Սևագլխիկ բազմաբեղուն

Վիքիպեդիայից՝ ազատ հանրագիտարանից
Jump to navigation Jump to search
Սևագլխիկ բազմաբեղուն
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Վարդազգիներ
Տեսակ Սևագլխիկ բազմաբեղուն
Լատիներեն անվանում
Poterium polygamum


Սևագլխիկ բազմաբեղուն (լատ.՝ Poterium polygamum), վարդազգիների ընտանիքին պատկանող դեղաբույս։

Նկարագրություն[խմբագրել | խմբագրել կոդը]

40-80 սմ բարձրությամբ փետրաձև կոթունավոր տերևներով և մանր ծաղիկներով, մերկ, բազմամյա խոտաբույս է։ Ձվաձև-երկարավուն փոքր տերևիկները ատամնաեզր են։ Էլիպսաձև գլխիկանման ծաղկաբույլերում հավաքված են կանաչավուն, դեղնավուն կամ կարմրավուն ծաղիկները։ Ծաղիկն ունի երկու թեփուկանման ծաղկակիցներ և չորս բաժակաթերթիկներ։ Բազմաթիվ առէջներով արական ծաղիկները խմբված են ծաղկաբույլի ստորին մասում, իգականները՝ վերին մասում, իսկ երկսեռ ծաղիկները գտնվում են միջին մասում։ Պտուղները ատամնեզր թևերով մերկ քառակող երկարավուն ընկուզիկներ են[1]։

Տարածվածություն[խմբագրել | խմբագրել կոդը]

Աճում է լեռնային գոտիների չոր քարքարոտ լանջերին, կավային հողերի վրա, թփուտներում և անտառաեզրերին։ Տարածված է բոլոր մարզերում։ Լավ մեղրատու բույս է[1]։

Նշանակություն[խմբագրել | խմբագրել կոդը]

Բուժական նպատակներով օգտագործում են վերգետնյա զանգվածն ու արմատները։ Վարունգի համ ունեցող տերևները որպես բանջարեղեն կիրառում են ապուրներում և աղցաններում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689