Սպիտակ թիթեռը (մուլտֆիլմ)
Սպիտակ թիթեռը ռուս.՝ Белая бабочка | |
---|---|
Տեսակ | մուլտֆիլմ |
Սցենարիստ | Ալեքսանդր Տիմոֆեևսկի |
Երաժշտություն | Վլադիսլավ Կազենին |
Երկիր | ԽՍՀՄ |
Ընկերություն | Սվերդլովսկի կինոընկերություն |
Դիստրիբյուտոր | ԽՍՀՄ հեռուստատեսության և ռադիոհեռարձակման պետական կոմիտե |
Տևողություն | 608 վայրկյան |
Թվական | 1981 |
Սպիտակ թիթեռը (ռուս.՝ Бе́лая ба́бочка), խորհրդային տիկնիկային մուլտֆիլմ, որը նկարահանվել է 1981 թվականին Սվերդլովսկի կինոստուդիայում։
Նկարահանվել է ըստ Ալեքսանդր Տիմոֆեևսկու սցենարի` Եվգենի Պերմյակի համանուն հեքիաթի հիման վրա։ Լուսագրերում նշված է. ԽՍՀՄ նախարարների խորհրդի հեռուստառադիոհեռարձակման պետական կոմիտեի պատվերով։
Սյուժե[խմբագրել | խմբագրել կոդը]
Մի անգամ ամուրի ճագարամուկը գնում է Բուից աղ ուզելու, վերջինս նրան խորհուրդ է տալիս շուտ ամուսնանալ, որպեսզի կինն իր համար պատրաստի և հետևի տնտեսությանը։ Ճագարամուկը մտածում է բուի ասածների մասին և վճռում է գնալ անտառ ու իր համար հարսնացու փնտրել։ Տեղացի հարսնացուները նրան դուր չեն գալիս այն պատճառով, որ չեն գովում իր արտաքին տեսքը։ Եվ ահա հայտնվում է սպիտակ թիթեռը, որը նկատելով Ճագարամկանը` հիանում էր նրանով և գովաբանում նրա խարտյաշ մորթին։ Ճագարամուկը հալվում է կեղծ շողոքորթություններից։ Նա մտածում է, որ հանդիպել է քնքուշ, գեղեցիկ և հասկացող թիթեռին. նրանք ամուսնանում են։ Սակայն կինը հաճախ հեռանում էր իր գործերով։ Նա երբեմն գալիս էր ամուսնու մոտ, սպասում մինչև նա կքնի, և պոկում էր նրա մորթուց իր նոր զգեստի համար։ Մի օր էլ Ճագարամուկը նկատում է, որ մնացել է առանց կնոջ և առանց մորթու։ Կինն իր համար նոր զգեստ կարելով` գնում է ապրելու Փորսուղի մոտ։ Այդ ժամանակ Ճագարամուկը հասկանում է, որ իր նախկին սիրելի կինը պարզապես ուտիճ է։ Վերջում նրան այցելում է մորաքույր Բուն։ Ճագարամուկն ասում է. «Այ քեզ ճակատագիր. ես գնացի մի պտղունց աղի, իսկ արդյունքում ամուսնացա ուտիճի հետ»։ Բուն պատասխանում է, ասելով, որ մորթին նորից կաճի, իսկ Ճագարամկանը խորհուրդ է տալիս հետագայում ամուսնանալ ոչ միայն ըստ արտաքինի։
Նկարահանող խումբ[խմբագրել | խմբագրել կոդը]
Ռեժիսոր | Գալինա Տուրգենևա |
Սցենարի հեղինակ | Ալեքսանդր Տիմոֆեևսկի |
Նկարիչներ | Ն. Պավլով, Պ. Կիրեև |
Նկարիչ-մուլտիպլիկատորներ | Վալենտին Բաժենով, Տատյանա Մուխլինինա |
Տիկնիկները պատրաստել են | Ե. Պապլովա, Ն. Մալյուկովա, Ն. Սենիչկինա, Յու. Ուշակով |
Օպերատոր | Վալենտին Բաժենով |
Կոմպոզիտոր | Վլադիսլավ Կազենին |
Հնչյունային օպերատոր | Պ. Շումելով |
Օպերատորի օգնական | Վ. Տարնովսկի |
Մոնտաժոր | Լ. Պերմյակովա |
Խմբագիր | Իրիրնա Դույկովա |
Մուլտֆիլմի տնօրեն | Ֆյոդոր Անտոնով |
Դերերը հնչյունավորել են[խմբագրել | խմբագրել կոդը]
Մուլտֆիլմում Զինաիդա Նարիշկինան հնչյունավորել է մորաքույր բուի, Վսևոլոդ Աբուդլովը` ճագարամկան դերը (լուսագրերում նշված չեն)։
Վերաթողարկում DVD ձևաչափով[խմբագրել | խմբագրել կոդը]
Մուլտֆիլմը DVD ձևաչափով թողարկվել է ռեժիսոր Գալինա Տուրգենևայի «Ռոմկան, Ֆոմկան և Արտոսը» մուլտֆիլմերի հավաքածուում։ Սկավառակի մեջ ընդգրկված են եղել հետևյալ մուլտֆիլմերը. «Ռոմկան, Ֆոմկան և Արտոսը», «Տատիկի դասը» (1986), «Սպիտակ թիթեռը» (1981), «Փոքրիկ իշուկի երազանքը» (1984), «Կուղխն ու աղվեսը» (1982), «Քամիների տիրակալը» (1984), «Ձկնի՛կ, բռնվի՛ր» (1983)[1]։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- «Սպիտակ թիթեռը» մուլտֆիլմը «Անիմատոր.ռու» կայքում
- Каталог ТПО «Союзтелефильм» Արխիվացված 2013-10-30 Wayback Machine
- Энциклопедия отечественной мультипликации (авт. Сергей Капков, «Алгоритм», 2006)
|