Սանյա Դոլեժալ
| Սանյա Դոլեժալ | |
|---|---|
_04.JPG) | |
| Ծնվել է | մայիսի 9, 1963[1] (61 տարեկան) Զագրեբ, Խորվաթիայի Սոցիալիստական Հանրապետություն, ՀՍՖՀ |
| Երկիր |  Խորվաթիա |
| Ժանրեր | փոփ |
| Մասնագիտություն | երգչուհի, դերասանուհի և հեռուստահաղորդավարուհի |
| Գործիքներ | վոկալ |
| Կրթություն | Զագրեբի համալսարան |
| Ամուսին | Նենադ Սարիչ |
 Sanja Doležal Վիքիպահեստում | |
Սանյա Դոլեժալ (խորվ.՝ Sanja Doležal, մայիսի 9, 1963[1], Զագրեբ, Խորվաթիայի Սոցիալիստական Հանրապետություն, ՀՍՖՀ), խորվաթ երգչուհի և հեռուստահաղորդավարուհի։ Առավել հայտնի է որպես «Novi fosili» փոփ խմբի անդամ 1984 թվականից մինչև 1990-ականների սկիզբը՝ խմբի ժողովրդականության գագաթնակետին:
Երգչական կարիերան ավարտելուց հետո Դոլեժալը մասնակցել է մի քանի հեռուստատեսային շոուների, 2004 թվականին դարձել է RTL Televizija մասնավոր հեռուստաալիքի սեփական ամենօրյա թոք-շոուի հաղորդավարը, որը կոչվում էր Sanja: Վարել է հեռուստաշոուն 2004 թվականի մայիսից մինչև 2006 թվականի ամառը, երբ այն հանվել է եթերից։ Հեռուստահաղորդման ընթացքում քննարկել են առօրյա կյանքի տարբեր հարցեր, հյուրերի թվում եղել են ինչպես հայտնի, այնպես էլ սովորական մարդիկ:
2010 թվականի վերջին Դոլեժալը հայտնվել է «Ples sa zvijezdama» շոուում՝ HRT 1 ալիքով հեռարձակվող «Պարեր աստղերի հետ» խորվաթական տարբերակում [2]։
Կենսագրություն
Ծնվել է 1963 թվականի մայիսի 9-ին Զագրեբում՝ երաժշտի ընտանիքում[3]։ Մանուկ հասակում նա նկարահանվել է խորվաթական Podravra ընկերության մանկական սննդի Medolino և Frutolino ապրանքանիշերի գովազդներում։ Սովորել է Զագրեբի համալսարանի հումանիտար և սոցիալական գիտությունների ֆակուլտետում[3]:
1981 թվականին դարձել է Զագրեբյան «Prva ljubav» փոփ-ռոք խմբի անդամ՝ նախկին Հարավսլավիայի առաջին պատանիների խմբում։ Այդ խմբի հետ ձայնագրել է Privatno (1981) և Kad ostanemo sami (1982) ալբոմները։
1984 թվականին միացել է Novi fosili փոփ խմբին՝ փոխարինելու նրանց առաջին վոկալիստ Ջյուրջիցա Բարլովիչին։ Դոլեժալը խմբում երգել է մինչև 1991 թվականը և կարճ ժամանակ անց վերադարձել այդտեղ 2005 թվականին[4]։ Դոլեժալի հետ խումբը թողարկել է յոթ ալբոմ և դարձել Հարավսլավիայի ամենահայտնի փոփ երգչախմբերից մեկը՝ վաճառելով հարյուր հազարավոր ձայնասկավառակներ և պարբերաբար ելույթներ ունենալով բոլոր տոմսերը վաճառված լինելու պայմաններում: Իր ծաղկման տարիներին խումբը ներկայացրել է Հարավսլավիան 1987 թվականի Եվրատեսիլ երգի մրցույթում Ja sam za ples (Ես ուզում եմ պարել) երգով և 92 միավորով զբաղեցրել չորրորդ տեղը։
1991 թվականին խմբից հեռանալուց հետո Դոլեժալը ձայնագրել է երեք սոլո ալբոմ, որոնք համեմատաբար ավելի քիչ հաջողություն են ունեցել։ 2000-ականների սկզբին նա ավարտել է իր երգարվեստի կարիերան։ Այնուհետև խաղացել է հայտնի լրագրողի դեր HRT-ի Jel' me netko tražio երաժշտական և կատակերգական շոուում, 2004-2006 թվականներին վարել է իր սեփական «Sanja» թոք-շոուն RTL-ով: Խորվաթիայի ռադիո-հեռուստատեսության առավոտյան Dobro jutro, Hrvatska (Բարի լույս, Խորվաթիա) ծրագրի հաղորդավարներից է:
Անձնական կյանք
Դոլեժալն ամուսնացել է Novi fosili-ի նախկին թմբկահար Նենադ Սարիչի հետ, ով մահացել է 2012 թվականին։ Նրանք ունեն երկու երեխա որդին՝ Լյուկը և դուստրը Լիան[5]։
Սկավառակագրություն
Ալբոմներ
- Non stop ples (1993)
- Kao u snu (1994)
- Plavuša (2000)
Guest singles
- "Obećaj mi" – Ալեն Իսլամովիչի հետ (2011)
- "Carpe Diem" – Հլադնո Պիվոյի հետ (2021)
Ֆիլմագրություն
| Տարի | Անվանում | Դեր | Ծանոթագրություններ |
|---|---|---|---|
| 1998 | Եգիպտոսի արքայազն | Տույա թագուհի | խորվաթական դուբլյաժ |
| 2004 | Bore Lee: Čuvaj se sinjske ruke | կամեո | |
| 2006 | Nad lipom 35 | կամեո | հեռուստասերիալ |
| 2011 | Lea i Darija | Նինա Սելակ |
Ծանոթագրություններ
- ↑ 1,0 1,1 Internet Movie Database — 1990.
- ↑ «Sanja Doležal i Hrvoje Kraševac napustili "Ples sa zvijezdama"!». Nacional.hr. Արխիվացված է օրիգինալից 2014-07-14-ին.
- ↑ 3,0 3,1 Meet Sanja Doležal, one of the Ambassadors for the European Year of Citizens, in Croatia!
- ↑ «Članak o Novim fosilima na sajtu RTS-a». Արխիվացված է օրիգինալից 2018-02-15-ին. Վերցված է 2017-04-30-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ Sanja Doležal // vecernji.hr
 | Վիքիպահեստն ունի նյութեր, որոնք վերաբերում են «Սանյա Դոլեժալ» հոդվածին։ |
|
