Սրբապատկերների ազգային թանգարան՝ Օնուֆրի

Սրբապատկերների ազգային թանգարան՝ Օնուֆրի
Տեսակ	պատկերասրահ
Երկիր	Ալբանիա
Տեղագրություն	Բերատ
Հիմնադրվել է	1986
Կայք	muzeumet-berat.al/?fq=brenda&gj=gj2&kid=8

Սրբապատկերների ազգային թանգարան՝ Օնուֆրի (ալբ․՝ Muzeu Ikonografik Onufri), ազգային թանգարան Ալբանիայում։ Տեղակայված է Բերատ քաղաքի Աստվածածնի Վերափոխման տաճարում։

Պատմություն[խմբագրել | խմբագրել կոդը]

Թանգարանը բացվել է 1986 թվականի փետրվարի 27-ին^[1]։ Անվանակոչվել է ի պատիվ 16-րդ դարի ալբանացի նշանավոր գեղանկարիչ, սրբապատկերագիր Օնուֆրիոսի, որը ստեղծագործել է Ալբանիայի կենտրոնական և հարավային շրջաններում և հարավ-արևմտյան Մակեդոնիայում։ Տաճարը կրկին կառուցվել է 1797 թվականին և համարվում է հետբյուզանդական ճարտարապետության ամենատիպիկ օրինակը Բերատ քաղաքում։

Թանգարանի հավաքածուն կազմված է 173 ցուցադրանմուշներից՝ 106 սրբապատկեր, 67 եկեղեցական իրեր՝ ընտրված թանգարանային ֆոնդի մոտ 1500 իրերից։ Սրբապատկերները ստեղծվել են 14-20-րդ դարերի ալբանացի սրբանկարիչներ Օնուֆրիոսի, նրա որդու՝ Նիկոլայի, Օնուֆրիոս Չիպրիոտիի, Կոնստանդին Շպատարակի և անանուն այլ վարպետների կողմից։ Եկեղեցու խորանի պատկերակալը հեղինակել են Նաում Նգելը և Ստեֆան Բարկան 19-րդ դարի կեսին։

Պատկերասրահ[խմբագրել | խմբագրել կոդը]

Թանգարանի մուտքը
«Մարիամ Աստվածածինը մանկան հետ», Օնուֆրիոս, 16-րդ դար
«Պետրոս առաքյալ» Օնուֆրիոսի որդի Նիկոլայի աշխատանքը, 16-րդ դարի երկրորդ կես
Կոստանդիանոս Մեծ կայսրը մոր՝ Հեղինեի հետ, Օնուֆրիոսի որդի Նիկոլայի աշխատանքը, 16-րդ դարի երկրորդ կես
«Սուրբ Գևորգ», Կոնստանդին Շպատարակ, 18-րդ դար