Էրքան Զենգին
| Էրքան Զենգին | |
|---|---|
 | |
| Ծնվել է | օգոստոսի 5, 1985[1][2][3] (38 տարեկան) |
| Ծննդավայր | Kulu, Քոնյայի մարզ, Թուրքիա |
| Քաղաքացիություն |  Թուրքիա և  Շվեդիա |
| Մայրենի լեզու | թուրքերեն |
| Մասնագիտություն | ֆուտբոլիստ |
 Erkan Zengin Վիքիպահեստում | |
Էրքան Զենգին (օգոստոսի 5, 1985[1][2][3], Kulu, Քոնյայի մարզ, Թուրքիա), թուրքական ծագումով շվեդ ֆուտբոլիստ, «Սեգելթորփս» ակումբի կիսապաշտպան։ 2016 թվականի ֆուտբոլի Եվրոպայի առաջնության մասնակից։
Զենգինի ծնողները թուրքեր են։ Էրքանի ծնվելուց անմիջապես հետո նրանք տեղափոխվել են Շվեդիա։ Նա հանդես է եկել Թուրքիայի պատանեկան հավաքականում, սակայն հետո որոշել է ընտրել Շվեդիան։
Ակումբային կարիերա
Զենգինը «Համարբյու» ֆուտբոլային ակումբի սան է։ 2004 թվականին նա իր նորամուտը նշել է Ալսվենսկյան լիգայում, «Մալմյո» ֆուտբոլային ակումբի դեմ խաղում։ Մի քանի մրցաշրջաններից հետո Էրքանը կիսապաշտպանության կենտրոնից տեղափոխվել է եզր, բայց չնայած դիրքի փոփոխությանը, նա կարող է խաղալ նաև կենտրոնում։
2009 թվականին Զենգինը կես տարվա վարձավճարով տեղափոխվել է թուրքական Բեշիկթաշ։ Փետրվարի 15-ին «Տրաբզոնսպորի» դեմ խաղում նա իր նորամուտը նշել է Թուրքիայի ֆուտբոլի առաջնությունում[4]։ Զենգինը Բեշիկթաշի կազմում դարձել է Թուրքիայի չեմպիոն և գավաթակիր։ Ամռանը Էրքանի տրանսֆերը գնվել է 400 հազար եվրոյով, չնայած նրան, որ նա անցկացրել է ընդամենը երկու հանդիպում։ Հաջորդ մրցաշրջանում Զենգինը խաղադաշտ դուրս չի եկել բարձր մրցակցության պատճառով։
2010 թվականի ձմռանը նա վարձավճարով տեղափոխվել է «Էսքիշեհիրսպոր»՝ խաղային փորձ ձեռք բերելու համար։ Հունվարի 23-ին «Մանիսասպորի» դեմ խաղում Զենգինը նորամուտը նշել է նոր ակումբում[5]։ Փետրվարի 14-ին «Անթալյասպորի» դեմ խաղում նա խփել է իր առաջին գոլը Թուրքիայի առաջնությունում[6]։ Նույն թվականի ամռանը «Էսքիշեհիրսպորը» գնեց Զենգինի տրանսֆերը։ 2013 թվականին Էրքանը հինգ գոլով դարձավ ազգային գավաթի լավագույն ռմբարկու։ 2015 թվականի սկզբին Զենգինը տեղափոխվել է «Տրաբզոնսպոր»։ Հունվարի 23-ին «Սիվասսպորի» դեմ խաղում նա իր նորամուտը նշել է նոր թիմի կազմում[7]։ Օգոստոսի 15-ին «Բուրսասպորի» դեմ խաղում Էրքանը խփել է իր առաջին գոլը «Տրաբզոնսպորի» կազմում[8]։ 2016 թվականին Զենգինը վերադարձել է «Էքսիշեհիրսպոր»։ 2018 թվականի սկզբին նա միացել է իր առաջին թիմին՝ «Համարբյուին»։ Նույն թվականի ամռանը Էրքանը դարձել է Թուրքիայի երկրորդ դիվիզիոնի «Ֆաթիհ Կարագյումրյուք» ակումբի խաղացող։
Միջազգային կարիերա
2013 թվականի մարտի 26-ին Սլովակիայի հավաքականի դեմ ընկերական խաղում Զենգինը նորամուտը նշել է Շվեդիայի հավաքականում[9]։ 2014 թվականի սեպտեմբերի 8-ին Ավստրիայի հավաքականի դեմ Եվրոպայի 2016 թվականի առաջնության ընտրական խաղում Էրքանը խփել է իր առաջին գոլը ազգային թիմի կազմում[10]։
2016 թվականի ամռանը Զենգինը ընդգրկվել է հավաքականի հայտացուցակում Ֆրանսիայում կայանալիք Եվրոպայի առաջնությանը մասնակցելու համար: Մրցաշարում նա մասնակցել է Բելգիայի հավաքականի դեմ խաղին[11]։ «ՈՒԵՖԱ Եվրո 2016»-ից հետո հրաժարվել է խաղալ հավաքականում։
Գոլերը Շվեդիայի հավաքականում
| # | Ամսաթիվ | Տեղ | Մրցակից | Հաշիվ | Արդյունք | Մրցույթ |
|---|---|---|---|---|---|---|
| 01. | 8 սեպտեմբերի 2014 | Էռնստ Հապել, Վիեննա, Ավստրիա |  Ավստրիա |
1:1 | 1:1 | Եվրոպայի առաջնություն 2016 որակավորում |
| 02. | 12 հոկտեմբերի 2014 | Ֆրենդս արենա, Սոլնա, Շվեդիա |  Լիխտենշտայն |
1:0 | 2:0 | Եվրոպայի առաջնություն 2016 որակավորում |
| 03. | 12 հոկտեմբերի 2015 | Ֆրենդս արենա, Սոլնա, Շվեդիա |  Մոլդովա |
2:0 | 2:0 | Եվրոպայի առաջնություն 2016 որակավորում |
Նվաճումներ
Թիմային
- Թուրքիայի ֆուտբոլի առաջնություն - 2008/09
- Թուրքիայի Գավաթակիր - 2008/09
Ծանոթագրություններ
- ↑ 1,0 1,1 Արգենտինական ֆուտբոլի տվյալների շտեմարան (իսպ.)
- ↑ 2,0 2,1 FBref.com(բազմ․)
- ↑ 3,0 3,1 As (իսպ.) — Madrid: Grupo Prisa, 1967. — ISSN 1888-6671
- ↑ «Бешикташ VS. Трабзонспор 1:1» (անգլերեն). soccerway.com. 2009-02-15. Արխիվացված է օրիգինալից 2014-10-21-ին. Վերցված է 2014-10-13-ին.
- ↑ «Эскишехирспор VS. Манисаспор 1:0» (անգլերեն). soccerway.com. 2010-01-23. Արխիվացված է օրիգինալից 2014-10-21-ին. Վերցված է 2014-10-13-ին.
- ↑ «Атальяспор VS. Эскишехирспор 1:2» (անգլերեն). soccerway.com. 2010-02-14. Արխիվացված է օրիգինալից 2014-10-21-ին. Վերցված է 2014-10-13-ին.
- ↑ «Трабзонспор VS. Сивасспор 3:1» (անգլերեն). soccerway.com. 2015-01-23. Արխիվացված է օրիգինալից 2018-09-20-ին. Վերցված է 2018-09-20-ին.
- ↑ «Трабзонспор VS. Бурсаспор 1:0» (անգլերեն). soccerway.com. 2015-08-15. Արխիվացված է օրիգինալից 2018-09-20-ին. Վերցված է 2018-09-20-ին.
- ↑ «Словакия VS. Швеция 0:0» (անգլերեն). soccerway.com. 2013-03-26. Արխիվացված է օրիգինալից 2014-10-21-ին. Վերցված է 2014-10-13-ին.
- ↑ «Австрия VS. Швеция 1:1» (անգլերեն). soccerway.com. 2014-09-08. Արխիվացված է օրիգինալից 2014-10-10-ին. Վերցված է 2014-10-13-ին.
- ↑ «Швеция VS. Бельгия 0:1» (անգլերեն). soccerway.com. 2016-06-22. Արխիվացված է օրիգինալից 2016-06-24-ին. Վերցված է 2016-06-23-ին.
{{cite web}}: Unknown parameter|deadlink=ignored (|url-status=suggested) (օգնություն)