Ստրուկների մեծ լիճ

Վիքիպեդիայից՝ ազատ հանրագիտարանից
Great Slave Lake and Lake Athabasca 6.png
UtsingiPoint-GreatSlaveLake.JPG

Ստրուկների մեծ լիճ, Մեծ ստրկական լիճ (անգլ.՝ Great Slave Lake), լիճ Կանադայի հյուսիս-արևմուտքում։ Մակերեսը 28,6 հզ․ կմ2 է, խորությունը՝ մինչ 150 մ։ Ունի սառցադաշտային-տեկտոնական ծագում։ Արևմտյան ափերը ցածրադիր են՝ ծածկված փշատերև անտառներով, արևելյան ու հյուսիսային ափերը՝ բլրավոր, գերազանցապես մերկացած։ Արևելյան մասում շատ կան կղզիներ։ Լիճն են թափվում Ստրկական, Հեյ և այլ գետեր, արտահոսում է Մակենզի գետը։ Սառցակալում է հոկտեմբերին, սառցազերծվում՝ հունիսին։ Լճում կա նավագնացություն, ձկնորսություն։ Հյուսիսային ափին կան ոսկու հանքեր։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 160 CC-BY-SA-icon-80x15.png