.kommune.no
Վալեր Վիքիպահեստում

Վալեր կոմունան Էստֆոլդ ֆյուլքեի քարտեզին

Էստֆոլդ ֆյուլքեն Նորվեգիայի քարտեզին

Վալեր (նորվ.՝ Hvaler), կոմունա Նորվեգիայի Էստֆոլդ ֆյուլքեյում։ Կոմունայի վարչական կենտրոնը Շերհալդեն բնակավայրն է։ Պաշտոնական լեզուն բուկմոլն է։ Զբաղեցնում է 89.54 կմ² տարածք։ Որպես Նորվեգիայի ֆյուլքե՝ ստեղծվել է 1838 թվականի հունվարի 1-ին:Կոմունան իրենից ներկայացնում է կղզիախումբ։

Կոմունայի տարածքում է գտնվում 12-րդ դարի Հվալերի եկեղեցին, որը կղզեխմբի գլխավոր կրոնական կառույցն է։

Վալերի զինանշանը

Վալեր կոմունայի զինանշանը հաստատվել է 1983 թվականի դեկտեմբերի 9-ին և իրենից ներկայացնում է կապույտ գույնով ներկված վահան, ներքևի մասը սուր, որի վրա պատկերված է սպիտակ գույնի նավակ։ Կոմունայի պատմության բոլոր ժամանակափուլերում նավակը եղել է կղզու բնակչության առօրյայի անբաժան մասը։ Նավակով բնակիչները կապվել են մայրցամաքի հետ, ինչպես նաև ձկնորսությամբ են զբաղվել։

Բնակչություն

Համաձայն 2007 թվականի մարդահամարի տվյալների՝ Վալեր կոմունայում բնակվում է 3961 մարդ։ Կոմունայի բնակչության քանակը վերջին 40 տարում աճ է գրանցել։

Պատկերասրահ

• 
  Ձկնորսական նավակները, որոնք կոմունայի տնտեսությունում կարևոր դերակատարություն ունեն
• 
  Հավալերի եկեղեցի
• 
  Ակերֆոյա կղզի
• 
  Սանդմարինա բնակավայր

Աղբյուրներ

• Store norske leksikon.(նորվ.)

Արտաքին հղումներ

• Կոմունայի վիճակագրական տվյալները վերցված Նորվեգիայի վիճվարչությունից: Արխիվացված 2007-10-01 Wayback Machine(նորվ.)

Ծանոթագրություններ

Վիքիպահեստն ունի նյութեր, որոնք վերաբերում են «Վալեր (Էստֆոլդ)» հոդվածին։