Վալենտինա Մալնիկովա

Վալենտինա Մալնիկովա; ռուս.՝ Валентина Дмитриевна Мельникова
Ծնվել է	փետրվարի 28, 1946 (78 տարեկան)
Ծննդավայր	Մոսկվա, ԽՍՀՄ
Քաղաքացիություն	ԽՍՀՄ և Ռուսաստան
Կրթություն	Մոսկվայի պետական համալսարանի երկրաբանության ֆակուլտետ
Մասնագիտություն	իրավապաշտպան, քաղաքական գործիչ և ճարտարագետ
Աշխատավայր	Ռուսաստանի զինվորականների մայրերի միության կոմիտե, ՌԴ պաշտպանության նախարարությանն առընթեր հասարակական խորհուրդ, Վերնադսկու անվան երկրաքիմիայի և անալիտիկ քիմիայի ինստիտուտ և Հանքային հումքի համամիութենական գիտահետազոտական ինստիտուտ
Կուսակցություն	Ժողովրդական ազատության կուսակցություն
Անդամություն	ՌԴ պաշտպանության նախարարությանն առընթեր հասարակական խորհուրդ
	Valentina Melnikova Վիքիպահեստում

Վալենտինա Դմիտրիևնա Մելնիկովա (ռուս.՝ Валентина Дмитриевна Мельникова, փետրվարի 28, 1946(1946-02-28), Մոսկվա, ԽՍՀՄ), ռուս իրավապաշտպան և քաղաքական գործիչ, Ռուսաստանի Դաշնության պաշտպանության նախարարությանն առընթեր հասարակական խորհրդի անդամ, Ռուսաստանի Զինվորականների մայրերի կոմիտեների գործադիր քարտուղար, 2012 թվականից՝ Ռուսաստանի հանրապետական կուսակցության դաշնային քաղաքական խորհրդի բյուրոյի անդամ – Ժողովրդական ազատության կուսակցություն։ 2005-2012 թվականներին եղել է Ռուսաստանի հանրապետական կուսակցության համանախագահն, նախկին` Զինվորականների մայրերի միացյալ ժողովրդական կուսակցության առաջնորդը։ 2011 թվականին «Ռուսաստանի 100 ամենաազդեցիկ կանանց» վարկանիշում զբաղեցրել է 22-րդ տեղը^[1]^[2]։

Կենսագրություն

Վալենտինա Մալնիկովան ծնվել է 1946 թվականի փետրվարի 28-ին, Մոսկվայում։ Ավարտել է Մոսկվայի Մ. Լոմոնոսովի անվան պետական համալսարանի երկրաբանական ֆակուլտետը։ Որպես ինժեներ աշխատել է Վ. Վերնադսկու երկրաքիմիայի և վերլուծական քիմիայի ինստիտուտում, Հանքային հումքի համամիութենական ինստիտուտում, Մոսկվայի Մ. Լոմոնոսովի անվան պետական համալսարանի երկրաքիմիայի ամբիոնում։ 1989 թվականից ղեկավարել է մարդու իրավունքներն ու կրթական աշխատանքները Զինվորականների մայրերի համամիութենական հանձնաժողովում, այնուհետև` Ռուսաստանի Զինվորականների մայրերի կոմիտեում, դարձել է կազմակերպության մամլո քարտուղար։ 1990-1995 թվականներին եղել է «Խրոնոս» ռենտգենյան հսկողական սարքեր արտադրող փոքր ձեռնարկության համահիմնադիր և փոխտնօրեն։

1998 թվականին եղել է «Ռուսաստանի զինվորների մայրերի կոմիտեների միություն» համառուսաստանյան միավորման ստեղծման նախաձեռնողը, ընտրվել է Միության գործադիր քարտուղար։ 2004 թվականի նոյեմբերին կայացած հիմնադիր համագումարում ընտրվել է Զինվորականների մայրերի միացյալ ժողովրդական կուսակցության նախագահ։ 2011 թվականի դրությամբ հանդիսանում է Ռուսաստանի Դաշնության պաշտպանության նախարարության ենթակայության հասարակական խորհրդի անդամ^[3], Ռազմական կարգապահության, զինծառայության մարդասիրության հարցերով հանձնաժողովի նախագահ^[4]։ 2014 թվականի հոկտեմբերի 28-ի դրությամբ ընդգրկվել է նորակոչիկներով և պայմանագրային զինծառայողներով զորքերի համալրման հանձնաժողովի կազմում^[5]։

«Զինվիրների մայրերի կուսակցության» Ռուսաստանի հանրապետական կուսակցության հետ միավորվելուց հետո 2005 թվականի դեկտեմբերին ընտրվել է համագումարում որպես Հանրապետական կուսակցության համանախագահ և այդ պաշտոնում աշխատել մինչև 2012 թվականը։ 2012 թվականից «Ռուսաստանի հանրապետական կուսակցություն-Ժողովրդական ազատություն կուսակցության» դաշնային քաղաքական խորհրդի բյուրոյի անդամ է։

Ներկայումս բնակվում է Մոսկվայում (Ռուսաստանի Դաշնություն), երբեմն էլ Հեմնիցում (Գերմանիա)։

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Վալենտինա Մալնիկովա» հոդվածին։

[1] Рейтинг «100 самых влиятельных женщин России» — Общество — Интерфакс

[2] Радио ЭХО Москвы : Валентина Мельникова / Комментарии

[3] Состав : Министерство обороны Российской Федерации

[4] Информация о руководителе : Министерство обороны Российской Федерации

[5] Состав и структура совета : Министерство обороны Российской Федерации

[1]

[2]

[3]

[4]

[5]