Սուրբ Նիկողայոս եկեղեցի (Բեյքոզ)
| Սուրբ Նիկողայոս եկեղեցի | |
|---|---|
| Հիմնական տվյալներ | |
| Տեսակ | եկեղեցի |
| Երկիր |  Թուրքիա |
| Տեղագրություն | Բեյքոզ և Ստամբուլի մարզ |
| Դավանանք | Հայ Առաքելական Եկեղեցի |
 | |
 | |
Անվան այլ կիրառումների համար տե՛ս՝ Սուրբ Նիկողայոս եկեղեցի (այլ կիրառումներ)
Սուրբ Նիկողայոս եկեղեցի, 1776 թվականին կառուցված հայ առաքելական եկեղեցի Թուրքիայի Ստամբուլ քաղաքի Բեյքոզ շրջանում[1]։ Եկեղեցին վերակառուցվել է 1834 թվականին և պաշտանմունքի համար բացվել Պոլսո հայոց պատրիարք Ստեփանոս Բ Աղավնի Զաքարյանի ձեռամբ։ Երկար ժամանակ անտեսված եկեղեցին վերանորոգվել և պաշտամունքի համար բացվել է 1946 թվականին։ Բեյքոզի սուրբ Նիկողայոսը հետագայում վերանորոգվել է 1962, 1970 և 1982 թվականներին[2]։
Եկեղեցին, որն ունի փայտե զանգակատուն, Ստամբուլի միակ եկեղեցին է, որի սուրբ սեղանը սադափյա է։
Ստամբուլի քաղաքապետարանն առանց փոխհատուցման և համաձայնության վերցրել է Սուրբ Նիկողայոս եկեղեցուն պատկանող տարածքի մի մասը և ճանապարհ կառուցել։ 2019 թվականի ապրիլի 19-ին հայտնի դարձավ, որ դատարանը բավարարել է եկեղեցու պահանջը և Ստամբուլի քաղաքապետարանին պարտավորեցրել եկեղեցու հիմնադրամին վճարել 24 մլն 400 հազար թուրքական լիրա (շուրջ 4,2 մլն ԱՄՆ դոլար)[3]։
Ծանոթագրություններ[խմբագրել | խմբագրել կոդը]
- ↑ «Kültür Envanteri - Surp Nigoğayos Ermeni Kilisesi, Beykoz». kulturenvanteri.com (ամերիկյան անգլերեն). 2019 թ․ նոյեմբերի 17. Վերցված է 2024 թ․ փետրվարի 28-ին.
- ↑ «Surp Nigoğayos Ermeni Kilisesi, Beykoz». Tarihi İstanbul (թուրքերեն). Վերցված է 2024 թ․ փետրվարի 28-ին.
- ↑ LLC, Helix Consulting. «Ստամբուլի քաղաքապետարանը Բեյքոզի հայկական եկեղեցու հիմնադրամին 4 մլն դոլարի փոխհատուցում կվճարի». www.ermenihaber.am (անգլերեն). Վերցված է 2024 թ․ փետրվարի 28-ին.