Ստեփան Սուքիասյան

Ստեփան Սուքիասյան
Ծնվել է	մարտի 31, 1946(1946-03-31) Լենինական, Հայկական ԽՍՀ, ԽՍՀՄ
Երկիր	Հայկական ԽՍՀ և  Հայաստան
Մահացել է	2021
Մասնագիտություն	երաժշտագետ և կոմպոզիտոր
Աշխատավայր	Երևանի Կոմիտասի անվան պետական կոնսերվատորիա
Կրթություն	Երևանի Կոմիտասի անվան պետական կոնսերվատորիա

Ստեփան Մանուկի Սուքիասյան (մարտի 31, 1946(1946-03-31), Լենինական, Հայկական ԽՍՀ, ԽՍՀՄ - 2021), հայ գալարափողահար, երաժշտագետ, կոմպոզիտոր, Հայաստանի կոմպոզիտորների միության անդամ (2013 թվականից)։

Կենսագրություն

Ստեփան Սուքիասյանը ծնվել է 1946 թվականի մարտի 3-ին Լենինականում։ 1963 թվականին ավարտել է Լենինականի Ք. Կարա-Մուրզայի անվան երաժշտական ուսումնարանը։ 1969 թվականին ավարտել է Երևանի պետական կոնսերվատորիա գալարափողի, 1976 թվականին՝ երաժշտագիտության (Ռ. Ստեփանյանի դասարան), իսկ 1990 թվականին՝ կոմպոզիցիայի (Ղ. Սարյանի դասարան) բաժինները։

1966-1972 թվականներին հանդես է եկել Հայաստանի ռադիոյի և հեռուստատեսության սիմֆոնիկ նվագախմբում, 1972-1981 թվականներին դասավանդել է Երևանի երաժշտական դպրոցներում, 1989 թվականից՝ Երևանի պետական կոնսերվատորիայում (1992-2011 թվականներին եղել է պրոռեկտոր), Գեղագիտության ազգային կենտրոնում կազմակերպել է մանկական ֆիլհարմոնիա (1981-1984)։ 1984-1988 թվականներին եղել է Լենինականի Ք. Կարա-Մուրզայի անվան երաժշտական ուսումնարանի տնօրեն։

Հեղինակել է սիմֆոնիկ, կամերային, վոկալ-գործիքային, երգչախմբային ստեղծագործություններ («Խմբերգեր մանկական երգչախմբի համար», 2010, և այլն)։

Ստեփան Սուքիասյանը մահացել է 2021 թվականին։

Մրցանակներ

• 2008 – ՀՀ Թեքեյան մշակութային միության մրցանակ,
• 2012 – Միջազգային երաժշտական փառատոնի հատուկ մրցանակ (Հալլե)։

Արտաքին հղումներ

• Ստեփան Սուքիասյան - Լիթանիա՝ նվիրված Եղեռնի 100-ամյա տարելիցին
• Ստեփան Սուքիասյան - Կամերային սիմֆոնիա
• Ստեփան Սուքիասյան - Լարային կվարտետ (2012)

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։