Սպայկ և Տայկ (մուլտսերիալ)
| Սպայկ և Տայկ | |
|---|---|
| Տեսակ | կարճամետրաժ մուլտֆիլմերի շարք |
| Ժանր | կինոկատակերգություն |
| Ձայնագրում | Դոուզ Բաթլեր |
| Պատմվածքի վայր | ԱՄՆ |
| Երաժշտություն | Սքոթ Բրեդլի |
| Երկիր |  ԱՄՆ |
| Սերիաների քանակ | 2 |
| Պրոդյուսեր | Ֆրեդ Քուիմբի |
| Ռեժիսոր | Ուիլյամ Հաննա և Ջոզեֆ Բարբերա |
| Ընկերություն | Մետրո Գոլդվին Մայեր |
| Էկրաններին է | 1957-ից |
«Սպայկ և Տայկ» (անգլ.՝ Spike and Tyke), մուլտսերիալ, որն ստեղծել են Վիլյամ Հաննան և Ջոզեֆ Բարբերան Metro-Goldwyn-Mayer կինոստուդիայում 1957 թվականին։ Վերաբերում է «Թոմ և Ջերի» հայտնի մուլտսերիալին, սակայն այստեղ գլխավոր հերոսների դերերում հանդես են գալիս Սպայկ շունը և նրա որդի Տայկը։ Հենց Թոմը և Ջերին այս մուլտսերիալում հանդես չեն գալիս։
Մուլտսերիալը բաղկացած է ընդամենը երկու մասից՝ «Give and Tyke» («Տալիս են՝ վերցրու, խփում են՝ փախիր») և «Scat Cats» («Միշտ զգոն»)։ Մասերը ստեղծվել են 1956 թվականին և թողարկվել էկրան մեկ տարի անց։ Մուլտսերիալի հետագա աշխատանքներին խանգարել է այն, որ 1957 թվականին MGM մուլտիպլիկացիոն ստուդիայի փակվել է[1]։
Մուլտսերիալի սյուժե
[խմբագրել | խմբագրել կոդը]Երկու մասերի վերջում էլ Սպայկը շոյում է Տայկին և ասում. «Այո՛, սա իմ որդին է»։
Տալիս են՝ վերցրու, խփում են՝ փախիր
[խմբագրել | խմբագրել կոդը]Դեղին գույնի փողոցայի շունը հոդված է նկատում թերթում, որտեղ ասվում է, որ առանց վզակապի բոլոր շները, եթե չգրանցվեն, կբռնվեն։ Հենց այդ պահին շանը տեսնում է թափառական շների որսորդը։ Սկսվում է հետապնդումը։ Շունը նկատում է Սպայկի վզակապը, բայց այն հանել չի կարող։ Այդ ժամանակ շունը վերցնում է քնած Տայկի վզակապը։ Բայց Սպայկը նկատում է դա։ Նա հետապնդում էր շանը, իսկ այդ ժամանակ Տայկը հեռանում է բակից։ Նրան այդ պահին բռնում է թափառական շների որսորդը, բայց Սպայկը փրկում է որդուն և նրան է հագցնում իր վզակապը։
Հետապնդումից հետո որսորդը բռնում է առանց վզակապի Տայկին և արդեն պատրաստ է լինում նստեցնել ավտոմեքենա, բայց Սպայկը որդուն է հագցնում է վզակապը և ասում, որ նրա փոխարեն ինքը կգնա։ Դրանից փողոցային շունը տխրում է, և նա խաբում է թափառական շների որսորդին՝ նրանից խլելով ավտոմեքենան։ Արդեն վզակապերով Սպայկը և Տայկը գնում են դեպի բակ, հանգստանում։
Միշտ զգոն
[խմբագրել | խմբագրել կոդը]Սպայկի և Տայկի տերն ասում է (որը հանդիսանում է նաև Թոմի տերը), որ պետք է հսկեն տունը։ Երբ տերերը գնում են, երեք կատուներ տարբեր ձևով փորձում են տուն մտնել։ Նրանք Բուտչի՝ Թոմի փոխարեն տանն ապրող կատվի ընկերներն էին։ Բայց Սպայկը և Տայկը չեն թողնում, որ նրանք անեն դա։