Սևորդյաց լեռներ, Սևորդաց լեռնաշղթա, Սևորդյաց լեռնաշղթա, լեռնաշղթա ՀայաստանիԼոռու մարզում, Գուգարաց լեռների արևմտյան ճյուղավորություններից մեկը՝ Դեբեդի և Մարց ու Քիստում վտակների միջև։ Այստեղ է գտնվում Գուգարաց լեռնահամակարգի ամենաբարձր կետը՝ Դժարսար լեռը, որը ունի 2245 մ բարձրություն։ Լեռնաշղթայի երկարությունը 15 կմ է[1][2]։ Լեռնաշղթան ձգվում է հյուսիս–արևմուտք և զառիթափ իջնում Դեբեդի հովիտը, Սանահին երկաթուղային կայարանի մոտ։ Միջին բարձրությամբ ծալքաբեկորավոր լեռնաշղթա է՝ կազմված հրաբխածին–նստվածքային ապարներից։ Լանջերը ժայռոտ են, անտառածածկ, մասնատված էրոզիոն խոր հովիտներով։ Ջրբաժանային մասում ալպյան մարգագետիններ են:
↑Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Երևան, «Գեոդեզիայի և քարտեզագրության կենտրոն ՊՈԱԿ», 2007, էջ 110 — 150 էջ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 327)։
Հայաստան