Սևանա լճի օր
| Սևանա լճի օր | |
|---|---|
 Սևան ազգային պարկի պատկերանիշը | |
| Ամսաթիվ | օգոստոսի վերջին կիրակի |
| Շաբաթվա օր | կիրակի |
| Տոնվում է | Հայաստանում |
| սկսած | 1999 |
| Հաստատված | Հայաստանի շրջակա միջավայրի նախարարություն |
| Անվանված է | Սևանա լիճ |
| Կապված | Սևանա լիճ |
Սևանա լճի օր, տոն` նվիրված Սևանա լճի պահպանությանը[1][2]։ Սահմանվել է 1999 թվականին՝ Հայաստանի Հանրապետության բնապահպանության նախարարության (ներկայիս Շրջակա միջավայրի նախարարություն) կողմից ընդունված որոշումով[1][2]։ Նշվում է յուրաքանչյուր տարվա օգոստոսի վերջին կիրակին[1][2]։ Այդ օրվա հետ են կապված մի շարք միջոցառումներ, որոնք ընդգրկված են Սևանա լճի պաշտպանությանն ուղղված ծրագրում և իրականացվում են Հայաստանի Հանրապետության շրջակա միջավայրի նախարարության կողմից[1][2]։
Պատմություն[խմբագրել | խմբագրել կոդը]
Տոնի էությունը կայանում է նրանում, որ Սևանա լիճը աշխարհում երկրորդն է իր տեսակի մեջ, որն ունի եզակի բուսական և կենդանական աշխարհ ու բնության անգնահատելի հուշարձաններ[1][2]։ Այդ օրը Շրջակա միջավայրի նախարարությունից մարդկանց հորդորում են միասին պահպանել Սևանը և իրազեկում, որ Սևանա լիճն ուղղակի հանգստավայր չէ, այլ էկոհամակարգ է, որն ունի յուրաքանչյուրի հոգածության կարիքը[1][2]։