Վալենտին Կիրեև

Վալենտին Կիրեև
Ծնվել է	հոկտեմբերի 16 (28), 1899; Պերմ, Ռուսական կայսրություն
Մահացել է	նոյեմբերի 8, 1974 (75 տարեկան); Մոսկվա, ԽՍՀՄ
Գերեզման	Դոնսկոե գերեզմանատուն
Մասնագիտություն	քիմիկոս
Պարգևներ

Վալենտին Ալեքսանդրովիչ Կիրեև (հոկտեմբերի 16 (28), 1899, Պերմ, Ռուսական կայսրություն - նոյեմբերի 8, 1974(1974-11-08), Մոսկվա, ԽՍՀՄ), սովետական քիմիկոս, ԽՍՀՄ ԳԱ Հեռավոր արևելյան մասնաճյուղի քիմիայի ինստիտուտի (Վլադիվոստոկ) (1935-1937), Մոսկվայի ինժեներաշինարարական ինստիտուտի (1937-1973) տնօրեն, ԽՍՀՄ Պետական մրցանակի դափնեկիր։

Զբաղվել է քիմիական թերմոդինամիկայի ոլորտի հետազոտություններով։ Մեծ ներդրում է ունեցել քիմիական ռեակցիաների և ֆազային անցումների թերմոդինամիկական պարամետրերի, ինչպես նաև առանձին նյութերի թերմոդինամիկական հատկությունների հաշվարկման մեթոդների մշակման գործում։

Կենսագրություն[խմբագրել | խմբագրել կոդը]

Վալենտին Կիրեևը ծնվել է 1899 թվականի հոկտեմբերի 16-ին Պերմում։ 1924 թվականին ավարտել է Մոսկվայի պետական համալսարանը, որից հետո 1927-1933 թվականներին աշխատել է Ֆիզիկաքիմիայի ինստիտուտում (մինչև 1931 թվականը՝ Կարպովի անվան քիմիայի ինստիտուտ)։

Կիրեևի հիմնական գիտական գործունեությունը նվիրված է քիմիական թերմոդինամիկայի ուսումնասիրությանը։ 1931-1940 թվականներին նա ստեղծել է էլեկտրոլիտների լուծույթների և դրանցում ֆազային հավասարակշռության ուսումնասիրման մեթոդների մի ամբողջ շարք։ Այնուհետև 1953-1965 թվականներին զարգացրել է առանձին նյութերի թերմոդինամիկական հատկությունների հաշվարկման մեթոդները։ Նրա աշխատանքների արդյունքները ներկայացվել են «Քիմիական ռեակցիաների գործնական հաշվարկների մեթոդները թերմոդինամիկայում» (1970, 2-րդ հր. 1975) մենագրության մեջ։

«Քիմիայի կարճ դասընթաց» (1959, 5-րդ հր. 1978), «Ֆիզիկական քիմիայի դասընթաց» (1955, 3-րդ հր. 1975) և «Քիմիական ռեակցիաների գործնական հաշվարկների մեթոդները թերմոդինամիկայում» դասագրքերի հեղինակն է։

Քիմիական թերմոդինամիկայի բնագավառում իր գիտական գործունեության համար արժանացել է ԽՍՀՄ Պետական մրցանակի (1969)։

Աճյունասափորը պահվում է Դոնսկոե գերեզմանատանը (Մոսկվա)։

Արտաքին հղումներ[խմբագրել | խմբագրել կոդը]

«Վալենտին Ալեքսանդրովիչ Կիրեև»։ publ.lib.ru։ Վերցված է 2020-08-15
«Վալենտին Ալեքսանդրովիչ Կիրեև»։ 100v.com.ua։ Վերցված է 2020-08-15