Վաչե Ավագյան

Վաչե Արշակի Ավագյան — կենսաբանական գիտությունների դոկտոր, պրոֆեսոր:

Կենսագրություն

Վաչե Ավագյանը ծնվել է Հայկական ԽՍՀ-ի Շամշադինի շրջանի (այժմ՝ ՀՀ Տավուշի մարզ) Նորաշեն գյուղում 1931 թվականի մայիսի 29-ին:

Կրթություն

1948 թվականին ոսկե մեդալով ավարտել է շրջկենտրոն Բերդի միջնակարգ դպրոցը: Դպրոցն ավարտելուց հետո ընդունվում է Հայկական գյուղատնտեսական ինստիտուտի ագրոնոմիական ֆակուլտետը: Մեկ տարի անց՝ 1949 թվականին տեղափոխվում է Մոսկվա՝ ուսւումը շարունակելու Տիմիրյազևի անվան գյուղատնտեսական ակադեմիայում, որն էլ գերազանցությամբ ավարտում է 1954 թվականին:

Կարիերա

• 1954-1954 թթ. — Ղազախստանի Կոկչետավի մարզի Շարիկյան ՄՏԿ-ի գլխավոր գյուղատնտես: 1956 թ-ին պարգևատրվել է «За освоение целинных земель» մեդալով:
• 1956-1959 թթ. — ՀՀ Տավուշի մարզի Նորաշեն գյուղի սերմնաբուծական տնտեսության սերմնաբույծ գյուղատնտես: Երկու անգամ արժանացել է ՀԽՍՀ գերագույն խորհրդի պատվոգրի (1958,1960):
• 1962-1980 թթ. — ՀՀ ԳԱ փորձարարական կենսաբանության ինստիտուտի ռադիացիոն գենետիկայի լաբորատորիայի ավագ գիտ. աշխատող (1962-1964), լաբորատորիայի վարիչ (1964-1968), բույսերի մուտագենեզի լաբորատորիայի վարիչ(1968-1980):
• 1980-1987 թթ. — ԽՍՀՄ գյուղ.նախարարության բնության պահպանության Համամիութենական ինստիտուտի (Մոսկվա) Հայաստանի բնության պահպանության բաժանմունքի վարիչ:
• 1987-1994 թթ. — ՀՀ գյուղ.նախարարության սերմարտադրության ԳԱՄ-ի գլխավոր տնօրեն, Երկրագործության ինստիտուտի տնօրեն և նույն ինստիտուտի ագրոէկոլոգիայի և գենետիկական մոնիտորինգի բաժնյ վարիչ:

Գիտական աստիճաններ և կոչումներ

• 1962 թ. — Կենսաբանական գիտությունների թեկնածու:
• 1976 թ. — Կենսաբանական գիտությունների դոկտոր:
• 1982 թ. — Պրոֆեսոր (գենետիկա)
• 1991 թ. — Ռուսաստանի Գյուղատնտեսական գիտությունների ակադեմիայի թղթակից-անդամ(նախկին ВАСХНИЛ)

Գիտական հրապարակումներ

• Մենագրություններ՝ 2
• Գրքեր և գրքույկներ՝ 8
• Գիտական հոդվածներ՝ 236
• Հոդվածներ լրագրերում՝ 42
• Հեռուստա-ռադիո հաղորդումներ՝ 17
• Տպագրության պատրաստ գրքեր՝ 3

Տես նաև

• Նորաշեն (Տավուշի մարզ)

Արտքին աղբյուրներ

• Լավրենտի Միրզոյան, «Տավուշ», Երևան 2010